السبت، 31 أكتوبر، 2009

بجد احساس صعب!!!



إن الظلم برضه فى الأخر إنتصر

هو أكيد إنتصار مؤقت

بس بجد والله

بيبقى غصب عن أى حد رد فعله

إن حد يبقى ظالم وظلمك كتير وظلم معاك أكتر وربنا موريك أيته فيه

زيادة نفوذ وسلطان وجبروت

وطبعا هو فاكره رضا " انما يؤخرهم ليوم تشخص فيه الأبصار"

بس هوه فاهم حاجه

ومن شدة الظلم خلاص مش قادر تتحمل

تتصرف غصب عنك تصرف من كتر وجعك وإلى شفته

ويبقى هو إلى دفعك لكده

برضه فى الأخر أنت إلى تدفع تمنه !!!

وعجبى

على رأى واحده صاحبتى

وينتصر برضه الظلم فى الأخر

ويزيد رصيد ظلمه ليك مش رصيد فلوس ولا حتى أنه يسيبك فى حالك

لا

دا إستمتاع بعذابك

رغم بعد المسافات وعدم العلاقات

بس فى ناس كده

بتستمتع بأذية الناس

الموضوع ده حاصل معانا ومع أخويه خاصة وأكيد عند كتير مننا يمكن الصوره مختلفه بس

فى كتيييييييييييييييييييييييييييييييير مننا إتظلم

أنا موقنه تمام اليقين فى ربى أنه لن يضيعنا ولن ينصر الظالم انما يزيده ليزيد من عذابه

بس عارفين من شده الألم والحزن والظلم المتكرر إحنا برضه بشر بنضعف وبنتألم

عاوزه منكوا حاجه واحده بس عارفه إنكوا أحلى إخوه وصحبه فى الدنيا وأحسن حد ممكن

أطلب منهم

الدعاء


الاثنين، 26 أكتوبر، 2009

للأقصى رب يحميه ...... وليس بأيدينا سوى الدعاء والمشاهده عبر الشاشات

قصانا
ما يحلمون به








ما يفعلون به




































لن أكتب شيأ فلا أجد ما أكتبه

إنما أشكو بثى وحزنى إلى الله


ولكنى لن أيأس من روح الله




الأحد، 25 أكتوبر، 2009

أعترف أنى لم أتأثر إلا اليوم

جيت النهارده أعترف بحاجه مهمه جدا جدا
أسأل المولى عز وجل أن يغفرها لى


أول موقف

منذ فتره وشاركت فى حملة مدونتك حتنقذ طفلك لصالحك مستشفى 57357
وفعلت الموضوع ونقلته

ولكنى اعترف أنى لم أحسه بمشاعرى ونقلته تعاطفا ليس إل
ا

ثانى موقف

دعتنى صديقه للجروب الى قلت لكوا عليه إلى بيعملوا خير فى المنصوره
وبيروحوا مستشفى الأورام علشان الأطفال

ورحت الزياره الأولى

بصراحه

ما حستش قوى برضه بيهم

حسيت أنه تعاطف بس

عرفت طفلين إتعلقت بيهم

شلبى فى الصف السادس الإبتدائى بس عنده كبرياء بشكل ما يحسسكيش إنه تعبان ومحتاج حاجه من حد

وما إندمجتش معاه بسهوله وكمان فى موضوع غير تعبه بس غير كده لا يمكن يحسسك بضعفه ومرضه

ماشاء الله عليه خاتم للقرأن ومن الأوائل كل سنه فى المدرسه
ربنا يحفظه ويشفيه

الطفل التانى زياد (زيزو) زى ما بيحب
سنتين ونصف


ما بيندمجش مع أى حد الحمد لله جدته قالت لى إنى الوحيده إلى انمدمج معايا

ولد ماشاء الله تبارك الله فيما خلق
وجسمه كله متجبس ما عدا إيد واحده

ربنا العالم حبيته قد ايه بس فى الزياره التانيه ما لقيتوش وعرفت ان ذراعه التانى اتجبس كمان وروح بيتهم

وروحت مبسوطه من يوم حلو وأطفال بتلعب فيها الى مش قادر بس إلى طفولتهم غلباهم خفف إحساسنا بالمستشفى

الزياره التانيه

ما جاش كتير زى الزياره الأولى وكمان ما كانش هناك معظم الأطفال إلى شوفناهم فى الزياره الأولى

