الثلاثاء، 12 يناير 2010

حاله من حالاتى !

السلام عليكم ورحمة الله وبركاته

بصراحه ما كنتش مرتبه أكتب بوست النهارده

ومعلشى ممكن تلاقوا الدنيا متلخبطه شويه

لأنى بصراحه قرفانه جدا جدا

إلى بيحصل حوالينا فعلا يسد النفس ومش مخلينى نفسى أعمل حاجه ولا أقول حاجه


طبعا الكارثه إلى بتحصل لأهل غزه والجدار ومنع أبسط المساعدات عن ضعفاء ربنا إبتلاهم

بعدو ومحتل لا بيرحم ولا بيتراجع


وجت حتى بلادنا إلى المفروض تحاول تخفف عنها بأى طريقه خنقتها أكتر وأكتر بقت

إسرائيل تشد الحبل من ناحيه ومصر بجدارها من ناحيه



مش عارفه دى خطه ولا ضغط ولا إيه بالضبط

ومصر إلى بقت صورتها وحشها جدا بسبب حاكم ولا حكومه لا تتقى الله

ومصر لا هى مبارك ولا حكومته

مصر هى الغلابه والمطحونين الطيبين

عذرا يا أهل العزه ولا تؤاخذونا بذنوب ولاة أمورنا

عذرا أقصانا فما ضيعناك إلا ضعفا من حكامنا

ولكن حتما ستضيء شمعة الحريه ولن يشعلها إلا الشرفاء المخلصين المسؤمنين حقا


وحالنا

بقى حالنا كل يوم من أسوء لأسوء


أنا كرهت التليفزيون والجرايد والنت


تليفزيون : برامج وأخبار تسود الدنيا فى عنينا أكتر ما هى كوارث وحوادث وجرايم


أفلام تقرف وتفاهه


بس أكيد البرامج الدينيه والقنوات الدينيه بصراحه الحاجه الوحيده إلى بتهون شويه وياريتهم

سايبنها فى حالها


جرايد : نفس الحال أخبار تنكد وأخبار للأفلام الى تقرف وبورصه وإقتصاد مخروب


النت : برضه نفس إلى بيتشاف لا جديد بل أسوء بقليل

والناس خلصت الرحمه من قلوبها ودخل مكانها حقد وغل ودنيا


لما حسيت إن الدنيا خلاص ما بقتش غير كده


هى الدنيا بس كده



حروب وحصار ودمار وجرائم وكوارث وناس بتموت فى ناس وناس بتاكل فى حقوق الناس


و إلى طايل ياخد حاجه بياخدها


فين الطيبه والحب والوفاء والإخلاص معانى بدأت تنتهى من حياتنا هى أكيد قيم راسخه بس


بإدينا خناقناها


وللأسف زى ما بنخنق جوانا معانى جميله خلاص إتعودنا على الخنق والقتل ومناظر الدم

البشعه



حتى الضعيف إلى بيستجير بينا خنقناه بتحكمنا فيه وبنينا بينا وبينه طوب وخرسانه ما


تدوبهاش المعانى إلى كانت جميله


دى بقت قسوة قلوب ولا موت ضمير


لازم نفوق

وعمرنا ما حنسمح لدنيتنا تكون كده

دى محطه بس فى حياتنا ولازم نمشى على قضبانها لا نموت زى إلى بيموتوا فى حوادثها

لازم نفوق

لأننا أول الخسرانين فى معركة الضمير والا ضمير

معلشى لو كنت نكدت عليكوا بس عارفه إنكوا كده كده متنكدين


ربنا يرفع عنا ويريح قلوبنا ويراضينا ويرضى عنا ويرفع عن المسلمين وينصر الإسلام

ويعز المسلمين

اللهم أمين

هناك 21 تعليقًا:

  1. السلام عليكم ورحمه الله وبركاته
    اول تعليق وشكراا لمرورك الرائع والنصيحه وجزاكي الله خيراا
    اهل غزه سينصرهم الله حتما انهم لايدافعون عن غزه فحسب بل يدافعون عن كرامة المسلم فلكي الله ياغزه ونصرك واعزك الله ورفعك انهم يريدون وانتي تريدي والكل يريد ولكن الله يفعل مايشاء ويقولون متي هو قل عسي ان يكون قريبا وقل عسي في القران واجبه فسينتصر الاسلام وسيزال هذه الاحزاب وهذه الاشخاص التي تسود مكانه مصر مصر هيا عابره الاسلام مصر بلد الازهر مصر التي انجبت الاممه والعلماء وسياتي النصر من مصر قريبا ان شاء الله

