الأحد، 14 فبراير، 2010

سر تنفيذها والشعور بيها حقاً!!


بتحلم بيها ؟؟

فى زمن ضاعت فيه وأصبحت من النوادر !


طب هما زمان إزاى كانوا على طول حاسين بيها ؟

رغم قساوة ما رأوا

مقارنه بما نحن عليه الأن ومع هذا لا نجدها

ونبحث عنها وتألف عنها الكتب ويتحدث عنها العلماء والمفكرين


***السعاده***



لن أتكلم عن سبل تحقيق السعاده


والخطوات التى يعرفها الكثييييييييييير


ولكن أتسائل لماذا لم نعد نشعر بها ؟

ونحتاج لمن يعلمنا دائما كيف نجدها

وإن وجدنا من يعلمنا لا يغير كثيراً من حالنا نجده فقط يهون علينا ويشحن طاقه مؤقته


وحينها قد لا تمس القلب


وقد لا نستمع له من شدة ما مر على القلب من محن


ولكن فلنحاول أن نجدها فى الرضا عن الله

وعن قضائه


حال الأنبياء والصحابه والسلف الصالح والربانين حولنا


فأمر المسلم كله خير

كما قال حبيبى ونبيى وشفيعى صلى الله عليه وسلم


عجبا لأمر المؤمن إن أمره كله خير ،
وليس ذاك لأحد إلا للمؤمن ؛
إن أصابته سرّاء شكر ؛ فكان خيراً له ،
وإن أصابته ضرّاء صبر ؛ فكان خيراً له . رواه مسلم





وعند الإمام أحمد عن صهيب رضي الله عنه قال :

بينما رسول الله صلى الله عليه وسلم قاعد مع أصحابه إذ ضحك ،

فقال : ألا تسألوني مم


أضحك ؟ قالوا : يا رسول الله ومم تضحك ؟

قال : عجبت لأمر المؤمن إن أمره كله خير ؛

إن أصابه ما يحب حمد الله ، وكان له خير ، وإن


أصابه ما يكره فَصَبَر كان له خير ، وليس كل أحد أمره كله له خير إلا المؤمن .



لنرى :

أحد السلف كان أقرع الرأس ، أبرص البدن

أعمى العينين ، مشلول القدمين واليدين ،

وكان يقول : "الحمد لله الذي عافاني مما ابتلى به كثيراً ممن خلق وفضلني تفضيلاً "


فَمَرّ بِهِ رجل فقال له : مِمَّ عافاك ؟ أعمى وأبرص وأقرع ومشلول .

فَمِمَّ عافاك ؟

فقال : ويحك يا رجل ! جَعَلَ لي لساناً ذاكراً ،

وقلباً شاكراً ، وبَدَناً على البلاء صابراً !
.

فالسعاده كما قال إبن مسعود رضى الله عنها


عنوان السعادة في ثلاث :

• مَن إذا أُعطي شكر

• وإذا ابتُلي صبر


• وإذا أذنب استغفر




وحق التقوى في ثلاث :


• أن يُطاع فلا يُعصى

• وأن يُذكر فلا يُنسى


• وأن يُشكر فلا يُكفر ..




فالمؤمن يعلم يقيناً أن لا دخل له فى ماقدره المولى عز وجل


فيتقبل البلاء ويرضى به كما يتقبل النعماء ويفرح بها




فهذا هو السبيل الوحيد إلى سعاده تغمر القلب وتترجم إلى الجوارح



أعلم أن الوصول لمنزلة الرضا والشكر على البلاء ليست بسهله


ولكن ليعين كل منا الأخر على هذا



أعين أهلى

أعين صديقى

أعين قريبى

وكل من يمكنن إعانته

لأجد من يعيننى على نفسى



فلنجعلها بدايه جديده

ولا تنتظر أن يشكو إليك أحد بل بادر أنت بعونه على الطاعه والرضا


لعل السعاده تغمر قلوباً إفترقا فى منتصف الطريق





فلنجعلها بدايه من هنا
.........





