الأحد، 31 يناير، 2010

مبروووووووووووووك يا مصر




حلوه الفرحه قوى



من حقنا نفرح ببلدنا



من حقنا نفتخر بيها بالرغم من كل شىء



فرحتونا يا منتخب الساجدين والداعين



بحبك يا بلدى بالرغم من كل شىء



أعمل إيه أصلك بلدى


وحبيبتى


وبحبك وححبك على طول


شكرا ياإلى فرحتونا


السبت، 30 يناير، 2010

سر تنفيذها والشعور بيها حقاً

بتحلم بيها ؟؟

فى زمن ضاعت فيه وأصبحت من النوادر !


طب هما زمان إزاى كانوا على طول حاسين بيها ؟

رغم قساوة ما رأوا

مقارنه بما نحن عليه الأن ومع هذا لا نجدها

ونبحث عنها وتألف عنها الكتب ويتحدث عنها العلماء والمفكرين


***السعاده***



لن أتكلم عن سبل تحقيق السعاده


والخطوات التى يعرفها الكثييييييييييير


ولكن أتسائل لماذا لم نعد نشعر بها ؟

ونحتاج لمن يعلمنا دائما كيف نجدها

وإن وجدنا من يعلمنا لا يغير كثيراً من حالنا نجده فقط يهون علينا ويشحن طاقه مؤقته


وحينها قد لا تمس القلب


وقد لا نستمع له من شدة ما مر على القلب من محن


ولكن فلنحاول أن نجدها فى الرضا عن الله

وعن قضائه


حال الأنبياء والصحابه والسلف الصالح والربانين حولنا


فأمر المسلم كله خير

كما قال حبيبى ونبيى وشفيعى صلى الله عليه وسلم


عجبا لأمر المؤمن إن أمره كله خير ،
وليس ذاك لأحد إلا للمؤمن ؛
إن أصابته سرّاء شكر ؛ فكان خيراً له ،
وإن أصابته ضرّاء صبر ؛ فكان خيراً له . رواه مسلم





وعند الإمام أحمد عن صهيب رضي الله عنه قال :

بينما رسول الله صلى الله عليه وسلم قاعد مع أصحابه إذ ضحك ،

فقال : ألا تسألوني مم


أضحك ؟ قالوا : يا رسول الله ومم تضحك ؟

قال : عجبت لأمر المؤمن إن أمره كله خير ؛

إن أصابه ما يحب حمد الله ، وكان له خير ، وإن


أصابه ما يكره فَصَبَر كان له خير ، وليس كل أحد أمره كله له خير إلا المؤمن .



لنرى :

أحد السلف كان أقرع الرأس ، أبرص البدن

أعمى العينين ، مشلول القدمين واليدين ،

وكان يقول : "الحمد لله الذي عافاني مما ابتلى به كثيراً ممن خلق وفضلني تفضيلاً "


فَمَرّ بِهِ رجل فقال له : مِمَّ عافاك ؟ أعمى وأبرص وأقرع ومشلول .

فَمِمَّ عافاك ؟

فقال : ويحك يا رجل ! جَعَلَ لي لساناً ذاكراً ،

وقلباً شاكراً ، وبَدَناً على البلاء صابراً !
.

فالسعاده كما قال إبن مسعود رضى الله عنها


عنوان السعادة في ثلاث :

• مَن إذا أُعطي شكر

• وإذا ابتُلي صبر


• وإذا أذنب استغفر




وحق التقوى في ثلاث :


• أن يُطاع فلا يُعصى

• وأن يُذكر فلا يُنسى


• وأن يُشكر فلا يُكفر ..




فالمؤمن يعلم يقيناً أن لا دخل له فى ماقدره المولى عز وجل


فيتقبل البلاء ويرضى به كما يتقبل النعماء ويفرح بها




فهذا هو السبيل الوحيد إلى سعاده تغمر القلب وتترجم إلى الجوارح



أعلم أن الوصول لمنزلة الرضا والشكر على البلاء ليست بسهله


ولكن ليعين كل منا الأخر على هذا



أعين أهلى

أعين صديقى

أعين قريبى

وكل من يمكنن إعانته

لأجد من يعيننى على نفسى



فلنجعلها بدايه جديده

ولا تنتظر أن يشكو إليك أحد بل بادر أنت بعونه على الطاعه والرضا


لعل السعاده تغمر قلوباً إفترقا فى منتصف الطريق





فلنجعلها بدايه من هنا
.........