    ردحذف
  2. ربنا قادر ينصرنا لو اتغيرنا فعلا بس المشكله لما التفكك بدأ يظهر بين الفليسطنيين نفسهم
    وربنا يهدي القادة العرب وهو قادر على كل شئ
    لكن بالنسبة للجدار فانا بدات اعتقد انه فعلا حمايه لانهم بيثوروا علينا بدون اسباب ودايما بيتهمونا بالخيانة مهما عملنا

    ردحذف
  3. السلام عليكم حبيبتى

    ربنا يكرمك يارب وكل سنه وانتى طيبه وسعيده
    اكيد انتى عبرتى عن اللى جوايا لان دا حال كل واحد فينا مش لوحدك ياقلبى
    ربنا معاهم قادر على كل شىء وربنا يصلح الاحوال قادر يا كريم

    حبيبتى روقى وسيبها على الله هو قادر على كل شىء

    منتظراكى عندى عملت موضوع لليتيم
    بحبك اووووووووووووووووووووووووووى

    تحياتى
    ايناس

    ردحذف
  4. كريم مصطفى السيد

    عليكم السلام ورحمة الله وبركاته
    حضرتك تشرفنى يا فندم
    جزاك الله خيرا على سعة صدرك وفعلا رد حضرتك سعدنى جدا مصر لا حيغير قيمتها حاكم أو حكومه ولا اشخاص لأنها كيان كامل خرجت عظماء وأبطال وان شاء الله النصر لفلسطين يخرج منها ومن شبابها
    ربنا يكرمك يارب ويكرم شباب المسلمين وينصر الاسلام ويعز المسلمين ويقر أعيننا بتحرير المسجد الأقصى من يد اليهود اللهم أمين

    ردحذف
  5. الشموع السوداء

    أهلا بحضرتك شرفتينى
    وربنا يوحد كلمة المسلمين ويجعلهم على قلب رجل واحد

    أنا برضه أحيانا بفكر انه من مصلحتنا بس المشكله إنه مش وقته وحتى لو كده كان المفروض يتكلموا مع الجهات الفلسطينيه ويحددوا إن حيبقى فى طرق شرعيه مثلا أو أى حل بس بلاش يزودوا الخناق عليهم ويفهموم همه بنوه ليه مش كله ده يحصل ويثوروا علينا واحنا كمان نثور على الحكومه وتتقطع كل اواصلنا
    كل حاجه فى حياتنا بقت ملعبكه
    ربنا يرحمنا
    تحياتى ونتمنى الزياره دايما

    ردحذف
  6. إبتسامة ملاك

    حمد الله على سلامتك يا قمر
    عارفه والله ان ده احساس الكل ربنا يرفع عنا اللهم امين

    وسينها على ربنا قادر ان شاء الله يرفع الغمه
    وربنا يكرمك يا حبيبتى فى الحمله اه شوفتها من شويه ربنا يجعله فى ميزان حسناتك

    ربنا يحبك يارب
    وانا كمان والله بحبك

    ردحذف
  7. مش عارف انتوا مضيقين من حكومة دى ليه
    دا رئيسها مبارك
    ورئيس مجلس الشعب (سب الدين) سرور بتاع موافقة
    ورئيس مجلس الشورى شريف
    ورئيس الوزراء ......نظيف ( زباله)
    وزير الداخليه ....العدلى (الظالم)
    وامين تنظيم الحزب الوطنى بتاعها ( عز) حديد عز محتكر الدنياسيبوهم يسرق فى البلد على راحتهم

    ردحذف
  8. السلام عليكم
    ايه يا قمر الحالة ديه كل ده طيب حاجة حاجة
    ربنا مع غزة واهلها وان شاء الله ربنا ينصرها علي العدو

    وربنا يتوب علينا من اخبار النت والجرايد

    علي الفكرة البلاء لا ينزل الا بذنب ولا يرفع الا بتوبة استغفر الله واتوب اليه
    دمتي جميلة

    تحياتي

    ردحذف
  9. السلام عيكم
    اختى مدونتى اسمها مرايتعى
    كلامك نابع من القلب
    وهذة الحالة جميعنا فيها
    بس انا عاملة حاجة حلوة اوى
    بحلم
    بحلم باية
    بحلم ان الاقصى بقى بتاعنا
    والفلسطينيين عايشين فى سلام
    وأحنا حكامنا زى سيدنا عمر بن الخطاب
    وياريت تحلمى وانشاء الله الحلم هايتحقق

    ردحذف
  10. بلال عادل

    فعلا حكومه تشرف بأسمائها هموا بيختاروا الاسم قبل الفعل ولا ايه؟

    ربنا يهديهم ويتوب عليهم ويفوقوا بدل ما يفوقوا على كارثه
    مافيش فى ادينا غير ندعى لهم
    ربنا يصلح حال امتنا وولاة امورنا اللهم امين