موضوع نشرته ولم يأخذ حقه فى وسط الإحتفالات ولم أعرف كيف أعيد نشره

هناك 36 تعليقًا:

  1. الحمد لله رب العالمين
    على كل شىء
    والسعادة دى نعمة
    انا شايف ان السعادة فى الرضا
    وكويس انا تقريبا اول تعليق كمان
    بقالنا فترة ماتقبلناش لا فى مدونتك ولا مدونتى
    مع ان احنا بلديات
    عوما يارب تكونى بخير

    ردحذف
  2. موضوع جميل جداً ومناسب
    ربنا يبارك فيكي ويزيدك من هداه ورحمته .
    جزيتي خيراً كثيراً
    محمد البنا
    طريق النجاح

    ردحذف
  3. موضوع اكثر من رائع

    جزاك الله خير

    وربنا يهدى الجميع ويسعدهم

    مع خالص تحياتى

    ردحذف
  4. عاجبنى اوى الامثاله و الشواهد دىلكن الاجمل فى البوست دا انك دورتى على حاجه كانك بتدورى علينا ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

    ردحذف
  5. إلى موش عارف يتغير

    نورت مرايتى ويارب دايما
    معلشى عندى مشكله فى جهازى مأخرانى عن المدونه والمدونات الحلوه إلى متبعينى بس ربنا يسهل وتتحل

    السعاده
    أكيد نعمه ربنا إختص بيها ناس معينه بس يمكن نكون بندور عليها كتير أحيانا بتبقى قدامنا ومش شيفنها أوحتى مش شايفين الحكمه إيه؟

    بس بجد فعلا مع ان تحقيقها صعب بس الغايه المطلوب الوصول اليها تستحق

    وربنا يرزقنا جميعا قلوب راضيه مرضيه سعيده بقضاء الله وقدره

    ردحذف
  6. mohammed elbanna

    جزاك الله خيرا ربنا يكرمك يارب
    على فكره يمكن أكون أول المحتاجين لأى حاجه بكتبها
    فبحس إنى لازم أقول لغيرى يمكن نقدر نوصل بكلمه بتصرف ممكن حد يتبعه بعون يمكن يتم بسبب كلمه قلتها وربنا ينفع بالجميع

    شكرا لدعواتك وربنا يتقبل ولك مثله ان شاء الله

    ردحذف
  7. Tamer Nabil

    اللهم أمين
    شرفنى مرورك الكريم

    ردحذف
  8. كلامك جميل جدا
    والاجمل اسلوبك هادىء
    ربنا يرضينا دايما
    الرضا نعمة كبيرة جدا
    ربنا لا يحرمنا منها

    ردحذف
  9. السعادة ... أولا و أخيرا رزق من الله سبحانه و تعالى
    فقط نحن نلتمس الأسباب التى تقربنا من السعاده قدر الإمكان
    و منها ما تفضلتى و ذكرتيه
    دمتى بخر
    و جزاكى الله كل خير

    ردحذف
  10. السلام عليكم كلام جميل واسلوب اكثر من رائع وربنا يسعد الشعوب الاسلامية جميعها

    ردحذف
  11. ان ترضى الله وان تكون راضى وجهان لعملة واحدة وهى عملة السعادة

    تحياتى

    ردحذف
  12. السلام عليكم
    بوست رائع للغاية
    وفعلا اختى حاليا لو ندور على السعادة هنلاقيها نادرة فى هذا الزمنولاكن لا أعرف لمازا
    ممكن ظروف سياسية واقتصادية

    ردحذف
  13. amir elhob

    اللهم أمين وليك يارب وكل المسلمين
    أكيد الكل بيدور عليه فى زمان بقت نادره فيه جدا ربنا يرزقنا واياكطم السعاده اللهم أمين

    نورتنى

    ردحذف
  14. حفيدة عرابى

    شرفنى مرورك الكريم
    ربنا يرزقنا جميعا الرضا ويراضينا بقضائه
    ربنا يكرمك يا قمر ويفرح قلبك

    ردحذف
  15. الشاعر الفنان أحمد فتحى فؤاد

    فعلا مع حضرتك حق ويرزق من يشاء بغير حساب
    ألتمسها وادعو الجميع علها تدخل قلوبنا ونتذوق حلاوتها مع مرارة هذه الأيام