لأنهم بيروحوا وبيرجعوا حسب الجرعات ونظام معين

أحكيلكوا بقى على الى حصل

أول ما روحنا لقينا فى قلق فى أول قوضه ما كانش فيها غير بنوته بس

بس المره دى كانت لسه جيه برضه تبع نظامها بس سبحان الله ما فيش نظام غير نظام إلهى مترتب حسب ما يشاء سبحانه

رانيا

ممكن عمرها ما يزيدش عن 10-11 سنه ممكن يكون شعرها كان ناعم ورموشها وملامحها جميله

بس مرضها أخد منها كل مقومات الجمال إلى بتتعايق بيها البنات

أمر الله ولا راد لقضائه ولا إعتراض على عطائه

رانيا جاين طبيعى فى ميعادهم وكانوا جين فى القطار هى ومامتها بس وهى نازله إتخبطت فى خدها

أنا مش عارفه إيه الى حصل لها لأن الكل ما كانش بيقول لنا حاجه غير انها بتموت
وأنابيب وأجهزه وخراطيم ودم

منظر صعب جدا


دخلت لأنى بصراحه قلبى ما طاوعنيش ادخل من البدايه

أمها إتوضت وصلت ركعتين لله ليلطف بحالتها ولا تنطق الا بكلمه واحده

نجيها لى يارب

بصوت عال

وأم أخرى تصلى

ممرضه بجوارها تفعل لها المطلوب

وهى جثه ممدده نبض فقط وتنفس صناعى

الكل بدا يصلى الظهر ويدعى لها حتى الممرضات والله بالتناوب

بس للأسف ما طولناش لان الطبيب المعالج ليها خرجنا واتنرفز وقالنا الحاله حرجه

خرجنا روحنا وكل واحد فينا كمل حياته بصوره طبيعيه

بس على فكره رانيا ماتت بعد ما روحنا على طول

أعترف أنى لم أتأثر بحالهم إلا بعدما سمعت خبر موتها من أم شلبى مع البكاء الذى يسيطر على جميع الأمهات

فى يوم من الأيام حتتحط فى نفس الموقف أيا كانت صورته ولكنه موقف متتكرر قضاء الله لارد لقضائه

أنا يمكن مش عارفه كتبت إيه بس بجد بعترف بقساوة قلبى إلى كان بيتعاطف خارجيا فقط بس على فكره الفرق ده واضح لانى شفت بعين ما قريتش من وراء شاشات أو جرائد

اعزرونى لو غلطت او انى مش مجمعه بس الموقف صعب

بس كان لازم اقول لكوا علشان مش كفايه تعاطفنا بالكلام والشكر لبعض وخلاص على نقل الموضوع
لازم نفعل الموضوع اكتر من كده


معنويا وماديا بنشوف كم التبرعات والزيارات لمستشفى 57357 وفى اماكن تانيه ما كناش حتى نعرف انها موجوده

مش بس فى المنصوره لا الكل يدور حوليه وكل واحد فى بلده ممكن يعمل ده وان شاء الله ربنا حيعينه

ان شاء الله اجمع نفسى وارتب تفكيرى وأقولكوا

ما تنسوش تدعوا لرانيا وكل أطفال المسلمين


ويصبر قلوب أمهاتهم

ربى إغفر لى




الأربعاء، 21 أكتوبر، 2009

فى شهر العسل ......... ممكن تيجوا معايا


أحلى شهر عسل

بس طبعا مش أسبوع عسل ويقولوا عليه شهر عسل
وبعد كده
تظهر الحقيقه والعسل يخلص

إزيكوا ياأحلى صحبه

ربنا يجمعنا فى الدنيا على محبته وفى الأخره عند حوض نبيه صلى الله عليه وسلم

معلشى الفتره دى فترة تعميم لبعض المواضيع

بس ده علشان أهميتها والله

النهارده بقه حقولكوا على حاجه تجدد النشاط الى فتر بعد رمضان

ولا لسه النشاط موجود

حنشوف

مشروعنا

نخلى طول شهور السنه شهر عسل

HoneYMooN

مش لينا بس لا لأطفال جمال جدا بس ربنا أراد ليهم منحة المرض

همه أطفال مركز الأورام إلى فى المنصوره

أكيد طبعا فى فى أماكن تانيه بس لأننا من المنصوره حتكلم عنه

الأطفال دى مش كلها محتاجه فلوس لا دى محتاجه أكتر تلعب وتفرح ومحتاجه نرفع

معنوياتهم همه وأمهاتهم

ففى زياره ليهم كل أسبوع من شباب زى الفل

ولاد وبنات يعنى

ربنا يكرمهم ويجعله فى ميزان حسناتهم

ومتابعنه ومتابعين طلباتهم {فلوس - دم - عسل ..............................}

وحاجات كتير ربنا يعينهم عليها

وعمل فكره أنك تكفل طفل مريض بكيلو عسل كل شهر

لأن العسل بيزود المناعه وهمه مناعتهم ضعيفه جدا وده يبقى طول شهور السنه

بيتهيألى موضوع بسيط جدا وأنت إلى تروح وتأكله بإيدك وتلعب معاه وتقضى وقت جميل معاه

