الجمعة، 26 فبراير 2010

أعدائك .. فى اليابان

أنا والعزله


هى أعدائك فى اليابان


مقارنه بين طفل يابانى وأخر أوروبى أو أمريكى


فى اليابان يربى الطفل على روح الجماعه

بينما فى الغرب يربى على ثقافة الإستقلاليه



وهنا وجدت المعجزه اليابانيه



ينشأ الطفل مرتبطا بأمه تحمله على ظهرها فى كل مكان


ثم فى المدرسه فى جماعه ويتدرج فى حياته فى جماعه


ويعتبر العزله هى عدوه فى الحياه



نجد فى الغالب الجماعه (group) تبدأ من فرد


أما فى اليابان الجماعه تبدأ من جماعه


لا ترى طفلا بمفرده ولا ماراً فى الشارع يسير بمفرده



لذلك أصبحت اليابان من أعظم دول العالم

رغم قلة مواردها وإستيرادها للكثير



ولكن روح الجماعه والإنتماء التى تعتمد عليها

جعلها تزاحم فى دنيا الزحام وتصل إلى أفضل المكانات





روح الجماعه التى تنمو مع الطفل من أول يوم هى السر



ولم تتأثر الجذور اليابانيه بالإحتلال بل هى قشور خارجيه

ولكن تحافظ على هويتها



مقارنة بنا وبالغرب وتقليدنا الأعمى للصور السلبيه وليس الإيجابيه

وتخلينا عن كثير من القيم والعادات لمجرد مواكبة العصر


ومبدأ الأنا الذى يحيا عليه الكثير




نرى هناك الكل يعمل ولكن منظومة العمل ليست بالمكان الروتينى


وإنما مكان العمل هو نفسه مكان اللهو



فللعمل وقته وللهو وقته هذا هو ما ينشأ الإنتماء

الذى لا نرى مثله فى بلادنا



وهذا من سوء إدارة الحياه والعمل من المؤسسات عندنا



هل نستطيع مقارنة حالنا بكل هذا

ليس هناك مجالاً للمقارنه



هناك الكل يعمل ليسمو بإقتصاده وبموطنه



وهنا الكل يعمل إن كان يعمل فقط لكى تدور الحياه وتستمر


لذلك لن نصل لهذه المعجزه


ولن نشعر بقيمة الإنتماء


ولن نصل لما وصلت إليه بلد مثل اليابان




من يتفق معى ؟؟

هناك 35 تعليقًا:

  1. السلام عليكم

    اتفق معكي هناك الكل يعمل ليسمو باقتصاد وطنه
    وهنا الكل يعمل للبطالة ويرفع شعار ما باليد حيلة
    عجبني الموضوع

    ردحذف
  2. وتقليدنا الأعمى للصور السلبيه وليس الإيجابيه للغرب

    سنظل نقلد ونحن عمي وصما ايضا في امور بلهاء ام العلم والتقدم هناك من يقلدهم ولكن قلة قليلة اتمني من الله ان ينير بصيرة شبابانا وفتايات الاسلام

    دمتي بحب وود

    ردحذف
  3. السلام عليكم
    ازيك يا حبيبتى
    وحشتينى والله معلهش أتأخرت عليكى بس غصب عنى
    ربنا يديم الود والاخوه بينا ويكرمك خير يارب وكل عام وانتى بألف خير بمناسبة المولد النبوى الشريف

    طبعآ مش لاقيه كلام بعد كلامك الجميل وتعليق اختى الحبيبه ذكرى رحيل قلم
    أويدك الرأى وأتفق معاكى
    تحياتى ليكى ياقلبى

    ردحذف
  4. طبعا عن نفسى انا مش بحسب اليابان من الكوكب الذى نعيش فيه
    بعد سماع الداعيه الاسلامى الاستاذ احمد الشقيرى فى خواطر 5 فى اليابان
    ----------
    جزاكم الله خير

    ردحذف
  5. السلام عليكم
    انا متفقة معكى
    ولاكن من اول من قام بالجماعة هم المسلمين يعنى اليابان مجبتش دة من برة دة من المسلمين
    احنا عندنا حاجات عظيمة بس مش عارفين نستخدمها صح
    جزاك الله خيرا بوست رائع