الاثنين، 25 يناير، 2010

حاجه محيرانى !!




المضغه إلى قال عنها رسول الله صلى الله عليه وسلم


" إذا صلحت صلح الجسد كله وإذا فسدت فسد الجسد كله"


القلب هو إلى

بيحب

بيكره


طب الوجه هو إلى بيضحك

ساعتها ما بيحسش بالقلب
وفى بعض الأحيان ترجمه لفرحه غمرت القلب



والعين هى إلى بتبكى

أحيانا بتترجم إحساس القلب وأحيانا لا



هو القلب إلى بيترجم المشاعر دى

ولا القلب بس بيحس ومالوش علاقه بترجمة الإحساس



وكمان لما تنجرح أو يضيع منك حب أو تفقد عزيز

ليه ساعتها بتحس بوجع القلب

والعكس مع الفرح بتحس بفرح فى القلب


أحيانا لا أجد للقلب علاقه ببعض الترجمات من الوجه أو العين
!!

الثلاثاء، 19 يناير، 2010

قطره .. مفقوده ومطلوب البحث عنها


قطرة مطر

تخيل

قطرة مطر وهى تسقط على أرض صحراء

هى البعث الجديد


تمتص حبات الرمال الماء بنهم شديد لتروى عطشاً أشد دام الكثير


فتتحول المقفره إلى مائده رحمانيه على حديقه ربانيه




سبحان المقيت


مجرد قطرة ماء تروى عطشاً قد يكون دام كثيراً وظهرت معه ملامح الموت


تنمو من جديد..تزدهر .. تتفتح أزهار .. تسقط بذور تستغل هذا الخير سريعا


تتشبث فى الرمال .. تنمو سريعا .. يظهر برعم جديد لينتج جيل جديد



رغم قساوة ما سيرى وقحط وجفاف وطبيعه قاسيه لكنه لا يتهاون فى إستغلال هذا الرزق الإلهى


ولم يتكاسل


رغم أنها بدأت قطره ... فقطرات ... فسيل


لم تتوقع هذا السيل ولكن إستخدمت القطره وفقط ولم تنتظر السيل







أتتوق لهذا السيل وتنتظره أم تشارك الصحراء طبيعتها ؟؟


أتسمح لهذه القطره أن تسقط على جدران قلبك أم ستظل تتنتظر أن تتحول إلى سيل؟؟


وقد تنتظر الكثير والكثير !!


إسمح لهذه القطره أن تفتح أبواب قلبك المغلقه

لعلها تكون هى السيل وأنت لا تدرى


وتسرى فى قلبك الذى أصبح صحراء يشتد فيها الجفاف يوما بعد يوم

وتدب فيه الحياه من جديد


وإسمح لهذه المضغه التى بداخلك أن توزعها وتضخها إلى أركانك وجوارحك


لا تنتظر هذه القطره بل إبحث عنها ... قد تختلف هذه القطره من شخص لأخر


سخرها لك المولى عز وجل ولكن قد لا تعلم أين هى

إبحث عنها :

فى كتاب الله فى آيه قد تمس قلبك


فى سنة نبينا صلى الله عليه وسلم فى خلق من أخلاقه


فى بيت من بيوت الله بدرس علم قد تحضره أو صلاة جماعه


فى عمل خير قد تساعد به غيرك و...........الكثير والكثير


ستجدها ولكن لا تنتظر أن تأتيك بل إبحث عنها


فضل الله علينا عظيم وكرمه أعظم


قد يكون منعك إياها لأنه يحبك ويريد سعيك إليه لتجدها ويبعثك من جديد


هيا نبحث معاً عن هذه القطره لنحى قلوباً ماتت وتصحرت بأيدينا

الثلاثاء، 12 يناير، 2010

حاله من حالاتى !

