الأربعاء، 23 ديسمبر 2009

رسائل لم تصل بعد!!





سأبدأ سلسله من الرسائل التى قد يكتبها الكثير ولم يرسلها


الرساله الأولى


إلى كل أب وضعته الدنيا فى إختيار السفر والغربه رغما عنه ليعيش وأهله وإختار ولكنه بعد


صلاح الأحوال لم يعد يفكر إلا فى الأموال لا الأولاد


(1)


رساله لك يا أبى


كم أحتاجك هل تسمعنى


كم أفتقد كفك الحانى ..وحضنك الدافىء.. وضمى تحت زراعك .. وإبتسامتك حين أسعدك


كم أفتقد إلى جمعتنا معا ..كم أفتقد إجتماعنا على نفس الطاوله وإصرارك إطعامى هذا وذاك

رغما عنى


أعلم أنك تعمل من أجلى ولكن هل تعلم أنه ليس دوما لصالحى


كم أحتاج حنانك .. وجودك .. حتى قسوتك وإنفعالك


أحتاجه حين لا أجدك بجانبى حين أحتاجك... أحتاجك حين تشتد على قساوة الدنيا


أحتاجك حين يتخلى عنى الجميع فى أزماتى .. أحتاجك حين لا أقوى على مواجهة الحياه


أحتاجك حتى حين أخطأ لأجد من يردعنى يوقزنى من غفوتى ويرد إلى بصيرتى


أحتاجك حين أحزن لأجد من يقف بجابنى يساندنى يمسح دمعتى


أحتاجك حين أفرح لأجد من يشاركنى سعادتى وأسقيك من كاس فرحتى وإن باتت الفرحه

قليله


كم أحتاج أن أشكو إليك دنيتى وأسمعك أسرارى وأرمى بهمومى إليك تحملها عنى


كم أحتاج لصديق ناصح يعاملنى كصديق بنظرة الأب الناصح الحكيم


أبى لا أريد مالا ولكنى أريد حنانا عطفا حبا وجودا فى حياتى


كم أكرهها هذه الغربه التى تموت معها أحلى المعانى


تركتنى لتخبط بى الدنيا توقعنى تاره وتصلبنى تاره لتوقعنى ثانية وثالثة ... ولا أجدك لتأخذ

بيدى تساعدنى على النهوض


أعلم أنك تراه من أجلى ولكنه فى النهايه سينهى بدايه لم تسير إلى النهايه المنشوده


متأكدة أنك تحبنى وترى تلبية رغباتى هى السبيل لإسعادى ولكن ألا ترى أن إسعادى فى

وجودك بجانبى


بحضورك بيننا


ألا ترى من حولك ممن حرموا من نعمة الإنجاب يحلمون ويمنون أنفسهم بما سيفعلوه

ويقدموه لأبنائهم


ألا ترى أننا نعمه تستحق الشكر وفضلا خصك الله به وسيحاسبك على هذه الأمانه التى

تضيعها جهلا فقط بقيمتها


تتركنا للأيام تربينا أم تترك الأيام والأشخاص تشكل أخلاقنا وأنت تنمى أبداننا وتطعم أفواهنا


ألا تفتقد جمعتنا .. ضحكاتنا .. جدالنا .. حتى أحزاننا .. عقابنا عند خطئنا


أنا أفتقده أبى


أحتاجك أبى


أمى ... أبى


شغلتكم الدنيا عنا ونحن نعمه من الله بها عليكم وحرم غيركم تركتم الدنيا تتولى أمر تربيتنا


فأنت شمس حياتنا ونحن نجوم فى سمائك نستمد نورنك من شعاعكمك ولكن للأسف لا نلتقى فى نفس المكان والزمان

أدعوك أن تنظر لنا بمنظور جديد فالأبوه مشاركات وجدانيه وتواجد وحياه أسريه متكامله

فى بيت واحد لا مكالمات هاتفيه .. تحتاج المشاعر أولا ثم الأموال




أتمنى أن يفيق الجميع قبل فوات الأوان ... ولو أنه قد يكون قد فات الأوان عند الكثير من

الأبناء




قد تكون الرساله طويله ولكن ليست بقدر المعاناه التى يعانيها من غاب عنهم أبائهم بالرغم