    شرفنى مرورك على صفحتى المتواضعه

    ردحذف
  11. ذكرى رحيل قلم

    عليكم السلام ورحمة الله وبركاته
    مهى المشكله انهم كلهم مع بعض حاجات توجع القلب ربنا يرفع عنا ويغفر لنا ويتوب علينا

    أستغفرك ربى لى وللمسلمين اجمعين

    جزاكى الله خيرا وربنا يكرمك يارب ويفرح قلبك

    ردحذف
  12. زهرة الاسلام

    عليكم السلام ورحمة الله وبركاته

    خلاص ححلم معاكى جايز يتحقق لما الكل يحلم بيه
    نورتينى يا قمر ربنا يكرمك يارب ويفرح قلبك

    ردحذف
  13. ان الله مع الصابرين

    تحياتى

    ردحذف
  14. اسعد الله ايامك
    ان فرج الله لقريب

    ردحذف
  15. فعلاً لازم نفوق
    لكن مين اللي يسمع الكلام ده
    تقبلي مروري
    محمد البنا

    ردحذف
  16. السلام عليكم
    أأأأأأمين يارب العالمين
    والحاله دى أصابتنا كلنا
    بس حنعمل أيه
    تحضرنى الأن أبيات لشاعر بلدياتى أسمه الأمير كمال فرج يقول

    يومياً أقتل

    لكنى دوماً

    أخرج من غرف الأعدام

    منتصب القامه

    مبتسماً

    دون كلام

    فهونى عليك فاليأس إن أصاب المثقفين و المدونين والناشطين والمتابعين والمهمومين بأحوال الوطن فعلينا
    السلام
    واشتدى يا أزمه فبعدكِ الفرج

    ودمتِ بحال أحسن من كده

    ردحذف
  17. السلام عليكم
    جزاك الله خيرا على مرورك الذى ادخل السرور على قلبى
    نعم انها مظلمه ولكن كما يقولون فلما اشتدت حلقاتها انفرجت ولكن لابد وان يكون لنا دور كما ذكرتى .
    أعانك الله و كلنا ف هذه الحاله ولكنك أفضل منا لانك استطعتى ان تخرجى منها و تكتبى هذه التدوينه
    دعوات حضرتك عندى امتحان محاسبه الاربعاء ان شاء الله

    ردحذف
  18. well

    شرفنى مرورك الكريم
    ربنا يصبر قلوبنا جميعا اللهم أمين



    أسامه

    ربنا يسعدك يارب ويسعد المسلمين أجمعين ويرفع الكربه اللهم أمين




    mohamed elbanna

    مشكلتنا ما بقناش نفوق غير لما تحصلنا كارثه تخلينا نعيد حسابتنا مع انى مش لاقيه كوارث أكتر من الى بتحصل
    ربنا يهدينا لما يحب ويرضى

    شرفنى مرورك الكريم




    واحد من العمال

    شرفتنى يا فندم وشرفنى تعليقك على كلماتى المتواضعه
    وتحياتى للشاعر بلدياتك لانه بجد يستحق لقب الامير

    المشكله ان أحيانا الى بيحصل بيبقى فوق طاقة البشر
    بس الأهم ان فى ناس زى حضراتكوا تعيد الثقه وترجع التفائل وتشحن الطاقه من جديد

    تحياتى يا فندم

    ردحذف
  19. جميل جدا ها الشعور

    من لم يهمه أمر المسلمين فليس منهم

    حسبنا الله ونعم الوكيل

    أما أهل غزة فلا يشغل بالك امرهم هم أحياء اما نحن فأموات حتي حين

    والله المستعان

    السلام عليكم

    ردحذف
  20. أحمد بسام

    عذرا إن لم أمر على هذا البوست سهوا ليس الا ويمكن كمان كتبت الرد الى بعديها اثناء ما حضرتك كنت بتكتب رد وما اختش بالى بس والله

    سعيده انك من المتابعين وان شاء الله ياتى الفرج القريب وترفع الغمه ربنا معاك يارب ويكرمك فى الامتحانات وبتقدير امتياز يارب انت واخى وكل طلاب المسلمين
    بالتوفيق

    ردحذف
  21. أحمد الصعيدى

    شرفنى مرور حضرتك يا فندم
    اللهم أحى قلوبنا وقلوب ولاة امورنا وانصر بنا الاسلام والمسلمين

    لعل الفرج قريب

    ردحذف

إتفضلوا هنا لو كلامى عجبكواأو حبين تقولوا لى حاجه