الاثنين، 25 يناير 2010

حاجه محيرانى !!




المضغه إلى قال عنها رسول الله صلى الله عليه وسلم


" إذا صلحت صلح الجسد كله وإذا فسدت فسد الجسد كله"


القلب هو إلى

بيحب

بيكره


طب الوجه هو إلى بيضحك

ساعتها ما بيحسش بالقلب
وفى بعض الأحيان ترجمه لفرحه غمرت القلب



والعين هى إلى بتبكى

أحيانا بتترجم إحساس القلب وأحيانا لا



هو القلب إلى بيترجم المشاعر دى

ولا القلب بس بيحس ومالوش علاقه بترجمة الإحساس



وكمان لما تنجرح أو يضيع منك حب أو تفقد عزيز

ليه ساعتها بتحس بوجع القلب

والعكس مع الفرح بتحس بفرح فى القلب


أحيانا لا أجد للقلب علاقه ببعض الترجمات من الوجه أو العين
!!

هناك 28 تعليقًا:

  1. القلب و العقل وجهان لعملة واحدة

    ردحذف
  2. السلام عليكم..

    الفرح والحزن ليسا هما فقط مايرد على القلب من مشاعر..

    فالخدَّاع والخبيث..وغيرهما لهما تعابير على الوجه أحياناً تكون إبتسامات أو تعابير حزن لكن لأغراض مختلفة..


    البعض عندما يضحك نجد الناس تقول له (الضحكة دي مش من قلبك)..
    لأن القلب اشتهر بالطيبة والحاجات الحلوة..!!


    مش عارف انا كده بتكلم في مضمون الرسالة ولا لأ ..!!
    بس يارب يكون كلامي في نفس الإطار.. :)

    تحياتي.

    ردحذف
  3. فى سعات ناس بتكون اعتادت على سيئة معينة
    لكن لما ربنا بيهديها ويصلحلها قلبها
    لو صادف ان الانسان ده رجع تانى للسيئة قلبه بيكون رافضها ومش عاوز يعملها
    وانما الاعمال بالنيات والنية محلها القلب
    كتر السيئات بتعمل غشاوة على القلب
    وذكر الله بيطمن القلب
    ..
    تحياتى

    ردحذف
  4. صحيح
    حاجه محيره

    تصدقى أول مره اخد بالى منها
    اممممممممممممممممممممممم

    ردحذف
  5. بس تعرفى أنا قلبى موجوع على طول وبيحس بكل حاجه
    وعمرى ما ضحكت او حزنت غير من قلبى

    لانى طيبه ونيتى سليمه وخالصه لوجه ربنا
    تسلمى حبيبتى على موضوعات الجميله

    ردحذف
  6. السلام عليكم
    معلش انا ليا راي
    القلب هو اللى بيحس بالمشاعر
    وده اللى بيخلينا نشعر بالفرح او الحزن بجد
    لكن اظهار الفرح والحزن فده ممكن يكون فى قدره الشخص على التحكم فى المشاعر
    يعنى ممكن يكون الشخص متضايق بس مش عايز يظهر ده
    يعنى مش عايز يزعل اللى حواليه مثلا
    ربنا يسعدك ويكرمك دايما

    ردحذف
  7. لو كان القلب سعيد اكيد تعبيرات الوجه هتترجم ده
    ولو كان حزين ومتألم دموع العين هتعبر كويس جدا
    وده معناه ان القلب هو المتحكم الوحيد
    لانك مكن جدا تضحكى بس قلبك حزين وممكن جدا دموعك تنزل وقلبك فرحان

    سؤال جانبى:هل استشهادك بالحديث يدل على رغبتك فى تفسيره أم عدم تصديقه؟

    ردحذف
  8. الاختلاف فى الراى لا يفسد فى الامر قضية او حاجة زى كده
    انا ضدك فى كلامك القلب هونبع الحياه ...........