من وجودهم فى نفس الدنيا

هناك 28 تعليقًا:

  1. فعلا يا سمسمة بسبب إعتقاد معظم الأباء بإن المال وتوفير معيشة عالية المستوى لأبنائهم ستعوض هؤلاء الأباء عن حنانهم ووجودهم إلا أنه فى الغالب ما يكون كل هذا هادم لأبنائهم ومضيعا لهم

    تسلمى يا غالية على الرسالة دى ويارب الأباء اللى معتقدين كده يفوقوا قبل ما يضيعوا أولادهم

    دمتى بكل الخير والود والحب

    ردحذف
  2. رسالة رائعة

    شىء صعب بجد لما الاب يتغرب وتخدة الايام وينسى ان لية اطفال لية وابناء محتاجين اكتر من الفلوس

    ربنا يوفقك ويكرمك

    مع خالص تحياتى

    ردحذف
  3. فكرة معبرة

    وبالفعل الفلوس مش كل حاجة

    مشكورررررررة اختي الحبيبة

    أختك ^_^

    ردحذف
  4. السلام عليكم

    قد أية إحساسك جميل بالغير

    ربنا يرجع كل اب وام بعيد عن ابنائهم
    ربنا يرفع عنا البلاء

    وربنا يسترنا يارب ويكفينا شر المستخبى

    دمتى بكل خير
    تحياتى لقلمك الرائع

    ايناس

    ردحذف
  5. قرئت الرسالة بقلب ابن ...الاب عنده اغلى من اموال العالم اجمع ..ابن يحتاج الى صديق له خبرة فى الحياة يحتاج الى مدربه الخاص حتى يفوز فى مبارة الدنيا
    وقرئت الرسالة بعين اب ...ضاق به الحال وحتى يعيشوا اولاده فى كرامة ولا يسئلوا احد . سافر وقلبه يبكى .سافر وقال استودعكم الله يا اهل بيتى .ضحى من اجل ان يعيش الاخرين
    لو كان الفقر رجلا لقتلته
    وحسبنا الله ونعم الوكيل فى يوسف غالى
    وربنا يصلح الحال
    تحياتى

    ردحذف
  6. للاسف المادة ظغت على كل شئ
    أصبحت هى السيد والناس عباد
    أصبح الناس يهاجرون من أجلها
    ويقتلون بعضهم من اجلها
    ويختصمون من أجلها
    وللأسف أحيانا تفسد من تجمع من اجله
    ويفتقد الإبن المثل والقيم والتربية والغعتماد على النفس
    فكل شئ موجود فلما العمل هكذا تحذثه نفسه
    يا ريت كل جامعى الاموال ينظرون لذلك
    ولا نقول له إترك جمعها ولكن نقول له إرجع لابناءك هم أحق بك منها

    ردحذف
  7. joudy

    ازيك يا قمر
    فعلا مفهوم خاطىء مش فاهمين انهم لازم يجمعوا بين توفير عيشه كريمه لولادهم وكمان غمرهم بالحنان والتواجد فى حياتهم بالتوجيه والحب وده قبل طبعا المال لان زى المثل ما بيقول
    إبنى إبنك ماتبنيش لإبنك
    لازم بقدر بقدر الامكان نحاول نغير أو حتى نوعى الاجيال الجديده الى لسه بتبدا حياه اسريه جديده وربنا ييسرنا للخير علشان الاجيال الجديده الى كل يوم بتبقى اسوء من الى قبليها
    نورتينى يا قمر

    ردحذف
  8. Tamer Nabil

    نورت مرايتى
    يارب بس الرساله توصل ما تفضلش مداريه فى العقول والادراج أكيد الى اختار الغربه ما كانش بايده بس أضعف الايمان ما يضيعش الامانه الى فى رقابته على قد ما يقدر لانه سيحاسب عليها ويارب يكرم جميع ابائنا لما هو خير لنا ولهم

    ردحذف
  9. الغاردينيا

    أهلا بيكى يا جميل نورتينى وشرفنى مرورك الكريم
    ربنا ينور قلوب الاباء لما فيه خيرا لأبنائهم