والله حاجه بسيطه جدا ما أحنا بنضيع وقت كبير جدا فى الفاضى

وحتى إلى مش عاوز يشارك فى شهر العسل بتاعنا ممكن يشارك فى حاجات تانيه كتير

بس المهم أنك تبقى عاوز بس لو تدخل الفرحه قلوبهم هو ده المطلوب نزود معنوياتهم يمكن

ده يساعد فى الاستجابه للعلاج

ها مين حيقول حكفل طفل بالعسل

مين حيقول أنا معاكم

مين حيقول أنا كمان عاوز أعمل خير

حستناكوا وأشوف مين حيعمل خير

والرابط بتاعهم أهه على الفيس بوك

بس طبعا ما تنسوش المقاطعه يوم 24/10


http://www.facebook.com
/event.php?eid=156480988889&ref=mf




الخميس، 15 أكتوبر، 2009

أكثر من حاجه حقول لكوا عليها النهارده .. معلشى متأخره بس المهم إنى أقولها

أولا

مشروع مدونتك حتنقد طفلك


لأنى وعدت بنقل الموضوع كامل فلازم أفى بوعدى
نقلا عن أخى الكريم طهر فؤادك فى مدونة رسول الله1


اولا اسم الحملة نابع من ان الاطفال الى ان شاء الله هنساعدهم (اطفال مستفى 57357 )زى اطفالنا فواجب علينا نعمل كدة او هنقدم حاجة بسيطة لمساعدتهم وان شاء الله تكون ليها اثر كبير بأذن الله وخير علينا كلنا بأذن الله ومش تفتكروا ان مسعدتكوا دى بسطة لا بالعكس ومش كلامى دة كلام رسولنا العظيم ومعلم البشرية جمعاء :-قال أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله وفي الباب عن أبي مسعود البدري وبريدة قال أبو عيسى هذا حديث غريب من هذا الوجه من حديث أنس عن النبي صلى الله عليه وسلم ...قوله : ( يستحمله ) أي يطلب منه المركب ( فحمله ) أي أعطاه المركب ( فقال ) أي رسول الله -صلى الله عليه وسلم- ( إن الدال على الخير كفاعله ) لإعانته عليه ، فإن حصل ذلك الخير فله مثل ثوابه ، وإلا فله ثواب دلالته قاله المناوي .
- هنســـــــــــاعدهم ازاى :---
- ان شاء الله الفكرة ببساطة اننا عاوزين كل المدونات الى هتشترك معانا فى الحملة دى هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا وكمان فوق الشعار هتكون كلمة( اتبرع وانت فى بيتك ولو بجنية او دولار من هنا ) والناس الى مبتدئين فى المدونات هشرح لهم بطريقة مختصرة ازاى هيحطوا الصورة واللينك وهى( انكوا تفتحوا صفحة التخطيط فى مدونتكم وبعدين اضافة اداة وبعدين نختار من اضافة اداة اختيار اضافة صورة وبعد كدة لما تفتح نحط فى خانة اسم النموذج الكلام الى اتفقنا علية وهو" اتبرع وانت فى بيتك" وفى خانة وصل هنحط اللينك بتاع موقع مستشفى 57357 والى هو http://www.57357.com/Default.aspx?PageContentID=8&tabid=155
وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا ) علشان فية ناس كتيرة متعرفش عن طرق التيرع الى هى كتيرة ومش معروفة وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام وهدفنا فى الحملة دى اننا نوضح طرق التبرع المتعددة الى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة وهقولوكوا نبذة عن طرق التبرع دلوقت :- ....

1 - البنوك :- (ودى متركز عليها كتير فى وسائل الاعلام ومش هنخوض فيها ) .

2- انترنت الخير (هنركز اكتر عليها ):-يمكنك التبرع من خلال أستخدام ارقام انترنت الخير : 07775757 أو 07075757 بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...