    ردحذف
  9. sharm

    شرفنى زيارة حضرتك الكريمه
    ولكنى أجد القلب قد يفعل مالا يرضاه القلب وأجده كثيرا منساق وراء العقل مجبرا فأجد العقل الوجهين للعمله والقلب الفراغ بينهما

    نورتنى يا فندم

    ردحذف
  10. مشخبطاتى

    عليكم السلام ورحمة الله وبركاته
    أهلا بحضرتك فى مرايتى
    أكيد حضرتك بتتكلم فى نفس الموضوع لأن القلب هى المستقبل لكل هذه المشاعر والتى أجدها تترجم فى نهايتها إلى فرح وحزن فالخداع والخبث يترجم الى حاله من الحزن تتملك القلب وفى النهايه يترجمها الوجه وتسانده العين

    وان الضحكه ما بتبقاش من القلب هو ده الى عاوزه اوصله لان كتير بنضحك وفعلا مش حاسينها حتى بتبقى من بره بس وسؤالى هنا هل الترجمه دى من القلب ولا من العقل ؟؟

    نتمنى تكرار الزياره

    ردحذف
  11. well

    ألا بذكر الله تطمئن القلوب
    ممكن يكون فى كلامك فعلا إجابه من كثرة ما رأى القلب مثلا من مأسى أو معاصى عرضت عليه بس انا مش بتكلم عن المعصيه انا بتكلم عن ترجمة المشاعر الى ممكن تترجم حتى من قبل ما توصل للقلب يعنى ممكن تبتسم او تضحك من غير قلبك ما يحسها وممكن كمان عيونك تبكى وتدمع دون أن يترجم لها القلب احساسا بالوجع والعكس ايضا يحدث قد تشكو حزنا فى قلبك شديدا وقد لا تقدر العيون على البكاء او وجهك عن ترجمته هل هى هنا قساوة الوجه ام القلب صدر قساوته لجوارحنا

    مش عارفه !!

    ردحذف
  12. إبتسامة ملاك

    إزيك يا قمر
    معاكى وكتير كده بس فعلا حاولى تاخدى بالك كده من فرحك وحزنك بس الى مش جامد يعنى شوفنى القلب هو الى مترجمه ولا لا قد يكون العقل هو المتهم فى هذه القضيه

    نورتينى يا قمرايه

    ردحذف
  13. م/ محمود فوزى

    عليكم السلام ورحمة الله وبركاته
    نورتينى يا فندم والله وشرفنى تعليق حضرتك على صفحتى المتواضعه
    مع حضرتك حق طبعا ومافيش اعتراض بس ده لما بتبقى الفرحه او الحزن بدرجه عاليه ساعتها اكيد القلب بيوصله ده وبرضه هو الى بيترجمه وقدرة الشخص هى الى بتتحكم بقى فى اظهار الترجمه دى بس استفسارى عن بعض الحالات الى بتحصل وبما ان الفرح ما بقاش بيوصل لدرجة هز القلب وغمره بيها ففى كتير من الاحيان فى الفرحه العاديه يترجمها الوجه بسعاده او بسمه لا تتخطى جلد الوجه هل العقل هو المسؤل هنا عن هذه الترجمه ام ان القلب يترجم دون ان يشعر؟؟

    ربنا يكرم حضرتك ويرفع قدرك

    ردحذف
  14. كلام جميل ورائع

    تسلمى علية

    ربنا يوفقك ويكرمك

    مع خالص تحياتى

    ردحذف
  15. موناليزا

    أهلا بيكى يا قمر

    لانك مكن جدا تضحكى بس قلبك حزين وممكن جدا دموعك تنزل وقلبك فرحان

    ايوه هو ده يعنى هنا القلب مش هو المتحكم بدليل ان الى حاسه حاجه والى الوجه او العين بترجمه حاجه تانيه خالص
    وكمان فى حاله الفرحه خاصة احيانا تجدى نفسك تبتسمى دون ان يشعر قلبك او ان تمسه هذه الفرحه
    ترجمات محيرانى ! ويمكن بس عندى ! او قلبى اصابه خلل !