    ردحذف
  6. ذكرى رحيل قلم

    عليكم السلام ورحمة الله وبركاته
    إزيك يا حبيبتى عامله ايه؟

    رغم أنه من المفروض بلد بظروف اليابان ماكانش ده يبقى وضعها قلة إمكانيات وموارد وإستراد لمعظم الموارد لم نسمع هناك كلمة ما باليد حيله وأنا أعمل إيه وهو أنا لوحدو والبلد والظروف وكل الى بنسمعه هو صحيح كتيير بيبقى معاه حق بس نشوف هناك الى بيشتغل بيشتغل مش بس علشان يعيش بيشتغل بضمير علشان اسم بلده ومكانتها الى للاسف احنا الى بنضيع اسم بلادنا بتصرفتنا

    ربنا يتقبل منك يارب ونحاول نمشى مع الماشين ولو أن الأغلبيه الان طايرين مش مشين

    تسلمى يا قمر

    ردحذف
  7. إبتسامة ملاك

    عليكم السلام ورحمة الله وبركاته

    ربنا يخليكى يا قمر ولا يهمك المهم إنك تكونى كويسه وتنورينا على طول
    ربنا يكرمك يارب ويفرح قلبك

    ردحذف
  8. قلب فارس

    معاك حق همه صحيح من كوكب تانى
    ده إلى بنصب بيه نفسينا

    ربنا يكرمك يارب ويصلح حلنا جميعا

    ردحذف
  9. زهرة الإسلام

    يا حبيبتى الإسلام هو أصل الجماعه والثقافه والعلم بس إحنا الى إتنازلنا عن كل حاجه وبسهوله

    ربنا يصلح الاحوال

    تسلمى لى يا قمر

    ردحذف
  10. انا مؤيد طبعا
    وياريت نتحلى بروح الجماعه من تاني
    فعلا الاسلام يقوم على الجماعه

    بوست جميل جدا
    ربنا يكرمك

    ردحذف
  11. السلام عليكم ورحمة الله وبركاتة

    بارك الله فيكى

    وماشاء الله بوست اكثر من رائع وهقوللك حديث جميل للرسول الله سيدنا محمد صلى الله علية وسلم :- قَالَ : نَا عَبْدُ اللَّهِ بْنُ عُمَرَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لا يَجْمَعُ اللَّهُ أُمَّتِي عَلَى الضَّلالَةِ ، يَدُ اللَّهِ عَلَى الْجَمَاعَةِ ، اتَّبِعُوا السَّوَادَ الْأَعْظَمَ ، فَإِنَّهُ مَنْ شَذَّ شَذَّ فِي النَّارِ " .

    - شفتى بقى احنا مسلمين بس للاسف شاذين عن تعاليم دينا يعنى لو طبقنا النظرية الى فى الحديث هنبقى احسن دولة فى العالم ..

    ردحذف
  12. انااااااااااااااااااااااااااااااااااااااااااااا
    معاكى طبعا


    على فكره موضوع روعه واسلوبك فى منتهى الروعه بقيتى كاتبه بجد ياسمسمه

    بالنسبه للموضوع فمفيش ابلغ من رد طهر فؤادك

    احنا اساس كده بس احنا فيييين ودلوقتى بقينا مين

    بقينا بحب امريكا وبنعمل زيها علشان نبقى متقدمين


    تحياتى ومعلش مقصره طبعا قوى جدا خالص بس معلش اطمع ماتزعليش
    جيجي والعالم

    ردحذف
  13. كل عائلة عندنا تربى ابنائها بطريقة تفكيرها الخاص وليس لها علاقة باصلاح المجتمع

    ردحذف
  14. السلام عليكم اخبارك ايه
    عبال كده لما نشوف عيالنا وولاد بلادنا متربيين مش مهم انى طريقه المهم انهم يتربوا على الاخلاق والفضيله

    ردحذف
  15. كل اللى احنا فيه بسبب التقليد الاعمى
    بنعمل الحاجة ومش عارفين احنا بنعملها ليه
    ربنا يصلح الحال
    تحياتى ..

