الجمعة، 30 أبريل، 2010

أشتاقك

حين تخالطنى الأحاسيس

حين تخاصمنى الكلمات

حين يعاندنى الزمان

حين تنفجر كل المتناقضات بداخلى

حين يسألنى قلبى عن نفسى

حين أرانى تائهه وسط الدروب

حين تهجرنى دمعتى بعد أن كانت رفيقتى

حين أجلس وحيده تحاصرنى عين الأشقياء

حين يشتد حولى الشتاء وأرتجف رعبا

حين يشتد خريف العمر وتذبل أوراق أيامى



أشتاقك

الأحد، 18 أبريل، 2010

مفتاح إستوقفنى !




أنبهر يوما بعد يوم بهذه التركيبه الجينيه لهذا الإنسان


الفلسطينى


محن تهدم الجبال تصنع منهم رجال

مشهد يشعرنى بعجزى رغم رغد عيشى وأمانى فى وطنى

كمشاهد كثيره نراها كل يوم

إستوقفنى هذا المشهد

فى حلقه عن اللاجئين الفلسطينين

فى برنامج ضع بصمتك للدكتور العريفى

فى مخيمات فلسطينيه بالأردن

رجل قعيد ملازم الفراش فى منتصف العمرتقريبا

يخرج للشيخ

.. مفتاحا ..

مفتاح بيته فى فلسطين التى تركها وهو فى السادسه

يتوارثه عن أبيه

يحتفظ به لأنه يثق من عودته لبيته بإذن الله

كم هو عظيم هذا الإنسان الفلسطينى

أسجل إنبهارى الذى يزداد يوما بعد يوم بهذا الكيان

الذى لا ينهزم برغم ما رأى ولازال يرى ويتحمل مالا يتحمله البشر

الثلاثاء، 13 أبريل، 2010

* حبيبى * خير المحبوبين


أفضل من سار بقدميه على الأرض

منشرح الصدر دائم التفائل , جياش الفؤاد

خير المحبين والمحبوبين

مبتسم الوجه دائم السرور والرضا بعطاء الله

حي العاطفة , ميسراً في أموره , قريباً من القلوب , بسيطاً في عظمتة

كل من يراه يحبه مألوفا للجميع

صادق , أمين

أشد حياءً من العذراء

يداعب ويضحك ولكن بصدق

لا يعترف بالقنوط ولا بالفشل

يحب الفائل الحسن

أفضل حبيب , زوج , أب , صديق , ولى أمر, رب أسره

مجمع للمعرفه والأخلاق والعلم

النبى الأمى الأمين

صلى الله عليه وسلم

صاحب أشرف رساله فى الكون

إختار الرفيق الأعلى وترك ملذات الدنيا وخزائنها

حامل لهم الأمه

لا ينطق عن الهوى

إن هو إلا وحى يوحى

يخشى علينا من مجرد غمسه فى النار

إدخر دعوته لنا إلى يوم القيامه

لا أجد من الكلمات ما توصفه فلم تخلق بعد

حبيبى وحبيب أمة الإسلام النبى المصطفى

عليه أفضل الصلاة وأزكى السلام

تحمل من أجلنا الكثثثثثثير ولم يقنط

خير الخلق أجمعين

حبيبى يا رسول الله

الشاهد , المبشر , النذير , الشفيع , السراج المنير


صلى الله عليه وسلم

أرسله المولى عز وجل

{ رَحْمَة لِلْعَالَمِيْن }


اللهم صلى على محمد وعلى أل محمد

كما صليت على إبراهيم وعلى إبراهيم إنك حميد مجيد

وبارك على محمد وعلى أل محمد

كما باركت على إبراهيم وعلى أل إبراهيم فى العالمين إنك حميد مجيد





الأربعاء، 7 أبريل، 2010

أنت مين ؟؟


سؤال ليك ولى وليها


أنت مين ؟؟

مش قصدى إسمك ولا منصبك ولا كيانك


قصدى أنت مين عند غيرك؟؟

أنت مين عند أهلك ؟؟

أنت مين عند إصحابك ؟؟

أنت مين عند زوجتك وولادك ؟؟


أنت مين عند أهلك؟؟

أنت فرد فى عيلتك ياترى فكرت أنا فعلا براعى حق أهلى

وبراعى حقوقهم على !!

إنك تاخد حقك إلى عندهم من الرعايه وخلافه

ده حقك عليهم

دى مسؤليتهم تجاهك

وحقهم عليك ده مسؤليتك أنت من حقهم بعد تعبهم يلاقوا

تقدير منك

تخيل لو من بدايتك ماحدش إتحمل مسؤليته تجاهك

كانت حياتك حتبقى مظلمه سر سعادتك إنك واخد

حقك من المسؤلين عنك

لأنك كبرت بعنايتهم ليك بعد ربنا ودى أول مرحله

ثانى مرحله بقى لما بيحتاجوك يتسندوا عليك

جربت تكون سندهم زى ماكانوا زمان سندك وظهرك

ده هو برهم إلى أمرك بيه ربنا


أنت مين عند أصحابك ؟؟

أنت الجدع إلى لما يفتكروك بيفتكروك على إنك الجدع الخدوم على طول


ولا !

جربت تسخر كل حياتك لصاحبك لما كان محتاجلك

جربت تطبق حديث النبى عليه الصلاة والسلام

" من كان فى حاجة أخيه كان الله فى حاجته "

أنت فعلا راجل .. مسؤل .. جدع مع أصحابك؟



أنت مين عند زوجتك وولادك؟؟


لو سألنا زوجتك من وراك عنك ياترى حتقول عليك

سندى .. ظلى .. راجلى .. ظهرى

ولا سايب البيت يضرب يقلب وبتتحجج إنك مشغول وبس تدى أوامر

عمر ما كانت الحنيه والمشاركه فى أعباء البيت ضعف ولا تقليل من الرجوله

لست أعظم من خير البريه صلى الله عليه وسلم

كان يساعد فى أمور بيته ويخيط ثوبه

على قد ما تقدر حاول تبقى كبير فى عيون زوجتك حتى برغم تعبك


خليك عمود البيت لو جرى لك حاجه لاقدر الله يتحس بقيمتك

وولادك

حقهم كبير عليك

أنت مش بتربى بنى أدمين بالفلوس لأن الفلوس دى ممكن تربى كائنات تانيه


إنت إتجوزت علشان تبنى أسره تربى أجيال صالحه نافعه

ترفع راية الإسلام وتشرف أمة الإسلام

عندى أسأله كتير !

أنت مين عند كتيييييييييييييييييييييير ؟؟

يمكن مانقدرش نحصرها

المهم تكون فعلا جدع وراجل وفتوه وجدع
(قصدى للنساء والرجال طبعا )


إتبع جدعنة النبى عليه الصلاة والسلام علشان تدخل الجنه معاه



العيشه واجبات وحقوق ياريت ما تكونش سبب فى ضياع غيرك

لأنك قصرت فى حقه قدام ربنا

ده مش تفضل ولا منه منك دى واجبات عليك


وربنا ينفع بينا ويغفر لنا تقصيرنا ويهدينا إلى سبيل الرشاد