الأحد، 20 ديسمبر 2009

مجرد إحساس


فى ذكرى النهاية



فى ذكرى الرحيل لا أجد سوى الدموع سبيل


فى ذكرى الفراق يحترق قلبى من الإشتياق


لا أذكر يوم اللقاء ولكنى أذكر تاريخ الفراق


كلاكيت لأول مره وإنتهت وفقط هذه المره


وإنتهى معها الحنين وزاد بها ألم السنين


فأصبحت وألمى رفاق بعد ضياع الضياء


أتظاهر بالقوة والجلد والحقيقه أضعف الصعفاء


يرانى الجميع أتحرك بينهم


وما أتحرك إلا هربا من نظراتهم


يظنون أنى جبل


وما أنا إلا حبة رمل تتنتظر قطرة ماء تلصقها بأرض الخيلاء


تخشى الرياح التى طالما تحركها رغما عنها ولا تقوى على البقاء




أنا لا أنا شاعر ولا رسام ولا حتى ريشه فى إيد فنان


إحساس مكبوت ونفسه يخرج للنور بس ما يكونش هربان



مجرد كلام

هناك 18 تعليقًا:

  1. صعب اوووووووووووووووووي الفراق
    صعب انك تبعد عن حد انت بتحبه

    كلمات تدل علي تجربة

    ادعوكي لزيارة مدونتي

    ردحذف
  2. السلام عليكم

    اصعب اللحظات لحظه الفراق

    وفى اللحظه دى كتير بيبنوا انهم اقوياء وانهم قادرين على تحمل اللحظه المشؤمه دى ويتجلد وكان قلبه صخر ولكن فى الحقيقه هو اضعف من ذلك

    لا يقدر ان يتحمل لحظه الفراق

    وقلبه يعتصر من الالم

    ويستمر الجرح فى النزيف
    ـــــــــــــــــــ
    تحياتى لكلماتك بجد رائعه

    سعيده بمرورى هنا

    ردحذف
  3. السلام عليكم
    جميلة اوي كلماتك ومعبرة
    والفراق صعب اوي
    والدموع هي السبيل الوحيد
    الي بنعبر فيه
    ربنا ما يحرمناش من حبايبنا خالص

    ردحذف
  4. القصيدة جميلة
    وفعلا الفراق صعب ولكن قد يكون الفراق أحيانا زياده فى حبنا لمن فارقنا وقد يتجدد اللقاءوعندها نتناسى ما قد حدث ولكن إذا كان الفراق أبدى فيجب أن نداويه بالصبر

    ردحذف
  5. جميله قوي
    الاحساس وصلي ، احيكي على ابداعك
    محمد البنا
    طريق النجاح

    ردحذف
  6. ياه يا سمسمة ده مش مجرد احساس ده أعمق الأحاسيس اللى ممكن تتوصف إن كان هذا إحساسك فقد تألمت حقا لهذا الإحساس وأتمنى لك السعادة بعيدا عن أى إحساس بالحزن

    دمتى بكل الخير والسعادة

    ردحذف
  7. محمد بدر

    أهلا بيك يا فندم وشرفنى مرورك وتعليقك الكريم

    ويشرفنى زيارة مدونتك يا فندم ان شاءالله

    مسألة الفراق مش شرط يكون حبيب ممكن يكون صديق أو أب أو أم أو حبيب المهم إنه ساعتها بتحس إنك فعلا مكسور وضاع الحنان والخوف عليك من حد فعلا بيحبك بجد

    ردحذف
  8. ريمان القمر

    معاكى حق فعلا بنحاول نبان جبال مش بشر واحنا من جوه اضعف مما يتخيلوا
    والله الفراق مش حتى اللحظه لانك بتحسى البعد اكتر بعديها يمكن لحظتها ما بتبقيش مصدقه بس بجد إنك تفتقدى حد أقصى اهتماماته إنه بس يطمن عليكى يواسيكى يقف جنب فى ابسط مشاكلك يكفى بس يحس بيكى ومن غير حتى كلام بس يطبطب عليكى الاحساس ده ينسيكى الم السنين والاحزان بس هى دى الدنيا دايما بتاخد كل الحبايب