    ردحذف
  10. إبتسامة ملاك
    أهلا بيكى يا اناس ازيك يا قمر
    ربنا يتقبل منك يارب ويرجع كل ابائنا من غربة المشاعر قبل الاماكن لان اكيد الكتير مش حيقدر يرجع غير لما يحقق الى عاوزه بس المهم انه يرجع حبه حنانه ابوته فى ناس بتعرف توصل ده حتى لو بعيده

    نورتينى يا ملاك

    ردحذف
  11. well

    وده الى عاوزه اوصله اننا نحاول مع الاباء الى خلاص بقى ده رتم حياتهم ونحاول ننقذ حاجه

    وكمان نفهم الأجيال الجديده زيك وزى كل الشباب الى ان شاء الله ربنا يكرمهم ويبقوا اباء فى يوم من الايام يعرفوا ازاى يمشوا الماده مع وظيفتهم كاباء

    لأن أكيد الوضع مش حيختلف عن دلوقتى كتير غير لو حصلت معجزه وبطرس غالى جتله انفلونزا الخنازير وساب الوزاره والحكومه اتقت ربنا وحال مصر اتعدل

    ولحد ده ما يحصل نحاول نعدى بانفسنا وولادنا لبر الامان قدر المستطاع

    ربنا يكرمك ويرفع قدرك
    وليه مش عارفه اعلق عندك من اول ما نزلت الموضوع بتاع الالكترونيات ليكون لسه الكمبيوتربتاعك مدى نفسه اجازه

    ردحذف
  12. المهاجر

    بس الى بيغرب ما اتغربش بس علشان يجمع اموال وانها استعبدته
    لا كل الى بيسافر بيسافر هربا من الفقر والحاجه وانه حاول فى بلده على قد ما قدر مالقاش الى يبدا بيه حياه واسره وبيت وولاد وده بقى حال تقريبا كل شبابنا

    لاننا وللاسف مش لاقين لقمة العيش فى بلدنا ولا شغل ولا حكومه تتقى الله فى الشباب الى بيسافروا ويتبهدلوا فى بلاد الناس
    وفى الاخر كل ده بيتقلب بصوره عكسيه يتبهدل سنين وربنا يكرمه فى الاخر وفى وسط السنين دى بيضيع معاها احلى الحاجات ولاد وارحام واخلاق وكتييييييييير

    ربنا يصلح احوال بلاد المسلمين

    ردحذف
  13. السلام عليكم
    رساله معبره وكلمات مؤثره
    ربنا يرجعلكم سالما غانما
    وفقكِ الله
    دمتى فى رعايه الله

    ردحذف
  14. سمسه
    مش عارف اقولك ايه
    غير اننا فهمنا موضوع التربيه غلط اننا نلبس وناكل ونعلم احسن تعليم وفى الاخر ترى الشاب والفتاه لا بفقهون شئ عن دينهم

    هو ده منظور التربيه عند غالب الاباء والامهات
    وانا لله وانا له راجعون

    ردحذف
  15. بجد ربنا يرجع كل حد بعيد للى هو محتاج لحضنة
    ربنا يكرمك يارب
    بجد موضوعاتك جميلة جدا
    حبى وتقديرى

    ردحذف
  16. المجاهد الصغير

    عليكم السلام ورحمة الله وبركاته

    نورت مدونتى وشرفنى تعليقك الكريم
    ويارب كل الى متغربين يرجعوا لأهاليهم وولادهم سالمين اللهم امين
    وربنا يصلح حال امتنا اجمعين

    تحياتى يا فندم

    ردحذف
  17. أسامه

    علشان كده لازم نغير مفاهمنا دى ونشوف السلبيات الى حولينا ونحاول نغيرها ولو ما قدرناش نغيرها فى غيرنا نحاول ما نعملهاش وما نقعش فيها الحياه مش اب يصرف ويأكل ويشرب ويلبس لا دا كمان ينصح يوجه يعاقب يتواجد يعطف وحاجات كتيره ما يعرفش يعملها غير الاب حكمه ربانيه
    يارب بس نحاول نغير ولو حاجه حتى عند اباء المستقبل ان شاء الله

