الأحد، 28 مارس، 2010

مين حيقول وأنا كمان


فاكرين مشروع

honey moon

لأطفال مركز الأورام فى المنصوره

طب نقول تانى لأنى طبعا بتشرف بناس هايله جديده


شباب زينا حلوين وطموحين وطمعانين

حلوين بفضل رب العالمين

طموحين فى جنة الخلد الفردوس وصحبة أشرف المرسلين (صلى الله عليه وسلم )


طمعانين فى القبول ونكون من الساعين للخير ويجعلنا المولى من أهل النعيم


طب إزاى ؟

وإحنا قاعدين ؟؟

لا طبعا لازم نسعى بنفسنا عمر الجنه ما حتيجى لحد عندنا

وعلشان إن شاء الله ندخل الجنه زمرا عاوزين الكل معانا فى الخير ده

مشروع ال honey moon


يعنى نخلى حياتناوحياتهم كلها شهر عسل ...

نفهم بقى !


إتكلمنا كتير

مشروعنا فى جروب وأنا كمان عاوز أعمل خير فى مجموعة العسل


هو كفالة طفل بكيلو عسل أبيض كل شهر

أيوه أنت إلى تكفله وتأكله بإيدك كمان ..

وتكون صدقه جاريه ليك ..

وطبعا الكل عارف فوايد العسل

لأنه علاج ربانى
وفوايده كتير

ليه ما نحاولش نساعد بيه طفل مريض

نساعده يلعب ويتحرك زى كل الاطفال

لان العلاج الكيماوى طبعا ربنا يعافى كل أطفال المسلمين


بيهدهم وبيفقدهم طاقتهم وكمان بيقلل شهيتهم غير تبعات تانيه كتير


ياله نساعدهم على الشفاء بأمر الله

ونفرح قلب أم تعبها ألام إبنها وأهاته


ياله ناخد بالأسباب والشفا من رب العالمين

يكفى إنك تحس إنك ساعدته ولو بالقليل فى إنه يتجاوز ألمه

..شارك معانا فى الخير فى كفالة طفل حتى لو بنصف كيلو شهريا

المهم ما تفوتش الخير من إيدك محتاجينه قبليهم

ترسم ضحكه + ملعقة عسل لطفل مريض شوف تساوى كام عند ربنا


وبسمة على قلب أم وأنت معاهم فى الطريق

حنستناك معاهم

وعلى فكره بقى لينا كمان نشاط فى القاهره

فى معهد الأورام
يعنى أكيد حتعرف تشارك فى الخير معانا

ممكن تاخدوا فكره هنا وتقولوا لنا رأيكوا
http://www.facebook.com/?sk=messages#!/event.php?eid=156480988889&index=1