3- التليفون (هنركز اكتر عليها ):- يمكنك الاتصال برقم 1468 أو 2357 من اي تليفون محمول او برقم 09009555 أو 09000957 و التبرع لصالح المستشفى اثناء استماعك للرسالة الصوتية . سعر الدقيقة جنيهان

4- بطاقة الائتمان (هنركز اكتر عليها ):- خدمة جديدة تقوم بها مستشفى 57357 لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت. يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .

5 - البريد المصرى (هنركز اكتر عليها ):- يمكن التبرع فى اى فرع من فروع مكاتب البريد المصرى لحساب رقم 26386

**** حملتنا على ال facebook ( ودى اهداء من مدونة قطرات ندى . جزاها الله خيرا ) :-
- احب قبل وماكتب لينك الجروب علشان ان شاء الله تشتركوا معانا فية احب اشكر المدونة وربنا يجزيها خير ودة مثال حى للعمل الجماعى و ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .واليكم لينك الجروب على الفيس بوك :-
1 - http://www.facebook.com/group.php?gid=139959994897&ref=search&sid=100000133813777.2100342868..1


ثانيا
نصرة المسجد الأقصى
لا ننسى يا إخوانى الدعاء والمقاطعه وتفعيل الموضوع


كما قال حبيبنا المصطفى رَسُولَ اللَّهِ صَلَّى اللَّهُ عَلَيْهِ وَسَلَّمَ : " مَنْ رَأَى مُنْكَرًا فَلْيُغَيِّرْهُ بِيَدِهِ ، فَإِنْ لَمْ يَسْتَطِعْ فَبِلِسَانِهِ ، فَإِنْ لَمْ يَسْتَطِعْ فَبِقَلْبِهِ ، وَذَلِكَ أَضْعَفُ الإِيمَانِ

اللهم إحمى مسجدك الأقصى من يد اليهود
اللهم إنى أستغيث بك يارب أن تنقد الأقصى
اللهم إن الأقصى يصرخ ولا يسمعه سواك فأنقد مسرى رسولك الكريم
{صلى الله عليه وسلم}
من عصاة الأرض
اللهم إغفر لنا ضعفنا وقوى كلمتنا من أجل نصرة دينك الإسلام وتحرير مسجدك الأقصى

وتقبل دعوات كل من دعاك فلا تحرمنا رضوانك وتحرير أقصاك

اللهم أمين

فلزاما علينا أن نتوقف عند إهانة مقدساتنا ومساجدنا

فإعتزل عدوك أيها المسلم من أجل تحرير الأقصى
هدا هو ندائى لكم أحبتى
بالمقاطعه والتشديد عليها ونشر ما يحدث فى الأقصى والدعاء وتنشيط الهمم


مش هنسيبك مش هنسيبك ... يا أقصى مش هنسيبك


إن شاء الله فى الحمله دى حنكون إيجابين وأكثر إيجابيه كما
ن

هننصر المسجد الاقصى بأييدينا او بلسانا او بغضب فى القلب ودة اضعف الايمان
"


وربنا يكرم ونكون إيجابين علشان يبقى عندنا إيجابه يوم العرض على الرحمن

وربنا يجزيه خيرا على ما يفعل
أسأل المولى عز وجل أن ينفعنا بما نعمل ويتقبل منا خالصا لوجهه الكريم

ثالثا
مقاطعه الفيس بوك يوم 24/10


لإنتشار الجروبات المسيئه لرسول الله {صلى الله عليه وسلم }
دون تدخل من الموقع مع إنهم ما بيسمحوش بحاجه ضد اليهود

ياله يا جماعه دا أضعف الإيمان وما نستهونش دا أكيد حيخسرهم كتير جدا

وأكيد الواحد حيأثر


أستودعكم الله الدى لا تضيع ودائعه

الاثنين، 5 أكتوبر، 2009

لا حرج عليكى يا فرنسا

أقول :::

لا حرج عليكى يا فرنسا أن تمنعى الحجاب ما دمنا العرب نفعل
وإن كان بطريقه أخرى

أكيد الكل سمع عن إلى عمله شيخ الأزهر النهارده ولا حول ولا قوة إلا بالله


أجبر شيخ الأزهر محمد سيد طنطاوي إحدى الطالبات المنتقبات في الصف الإعدادي الثاني، على خلع نقابها، لاعتباره "مجرد عادة لا عبادة"، مؤكداً نيته إصدار قرار رسمي بمنع دخول المنقبات إلى المعاهد الأزهرية.