    نورتينى

    ردحذف
  18. الحزين

    شرفنى مرورك الكريم وربنا يتقبل منك وكل مسافر يرجع بالسلامه

    تحياتى

    ردحذف
  19. السلام عليكم
    فعلا الغربة صعبة اووووي واسالوني انا في الغربة اهه

    ردحذف
  20. السلام عليكم ربنا يرجع كل متغرب لاهلة سالما يااارب وانا كمان الغربة صعبة جداااااا ومحدش بيحسها قل لما يجربها

    ردحذف
  21. السلام عليكم

    أتمنى أن تكون وصلت الرساله

    ودمتِ بخير

    ردحذف
  22. السلام عليكم

    ربنا يرجعهولك بالسلامه ان شاء الله ويرجع كل غريب لاهله

    كل عام وانتى بخير

    ردحذف
  23. كريم مصطفى السيد

    فعلا ما يحسهاش غير الى داق مرارتها
    ربنا يرجعك بالسلامه واوعى تعمل فى ولادك كده ان شاء الله الى ضاقها عمره ما يحب يدوق مرارتها لحد
    ربنا يكرمك ويرجعك لاهلك بالسلامه ويحفظك اللهم امين

    ردحذف
  24. واحد من العمال

    أهلا بحضرتك وشرفنى مرورك الكريم

    ويارب يارب تكون الرساله وصلت او حتى أثرت فى اى حد

    تحياتى يا فندم

    ردحذف
  25. طالبة الفردوس

    أهلا بيكى فى مرايتى
    سعيده جدا بمرورك عندى

    وربنا يرجع كل الى فى الغربه لاهلهم سالمين اللهم امين ويحفظ كل ولاد المسلمين

    نورتينى وادعوكى لتكرار الزياره

    ردحذف
  26. أختى الغالية

    الله يسامحك
    جيتى على الجرح .. و دوستى عليه بقسوة

    لكن و الله صدقتى فى كل شىء .. و إحساسك عالى لدرجة التميز
    الله عليكى
    ربنا يوفقك

    ردحذف
  27. الشاعر الفنان أحمد فتحى فؤاد

    شرفنى يا فندم مرورك الكريم على صفحتى

    مهو ما يحسش بوجعه قوى غير الى عايشه او مر بيه
    وأسفه ان كنت دوست على جرحك بس لازم نداوى الجروح بدل ما تفضل تنزف والنتيجة طبعا غير مرضيه

    ربنا يكرمك ويرفع قدرك

    ردحذف
  28. اهم النصائح لتجنب الاصابة بحشرة البق
    الاهتمام بتنظيف المنزل جيدا وبصور مستمرة مع اعداد جدول تنظيف
    الحرص على القاء القمامة اول باول مع احكام وغلق صندوق القمامة جيدا افضل شركة رش مبيدات بالقصيم
    فتح النوافذ والشبابيك لادخال اشعة الشمس التى تساعد على قتل الجراثيم والبكتريا والحشرات
    غلق الثقوب والشقوق المحتمل تواجدها بالمنزل افضل شركة رش مبيدات بالدمام
    الاهتمام بالنظافة وتطهير المنزل او المكان بمطهرات مثل الديتول والكلور
    الحرص على وضع الزهور والنباتات التى تعطي رائحة نفاذة مثل النعناع والفل وزيت الكافور مكافحة الحشرات بالرياض
    يمكنك ايضا استخدام العطور وايضا البخور لتجنب الاصابة بحشرة البق افضل شركة مكافحة حشرات بالدمام
    احرص على غسل الملائات والمفروشات والاغطية بالماء الساخن للتعقيم وايضا البخار للقضاء على الجراثيم والتخلص من حشرة البق او بق الفراش مكافحة حشرات بالقصيم
    يجب فحص قطع الاثاث والانتيكات من حين لاخر لان البق يفضل الاختباء بين الشقوق الصغيرة والثنايات
    احرص جيدا على تنظيف المكان لان لايوجد حشرات بمكان نظيف
    شركات رش مبيدات بالرياض

    شركة بسمة الامجاد تعد اكفء شركة مكافحة حشرات بالدمام وتستخدم افضل المبيدات الحشرية المصاحبة للبيئة والامنة تماماً على صحتك وصحة اسرتك
    ************************

    ردحذف

إتفضلوا هنا لو كلامى عجبكواأو حبين تقولوا لى حاجه