    ردحذف
  16. انا معاكى فى كل كلمة قلتيها
    و الأسوأ إنه ما بقاش خلاص فيه حل
    ربنا يسترها
    تحياتى
    و سلمت يداك بجد

    ردحذف
  17. فراشه

    إزيك يا قمر عامله إيه
    أكيد لو رجعلنا لقول المولى عز وجل وسنة المصطفى صلى الله عليه وسلم إلى حسنا على الجماعه أكيد حالنا حيتغير وترجع العزه من تلنى بعد ما وصلنا لدرجه إهانتنا وضياع حقوقنا وكمان مقدستنا

    ربنا يوحد أمة الإسلام اللهم أمين
    شرفتينى يا حبيبتى وسعيده بمرورك

    ردحذف
  18. طهر فؤادك

    عليكم السلام ورحمة الله وبركاته

    بصراحه ما فيش حاجه تتقال بعد إستشهاد حضرتك بحديث رسول الله صلى الله عليه وسلم

    للأسف بقينا مسلمين بالديانه فى البطاقه وبس مش بالافعال والاقوال

    ربنا يوحد قلوبنا على الطاعه ويجمعنا لتوحيد كلمة الاسلام ونصرة دينه اللهم أمين

    ردحذف
  19. جيجى

    وحشانى والله أنا عمرى ما أزعل منك طبعا وأنت عارفه
    ربنا يخليكى مش للدرجه دى يعنى
    كاتبة إيه بس ؟؟

    فعلا بقت حاجه تغيظ فعلا علشان تبقى مودرن ومواكبه لازم تقلدى تقليد أعمى من غير ما تقيمى ده بالنسبه لكونك مسلمه ولا لا وللأسف ضيعنا كل القيم إلى إتعلمها منا العالم وفى النهايه بقينا إحنا أخر العالم
    ربنا يسترها على إلى جى

    ردحذف
  20. موناليزا

    فعلا وده بقى أخطر حاجه إن الأباء ما بقوش يفكروا إنهم مسؤلين عن تخريج أجيال جديده المفروض أولا أنها مسلمه وعربيه تعيش على مبدأ الجماعه وتوحيد الكلمه وبناء مجتمع مسلم متحضر يسمو ببلده للأسف بقت كل الأحلام مدارس لغات وتقليد للغرب دى أقصى أمنيات الاباء

    ردحذف
  21. صدفه جميله

    الحمد لله تمام يارب تكون بخير وحمد الله على السلامه

    إن شاء الله ربنا يكرمك إن شاء الله وتربيهم على الأخلاق والقيم إلى أكيد علمهالنا دينا ورسولنا صلى الله عليه وسلم لتخرج للمجتمع أما صالحه وأباً صالح

    ردحذف
  22. well

    أكيد وللأسف فى زياده وإلى بيحاول ما يقلدش بيتقال عليه رجعى وبيئه كلمة كل الشباب دلوقتى
    عمرنا ما بنقيم أى حاجه بالدين وكونا مسلمين

    ربنا يصلح أحوالنا اللهم أمين

    ردحذف
  23. الشاعر الفنان أحمد فتحى فؤاد

    لا إن شاء الله يكون فى حل وحتى لو مقدرناش نحلها يكفى إننا حاولنا ولو طلعنا بس بينا ده كفايه

    ربنا يكرم حضرتك يارب

    ردحذف
  24. طهر فؤادك

    إن شاء الله مع حضرتك وربنا يجرى الحكمه على لسانك وينفع بيك اللهم أمين

    ردحذف
  25. والله معاكى حق
    للاسف المسئولين هنا بيعملوا هنا لهدم كل شئ كويس
    وزيادة البطالة

    ردحذف
  26. جزاكم الله خيرا على الموضوع المهم ده
    انا طبعا متفق على ان روح الجماعه لازم نزودها فى المجتمع
    والاسلام برضه بيحثنا على التعاون على البروالتقوى
    ويد الله مع الجماعه