الأحد، 21 مارس، 2010

حاله من التدهور + تحديث

ليه بنشوه صورتها حتى فى عيونا


مش بس فى عيون الغير


طب ليه


حاجه بقت مستفذه جدا


بنكسر صوره كبرنا على إنها كبيره جدا فى عيونا


والمفروض إنها كده


صحيح الأحوال بقت غير زمان بس هى مالهاش ذنب


عرفتوا بتكلم عن مين

عن

مصر


بلدنا


إلى كلنا كبرنا على

مصر هى أمى

دلوقتى بنكبر على


لما تذاكر وما تنجحش .... يبقى أنت أكيد فى مصر


لما تتخرج وما تشتغلش .... يبقى أنت أكيد فى مصر


لما تشتغل وما تكسبش .... يبقى أنت أكيد فى مصر


**عظيمه يا مصر يا أم النكد **


بعد عظيمه يا مصر يا أم الكرم



طب ليه ؟؟


هى بس الدنيا متلخبطه والفقر والتدهور عندنا وبس


حتى لو عندنا وبس


حتى لو بلادنا قست علينا


ما ينفعش ندى لغيرنا فرصه تتريق علينا


دى قسوة بشرها مش قسوة هواها ولا أرضها ولا خيرها


إذا كنا إحنا كده


أمال غيرنا يقولوا علينا إيه


عارفه إن كتييير تعبان وقرفان بس ده عمره ما كان مبرر

يخلينا نقول



هل أنت

حزين؟

كئيب ؟

متشائم ؟

زهقان ؟

مفلس ؟

مديون ؟


مبرووووووووووووووووووووووك أنت مصرى 100%



همه الناس إلى فى الحالات دى مش موجود منهم فى أى بلد تانيه ؟



حب بلادنا ده من إسلامنا ودينا


الرسول صلى الله عليه وسلم


ساب بلده مكه للمدينه رغما عنه وقالها إنكى لأحب البلاد إلى قلبى


لأنها بلده


يعنى حبنا لبلدنا سنه لازم نتبعها

حبا لرسول الله صلى الله عليه وسلم


وعلشان فى يوم من الأيام ترجع صورة بلادنا زى الأول وأحسن

بإدينا مش بإيد حد تانى

بإصرارنا على حبنا ليها

وأكيد بالإصلاح على قد ما نقدر

والإيجابيه مش الأرواح السلبيه إلى إتمكنت من أهلها

يمكن ترجع الصورة زى زمان

لأن غيرنا زمان تعبوا جدا فى بناء هذا الكيان

مصر

لأنهم حبوها بجد رغم الأحوال ساعتها كانت أصعب وأصعب


تحديث :: أولا بعتذر عن الخطأ وعن كتابة الموضوع سريعا


ثانيا دى نماذج من الماسيدجات إلى بتتبعت على الموبايلات

بينا وده إلى خلانى أتكلم فى الموضوع

بصرف النظر عن طبعا إلى شيفينه وإلى الكل بيعانى منه فى البلد

وعذرا على تأخير التصحيح لظروف خارجه عن إرادتى







الثلاثاء، 16 مارس، 2010

يحدث الأن .... من قلب الحدث ... إخواننا هناك ... مباشر

يارب سلم سلم

المستعربين بين الفلسطينين

وحده أمام السلاح بالحجاره







حجاره ووبقايا قذائف هى فقط السبيل

















عا


الاحتلال يستخدم أسلحة جديدة في القدس

القدس



أكد رئيس اتحاد المسعفين العرب ناجح الحوارين

أن قوات الاحتلال تستخدم أنواعاً جديدة من الأسلحة والغازات

لمواجهة الشبان الفلسطينيين في القدس المحتلة.

وقال الحوارين في تصريح خاص

إن أنواعاً جديدة من الغازات الغريبة والسامة

يطلقها جنود الاحتلال تجاه المتظاهرين في المدينة المقدسة

لم يشهدها الفلسطينيون قبل ذلك،

موضحاً أن تأثير هذه الغازات مضاعف على أجساد الفلسطينيين

ويؤدي إلى شعور المصاب بحالة

اختناق يليها إغماء وتقيؤ وسعال،

وحروق تظهر على الجسم بحالة ملامسته

ولم يُعرف بعد تأثيرها بعيد المدى.


وأضاف الحوارين أن الاحتلال استعمل الرصاص الحي

بشكل مكثف تجاه المتظاهرين إضافة إلى


الرصاص المعدني المغلف بالمطاط،

ناهيك عن استخدامه لنوع من الغاز الذي يجذب

الكلاب البوليسية الشرسة تجاه المشاركين في المواجهات

.
والإصابات حتى اللحظة تجاوزت عن المئة

بوجود ثلاث إصابات غاية في الخطورة في الرأس.

وتزداد الإصابات سريعا


الثلاثاء، 9 مارس، 2010

حملة ... لا لتهويد القدس

سان
تخيل !!


إن ده يحصل فى يوم من الأيام



إحساسك ساعتها حيكون إيه ؟؟


ياترى برضه حتتعامل بالسلبيه إلى أنت فيها دلوقتى



عارف إنك حتكون السبب


أو ليك إيد فى إلى حصل ده



طب حتقول لربنا إيه ؟؟



عملت إيه يشفع لك ؟؟


دى مبادره من أخونا الكريم طهر فؤادك للمدونين

جزاه الله خيراً


حملة لا لتهويد القدس


ليس المسجد الأقصى للفلسطنين وحدهم


وانما هو ملك لى ولك ولها هو جزء من عقيدتنا


ولن نسترده بهذه الغفله التى تحيطنا والتغييب عن هذه القضيه



أفكار لتدعيم الحمله


1-استحضار النية الصادقة دائما لنصرة فلسطين

‎ الدعاء يومياً لإخوانك فى فلسطين بالنصرة



2 -
المقاطعة الصارمة لمنتجات اليهود وأعوانهم نشر أخبار الاقصى ‎



3 - توزيع مقالة أو مطوية تحث على التبرع والتعاطف معهم



4 - عمل حصالة فى البيت بأسم (حصالة فلسطين)


ولتتذكر قول الرسول صلى الله عليه وسلم ما نقص مال من صدقة


5 - ارسل رسائل من الموبايل للتذكير بالموضوع


6 - تربية الابناء على اهمية القضية وكونها قضية إسلامية من الدرجة الأولى


7 -
المشاركة فى الفعاليات التى تتم لنصرة القضية


اللهم قد بلغنا ...اللهم فأشهد