السلام عليكم ورحمة الله وبركاته

بصراحه ما كنتش مرتبه أكتب بوست النهارده

ومعلشى ممكن تلاقوا الدنيا متلخبطه شويه

لأنى بصراحه قرفانه جدا جدا

إلى بيحصل حوالينا فعلا يسد النفس ومش مخلينى نفسى أعمل حاجه ولا أقول حاجه


طبعا الكارثه إلى بتحصل لأهل غزه والجدار ومنع أبسط المساعدات عن ضعفاء ربنا إبتلاهم

بعدو ومحتل لا بيرحم ولا بيتراجع


وجت حتى بلادنا إلى المفروض تحاول تخفف عنها بأى طريقه خنقتها أكتر وأكتر بقت

إسرائيل تشد الحبل من ناحيه ومصر بجدارها من ناحيه



مش عارفه دى خطه ولا ضغط ولا إيه بالضبط

ومصر إلى بقت صورتها وحشها جدا بسبب حاكم ولا حكومه لا تتقى الله

ومصر لا هى مبارك ولا حكومته

مصر هى الغلابه والمطحونين الطيبين

عذرا يا أهل العزه ولا تؤاخذونا بذنوب ولاة أمورنا

عذرا أقصانا فما ضيعناك إلا ضعفا من حكامنا

ولكن حتما ستضيء شمعة الحريه ولن يشعلها إلا الشرفاء المخلصين المسؤمنين حقا


وحالنا

بقى حالنا كل يوم من أسوء لأسوء


أنا كرهت التليفزيون والجرايد والنت


تليفزيون : برامج وأخبار تسود الدنيا فى عنينا أكتر ما هى كوارث وحوادث وجرايم


أفلام تقرف وتفاهه


بس أكيد البرامج الدينيه والقنوات الدينيه بصراحه الحاجه الوحيده إلى بتهون شويه وياريتهم

سايبنها فى حالها


جرايد : نفس الحال أخبار تنكد وأخبار للأفلام الى تقرف وبورصه وإقتصاد مخروب


النت : برضه نفس إلى بيتشاف لا جديد بل أسوء بقليل

والناس خلصت الرحمه من قلوبها ودخل مكانها حقد وغل ودنيا


لما حسيت إن الدنيا خلاص ما بقتش غير كده


هى الدنيا بس كده



حروب وحصار ودمار وجرائم وكوارث وناس بتموت فى ناس وناس بتاكل فى حقوق الناس


و إلى طايل ياخد حاجه بياخدها


فين الطيبه والحب والوفاء والإخلاص معانى بدأت تنتهى من حياتنا هى أكيد قيم راسخه بس


بإدينا خناقناها


وللأسف زى ما بنخنق جوانا معانى جميله خلاص إتعودنا على الخنق والقتل ومناظر الدم

البشعه



حتى الضعيف إلى بيستجير بينا خنقناه بتحكمنا فيه وبنينا بينا وبينه طوب وخرسانه ما


تدوبهاش المعانى إلى كانت جميله


دى بقت قسوة قلوب ولا موت ضمير


لازم نفوق

وعمرنا ما حنسمح لدنيتنا تكون كده

دى محطه بس فى حياتنا ولازم نمشى على قضبانها لا نموت زى إلى بيموتوا فى حوادثها

لازم نفوق

لأننا أول الخسرانين فى معركة الضمير والا ضمير

معلشى لو كنت نكدت عليكوا بس عارفه إنكوا كده كده متنكدين


ربنا يرفع عنا ويريح قلوبنا ويراضينا ويرضى عنا ويرفع عن المسلمين وينصر الإسلام

ويعز المسلمين

اللهم أمين

الثلاثاء، 5 يناير، 2010

عاوز أعمل خير






دعوه عامه


مجانيه

وأنت الكسبان

حسنات كتير ورضا المولى عز وجل وسلام من الحبيب المصطفى صلى الله عليه وسلم

فاكرين شهر العسل


أكيد نسيتوا

أفكركوا وأفكر نفسى مش مشكله

وممكن تشوفوه تانى

بس نقول من الأول

كلاكيت تانى مره


جروب على الفيس بوك إسمه وأنا كمان عاوز أعمل خير لشباب المنصوره وإلى من غير المنصوره

برضه بس نشاطه فى المنصوره


وبالأخص مستشفى الأورام للأطفال


هى مش جمعيه همه مجرد شباب بيساعدوا الأطفال المريضه دى


ومتقسمين أربع مجموعات


1- مجموعة العسل (المسؤله عن توفير العسل للأطفال دى لأانه بيقوى المناعه وبيغذيهم وفوايد تانيه كتييييييييييييييير)