    ولازم يحس كل واحد مننا اننا كلنا اسره واحده يعنى البلد دي كلها بتاعتنا كلنا
    مش يقول انا مالى
    او ان دي ملك الحكومه
    لا البلد دي بتاعتنا
    واى حاجه عامه سواء اتوبيس او مترو او ميدان وحديقه عامه
    دي كلها ملكنا

    ودى من اسس الانتماء للبلد اننا نخاف عليها
    هى البلاد اللى بره اتقدمت من قليل
    رغم ان احنا عندنا بذور واسس التقدم
    ربنا يصلح الاحوال
    ربنا يكرمك ويوفقك

    ردحذف
  27. السلام عليكم

    فعلاً احنا ينقصنا العمل بروح الفريق
    ويجب أن نتعلم نقول (إحنا)
    بدلاً من (أنا)
    إللى مخليانا (خطوه تنظيم محلك سر)
    وسلمت يداكِ

    ودمتِ بخير حال

    ردحذف
  28. نهر الحب

    فعلا مشين عكس الطبيعه المفروض إننا بنبنى ونعمر بشر تعمل حضاره ووطن لكن للأسف فى كتير يهمهم نفضل فى هدم وما نعلاش أبدا
    وللأسف كمان إحنا الى بنساعد مش بنرفض ونقول لا لا بننساق ورا اى جديد مغمضين ومنساقين

    ربنا يصلح الاحوال
    شرفتينى ياقمر

    ردحذف
  29. م/محمود فوزى

    للأسف أنا مالى بقت هى العادى دلوقتى حتى فى وقت المصيبه أو حتى لو حد بيستنجد بحد وإلى يبقى غير كده هو فعلا إلى بقى شاذ دلوقتى لذلك كلنا مسؤلين عن المرحله إلى وصلنا لها وكلنا مسؤلين مش بس الحكومه عن ضياع بلدنا

    كفانا بقى الأنا
    وأنا ومن بعدى الطوفان

    ربنا يصلح الأحوال ونرجع تانى منبع الحضاره والدين والعلم والتقدم

    شكرا لمرور حضرتك الكريم

    ردحذف
  30. واحد من العمال

    للأسف كمان ما بقناش بس محلك سر

    لا بقينا كمان بنرجع لورا
    ودى الكارثه الكل بيتقدم ويطلع لقدام وإحنا بنرجع ونتأخر وبس بنستهلك وبنتفرج وبنتفرق

    يارب نفوق

    شكرا يا فندم على مرورك

    ردحذف
  31. طبعاً مؤيدة ليكى

    بست جميل جداً

    و إن كنتى شاهدتى برنامج خواطر للداعية أحمد الشقيرى

    بيبين أذاى اليابان بيعلموا أولدهم التعاون و
    الأبتكار
    تحياتى

    ردحذف
  32. طبعاً معاكى البوست روووووعة بجد

    ولو كنتى سمعتى برنامج خواطر لأحمد الشقيرى

    بيبين أذاي اليابان بيعلموا أولدهم التعاون و

    و الأعتمداد على أنفسهم

    تحياتى

    ردحذف
  33. طبعااااا معاكي !!

    هو هذا واقعنا كماصورت انتي

    هنا الكل بيعمل عشان نفسه وبس

    هناك في اقتصاد .. في هم الوطن .. وفي روح الجماعه

    تدوينة جميلة وفي الصميم ...

    تحية يا عسل ^_*

    ردحذف
  34. سلسبيل

    نورتينى يا قمر
    للأسف ما اتفرجتش عليه بس سمعت عنه إنه رائع جدا

    ربنا يصلح احوالنا ونتعلم مش بس نتفرج وننبهر بيهم دون التغير

    ردحذف
  35. الغاردينيا

    حمد الله على السلامه بعد طول غياب

    فعلا مركزية الجميع هى الأنا دون الإهتمام لا بأحوال وطن ولا مجتمع ولا اقتصاد وللأسف ده سبب الحاله الى وصلنا لها دلوقتى

    نورتينى يا قمر

    ردحذف

إتفضلوا هنا لو كلامى عجبكواأو حبين تقولوا لى حاجه