    واستشهادى بالحديث لأنى اصدقه مليون الميه دهه كلام حبيبى صلى الله عليه وسلم انما بس استشهادا بترجمته فحالة الصلاح تترجم على الجسد كله والعكس فاستشهدت به فى ترجمة الفرح والحزن ايضا

    تحياتى

    ردحذف
  16. قلب فارس

    أكيد طبعا وانا ما اقدرش اقول غير كده بس انا بتكلم عن ترجمة بعض المشاعر من القلب على الوجه وبعض المشاعر التى لا تترجم من القلب ويترجمها الوجه

    تحياتى

    ردحذف
  17. Tamer Nabil

    أهلا بحضرتك
    ربنا يكرمك يارب ويعزك
    رأى حضرتك إيه فى بعض هذه الترجمات التى قد يكون العقل هو المسؤل عنها مع تخصص القلب فيه

    ردحذف
  18. السلام عليكم
    القلب العين الاحساس كله ليس له علاقة الا بالمخ
    المخ بيرسل لك اشارات حسب ترجمتها يعني عندما نشعر بالفرح يرسل المخ لنا هذة الاشارة ةنشعر بها سواء في ضحكة العين او فرحة القلب
    ربنا يسعدك ويبعد عنك دمع العين او وجع القلب
    دمتي

    ردحذف
  19. القلب ينقل اذا احس احاسيسه الصادقة للجوارح والحواس واذا افتعلناها خرجت من وراء القلب

    ردحذف
  20. ذكرى رحيل قلم

    عليكم السلام ورحمة الله وبركاته
    معاكى طبعا أن المخ هو المحرك الرئيسى والمستقبل الرئيسى كمان بس هو المفروض الإشاره فى حالة الفرح تروح الاول للقلب ويترجمها الوجه ولا ممكن تروح مباشرة للوجه دون أن تمر على القلب وده حيكون تفسير الحالات دى
    وهنا القلب ما بيحسش بالفرحه دى ودى الى بنقول عليها ضحكه من ورا القلب

    ربنا يخليكى يا حبيتى ويتقبل منك ولكى مثله ان شاء الله

    ردحذف
  21. لولا وزهراء

    أهلا يا قمرات
    كلام تمام وكمان غير المفتعله إلى مش حاسينها برضه نفس النتيجه

    تسلموا لى يا حبيباتى

    ردحذف
  22. جزاكم الله خيرا على كلامك الجميل وانا اقل من هذا بكثير

    اعتقد انه فى الحالات اللى بيكون فيها الفرح او الحزن مش جامد قوى

    فده بينقل الامر للوجه انه يبتسم
    ممكن يكون القلب بيشعر بالفرح او الحزن لكن احنا متعودين على ان يكون الفرح فى القلب كبير
    لكن لما بيكون قليل مش بنهتم بيه
    ده طبعا ربما
    والله اعلم

    ربنا يكرمك ويسعدك دايما

    ردحذف
  23. القلب و حسب الدراسات الأخيرة يفكر و له عقل مثل العقل
    و بالتالى الإثنين زى بعض

    شكرا لك

    ردحذف
  24. السلام عليكم
    قولت مش ينفع انزل اجازه بدون ان تكونى من اول من القى عليهم السلام
    يعنى كفايه انك بتنورى مدونتى فى غيابى
    القلب دا مشكله وصدقينى بيه كل شيىء يكون وبيه ننساق للمجهول وبيه ليصلح العمل او كله يهون

    ردحذف
  25. م/محمود فوزى

    ربنا يكرم حضرتك ويرفع قدرك

    كده يعنى أحيانا الأمر بيجى من العقل دون أن يمر على القلب كأى رد فعلا يعنى وطبعا من كتر القلب ماشاف ما بقاش يحركه غير يا إما حزن شديد أو فرحه جامده أكيد ده التفسير العقلانى

    دمت فى خير

    ردحذف
  26. الشاعر الفنان أحمد فتحى فؤاد

    يعنى معنى ده إن القلب حيدى الأمر مباشرة دون أن يشعر بيه يتعامل كعقل يعطى أوامر دون الإحساس

    مكن من كتر القلوب ما بتشوف

    تحياتى لحضرتك

    ردحذف
  27. صدفه جميله

    عليكم السلام ورحمة الله وبركاته
    حمد الله على السلامه
    وربنا ينور قلبك ويشرح صدرك يارب ويوسع رزقك اللهم أمين
    شكرا ليك والله وشرفنى مرورك

    ردحذف
  28. اين الجدييييييييييييييييييييييييييييييييد ):):

    ردحذف

إتفضلوا هنا لو كلامى عجبكواأو حبين تقولوا لى حاجه