2-مجموعة الدم (المسؤله عن التبرع بالدم لان الأطفال دى بتحتاج نقل دم كتير)


3-مجموعة الأدويه (المسؤله عن توفير العلاج إلى ما بيتصرفش من المستشفى )


4-مجموعة التثقيف الصحى (المسؤله عن توعية الأمهات وتثقيفهم بالمرض وكمان الشباب والمتطوعين )


ماشاء الله ربنا يبارك فيهم كلهم يارب ويجزيهم خير


بيعملوا زياره كل سبت للأطفال يلعبوا معاهم ويضحكوا ويعملو ا اسكتشات وحفلات كل فتره

هدفهم الأساسى إسعاد الأطفال والأمهات


بجد جو جميل جدا جدا بيتبسطوا كمان مع الأطفال يعنى مش الأطفال لوحدها إلى بتفرح وبتلعب


وبيعملوا عمل تطوعى إبتغاء مرضات الله


إيه رأيكوا تيجوا تزورا الأطفال دى معانا تعملوا خير وكمان تتبسطوا

وتشاركوا فى نشاطاتهم


ده مش إعلان لجروب ولا قصده أى حاجه غير إننا ناخد بإيد بعض للخير وللجنه علشان إن

شاء الله ندخل الجنه زمرا


ترسم بسمه على وجه أم بضحكة طفل يمكن تتدخلك الجنه وتكون سبب فى سلام من نبيك

صلى الله عليه وسلم وفرحه بيك عند الحوض


أكيد الأغلبيه ليها أكونت على الفيس بوك إعمل بس سيرش عن وأنا كمان عاوز أعمل خير وإدخل وشوف


وفكرر وقرر عاوز تعمل خير ولا لا ما تضيعش فرصة خير جيالك ومن غير مقابل لزيادة الحسنات


السبت، 2 يناير، 2010

وصلنى رد من أب ..!

السلام عليكم


الى ابنى العزيز


بنى انا لم اتلذذ بالبعد فما زادنى الا كره لتلك الظروف التى جعلتنى هنا وانت هناك بنى اكتب

اليك وقلبى يعتصره الم وينزف حزن على


رسالتك لكن يابنى لكل شيىء مقابل ومقابل قدرتك على معرفة الكتابة هو وجودى هنا فمن

اجلك كنت هنا وحرصا منى على عدم مجيئك هنا



كنت هنا وحيدا فى دنيا الاغراب دنيا لاتعرف غير الكد من اجل حفنه من السعاده ادخلها

عليك وتاخذ من صحتى وعمرى



بنى تعمينى الدموع وتتسابق على اوراقى الحروف ولكن لا اعرف غير انى بت بكل كلامك

موجوع اعلم انه ليس ذنبك ان تبات عن ابيك


محروم ولكن بنى تهونى اوجاعى مقابل بسمتك ومرارى مقابل ارتوائك اعلم انك تعلم كل هذا

وانه ليس لك ذنب فى هذا فمن حقك وجودى


بجوارك اضمك واعلمك وارشدك لكنى بنى اخشى


ان تكره قربى عندما لا تجد الحبر الذى تبوح به عما بداخلك



بنى اسال عمرو صديقك عن ابيه وهل هو سعيد بقرب والده وهل يراه وهل وهل انتظر هذا

فى خطابك القادم



وصلنى هذا الرد من أحد المتابعين

وبجد أثرت فى كلمات الرساله جدا

وحبيت تقروا رسالته معايا

أنا متأكده من كل معنى فى كل كلمه وعارفه إن ده إحساس كل الأباء وإن كانوا ما بيبينوش

ده بس أنا لو وصلتنى الرساله دى والله كفايه على حتعوضنى أى ألم أو أى حاجه مريت بيها

وكنت محتاجاه ساعتها

بس مشكلة كتييييييير من الأباء إنها ما بتتكلمش ما بتعوض حتى بالكلام

تكتفى بتوفير الإحتياجات

ربنا يبارك فى أبائنا وأمهاتنا ويحفظهم لينا ويخليهم لنا يارب ويديم عليهم الصحه والعافيه

ويرزقنا برهم ورضاهم

اللهم أمين