فى جولة تفقديه لمتابعة إستعدادات المعاهد لمواجهة إنفلونزا الخنازير

طالبها بخلع النقاب قائلا : أنه عاده ولي عباده وأنه لا علاقة له بالدين الإسلامى من قريب أو بعيد ولم تجد الطالبه سوى
تنفيذ الأمر بخلعه وكشف وجهها، فعلّق طنطاوي قائلاً: "لما إنت كده أمال لو كنت جميلة شوية كنت عملتي إيه؟"

.وردت إحدى المدرسات بالمعهد قائلة إن الطالبة تخلع نقابها داخل المعهد لأن كل المتواجدات فيه فتيات، "ولم تقم بارتدائه إلا حينما وجدت فضيلتك والوفد المرافق تدخلون الفصل".

لكن شيخ الأزهر طلب من الفتاة عدم ارتداء النقاب مرة أخرى طوال حياتها، فقالت إنها تقوم بارتدائه حتى لا يراها أحد، فرد طنطاوى منفعلاً: "قلت لك إن النقاب لا علاقة له بالإسلام وهو مجرد عادة، وأنا أفهم في الدين أكتر منك ومن اللي خلفوكي".
أنا لن أتكلم عن النقاب من الناحيه الفقهيه لأنى لست أهلا لهدا سواء فردا أم لا
ولكن هل هدا الأمر يصدر من شيخ الأزهر هل يجوز أن يفعل بأمتنا هدا ؟؟؟

عفوا يا شيخ الأزهر
عفوا

فأول معرفتى بالخبر من مدونه أسأل الله أن يهديها
تحيه على هدا وما أدراكم بما كتبت

نترك ما يدور حولنا وما تعانيه الأمه الإسلاميه ونتوقف عند فتاه تستخدم أيضا حريتها التى يزعمها الكثير
حريتها فى تغطية وجهها حتى ولو كانت عاده وليس عباده أيس هدا نوع من إستخدام فعلى للحريه المزعومه لمادا لا نتجرأ هكدا على من يمشون عرايا فى الطرق العامه والمحتشمه تهان

هل هكدا سينتصر المسلمين ويحرر الأقصى ؟؟؟؟؟؟

الأقصى الدى يصرخ ولا يسمعه أحد سوى الله

ولكن

للأقصى رب يحميه ما دمنا مغيبين ونائمين

شغلنا ما هو تافه عن ما هو مهم

فالموضوع هو ما يشغل الجميع اليوم ولكن أين الأقصى من يومنا؟؟؟

أولى القبلتين ومسرى الرسول صلى الله عليه وسلم والمسجد الدى أم فيه رسولنا جميع الأنبياء والرسل عليه أفضل الصلاة والسلام

اللهم إنى أستغيث بك يارب أن تنقد الأقصى

اللهم إحمى الأقصى من اليهود

اللهم إن كنا لسنا أهلا لنصرك وتأيدك فإنصر دينك الإسلام وإنزع الوهن من قلوبنا ومن قلوب ولاة أمورنا لنصرة الأقصى يا كريم

أمين أمين أمين يارب العالمين

يارب نفوق بقى



الجمعة، 2 أكتوبر، 2009

إبحث عنه معى.....


قبل أن نبحث عنه
هل هو أصلا موجود؟

هل إنطمس الجزء الحى فيك؟

بطريقه أخرى

هل سيطر الجزء الألى فيك على الجزء الغير ألى بداخلك؟؟؟؟

أريد إجابة صادقه

قد يرد البعض على .......

ولكنى هنا ساسرد الموضوع كاملا بصيغة السؤال

التى قد تكون هى الإجابة فى كثير من الأحيان

وأنتظر الإجابه

هل هو رتم حياه؟
هل هى ظروف حياه؟
أم إنطمس فى زحمة الحياه؟
أم هو أصلا بسبب موت حياه؟
أم قتلته لتستطيع أن تحيا هده الحياه؟

ولو قتلته ألم تفكر أنك ستحتاجه يوما حينها لن تستطيع إستعادته....

ولو كان لا يزال حيا أو على الأقل جزء منه ينبض هل تسعد به أم تتألم منه لأنه قد يوبخك يوما فى هده الحياه؟

وإن كنت تسعد به هل تخطط أن يظل مصدر سعادتك؟

وإن كنت تتألم منه هل ستقتله بيدك قبل أن تقتله الحياه أم ستنتظر أن يموت حيا فى هده الحياه؟؟

سؤال مرير......

أعتقد أن الجزء الحى الدى ينبض بداخلك سواء شعرت به أم لم تشعر به
سيظل بداخلك لأنها فطره حتى لو كان فى مرحلة كمون

فما رأيك ؟؟؟


أرجو أن نجده معا