    نورتينى يا صاحبة الكلمات الرقيقه

    ردحذف
  9. سمسم /سما

    أهلا ياقمر
    اللهم أمين ربنا يخلى لنا حبايبنا كلهم حوالينا ومايحرمناش منهم

    ردحذف
  10. المهاجر

    حمد الله على السلامه شكلك فى أجازه ربنا يكرمك وييسرلك امورك يارب

    قصيدة ايه انا ماليش فى القصه دى خالص بس أحيانا من تاثير حاجه عليك ممكن تخرج حاجه زى دى مثلا انما انا ماليش فى القصائد والكلام الجامد ده

    وبعدين لازم نقتنع ان كل الى ربنا مختارهولنا هو الخير حتى لو كان الظاهر الم وفراق
    تحياتى

    ردحذف
  11. محمد البنا
    أهلا بيك شرفنى مرورك العطر
    واكيد الاحساس نفسه فى الحقيقه اصعب واصعب من مجرد الكلمات
    أنا من الناس الى عمرى ما قدرت اعبر عن حاجه جوايه بالكلمات

    ردحذف
  12. جودى

    ازيك يا قمرالاصعب انك تفقدى احساس الى بيحبوكى لان فعلا الدنيا صعبه جدا من غير حد يحس بيكى وبالامك بعد وجوده بس امر ربنا وقضاءه منعه انه يفضل حوليكى
    هو ده الى بيصعب عليكى الامر وهى دى الدنيا
    المهم نرضى بقضاء الله وقدره
    وربنا يحفظ كل حبايبنا حولينا وما يحرمناش منهم وكل المسلمين

    ردحذف
  13. الفراق اكيد احساس صعب

    واكيد الانسان ديما بيحتاج حد يكون جنبة يحس بية ويراعة


    ربنا يوفقك ويمرمك

    ردحذف
  14. أوقات كتير بنكتب كلام بالنسبة لنا عادى لكن اللى بيقرأه بيفرق معاه

    ردحذف
  15. بجد حلوه اوى
    ربنا يكرمك
    يرانى الجميع أتحرك بينهم


    وما أتحرك إلا هربا من نظراتهم


    يظنون أنى جبل


    وما أنا إلا حبة رمل تتنتظر قطرة ماء تلصقها بأرض الخيلاء


    تخشى الرياح التى طالما تحركها رغما عنها ولا تقوى على البقاء


    هذا ما اعجبنى

    ردحذف
  16. Tamer Nabil
    شرفنى مرورك الكريم إلى دايما بينور مرايتى

    معاك حق أصعب احساس انك تكون عايش لوحدك من غير ما حد يبقى جنبك يهون عليك يساندك يحنو عليك بالرغم من وجود كتير بس الاحساس ده ما بيبقاش غير من قليلين

    ردحذف
  17. موناليزا

    ازيك يا قمر

    فعلا والله وكمان ممكن نقرا كلمات عند حد تانى وتمس قلوبنا قوى وتعبر عن حالنا قوى كانك انت الى كتباها وبتعبرعنك انت
    علشان كده العالم ده عالم التدوين فيه حاجات حلوه كتير

    ردحذف
  18. أسامه

    ربنا يكرمك يارافع معنوياتى

    بس على فكره ما تتعودوش على كده انا اصلا مابعرفش اكتبر شعر
    ده مجرد خاطره او احساس

    وعارفه ان نصها الاول مش قد كده تحسه عادى بس طبعا لانك محترف عجبك النصف التانى ماأنت بتتكلم باحساس شاعر وكاتب

    متشكره جدا لكلامك وربنا يكرمك ويرفع قدرك

    ردحذف

إتفضلوا هنا لو كلامى عجبكواأو حبين تقولوا لى حاجه