    ربنا يكرمك ويرفع قدرك يارب ويرزقنا جميعا حلاوة إيمان فى قلوبنا تسعد هذه القلوب

    ردحذف
  16. كريم مصطفى السيد

    عليكم السلام ورحمة الله وبركاته
    اللهم أمين ويقر أعينا بنصر الاسلام والمسلمين
    ربنا يرزقنا جميعا سعاده تغمر قلوبنا

    شرفتنى

    ردحذف
  17. well

    فرحت بجد لما قريت إن أمنيه من أمنياتك اتحققت وما اغلاها من امنيه ربنا يكرمك يارب ما عرفتش اعلق عندك قلت اهنيك هنا ربنا يثبتك على الطاعه ويرزقك استغفار الملائكه ويجعلك من أطول الناس أعناقا يوم القيامه

    ربنا يراضينا جميعا بقضاء ويسعد المسلمين

    ردحذف
  18. زهرة الإسلام

    عليكم السلام ورحمة الله وبركاته

    ياه الأسباب كتيره والمتسببين أكتر
    ربنا يسعدك ويسعدنا والمسلمين

    تسلمى يا قمر

    ردحذف
  19. السلام عليكم

    ازيك عاملة ايه ربنا يكرمك يا رب
    متعرفيش قد ايه كنت محتاجة اقرأمثل هذة الكلمات العطرة

    عنوان السعادة في ثلاث مَن إذا أُعطي شكروإذا ابتُلي صبروإذا أذنب استغفر

    وغيرها منشودة في موضوعك الجميل
    جزاكي الله خير

    وجعل كلماتك بلسم ونسائم لكثير من القلوب الحائرة
    تحياتي

    ردحذف
  20. نحن في حاجه الي كل راي حكيم في مشاكل اصدقاء مدونة "دقات قلب فوق الخمسين"

    ردحذف
  21. مرايتي .... وحشتينى

    اولا بجد بحييكي ع البوست
    كلنا بندور ع السعاده وهي قصاد عينينا وساعات بنتوه عنها
    بس بنحتاج حد يفكرنا بيها

    شكرا لتذكيرك لنا السعاده الحقيقيه

    ردحذف
  22. السلام عليكم

    بجد الموضوع تحفه وتسلم ايديكي وجزاكي الله خيرا
    اهم حاجه عشان تحس بالسعاده هي الرضا بالنفس ودي مبتجيش غير بالقرب من ربنا

    واي حاجه تقابلنا نعرف انها ابتلاء

    في نصيحه حد بعزه قالهالي افرح بكل حاجه حلوه تقابلك مهما كانت بسيطه واستمتعي بيها فياريت كلنا نعمل كده
    دومتي بخير

    ردحذف
  23. اختى الغالية : مرايتى
    نرفع لك القبعة كما عهدناكى دائما متميزة موضوع بجد جميل جدا و اللهم ارزقنا السعادة ف الدنيا و الاخرة

    ردحذف
  24. السعادة ليست مستحيلة لمن يريدها حقا

    ردحذف
  25. السلام عليكم ورحمة الله وبركاتة

    ماشاء الله ماشاء الله

    بارك الله فيكى
    جميل موضوعك قوى وبتنتعلم منك والله ربنا يكرمك على اسلوبك وان شاء الله فى ميزان حسناتك

    - انا مش مقصر والله فى التعليق على مواضيعك الجميلة بس كان فية مشكلة فى صفحة التعليقات كل مادخلها معرفش اعلق بس الحمد الله لما اتحلت علقت على طول وكمان اتيحت لية الفرصة لاعبرللك على سعادتى بمواضيعك الجميلة

    ردحذف
  26. تدوينه رائعه

    وطرح مميز

    جزيت خيرا على الانتقاء

    ردحذف
  27. ذكرى رحيل قلم

    عليكم السلام ورحمة الله وبركاته
    الحمد لله يارب أنت تكونى بخير وربنا يسعدك وبالخير يرزقك اللهم أمين

    وهو فعلا ده الى عاوزه اوصله اننا فى لحظات كتير بنبقى بس حد يدلينا على الطريق وياخد بادينا فى وقت بيبقى صعب اننا نتذكر فيه مثلا يعنى نعين بعض يمكن النهارده انت كنت محتاجه تقرى او تسمعى حاجه زى دى ممكن انا بكره الى احتاج وبعده غيرنا

    ربنا يكرمك يا حبيبتى يارب

    ردحذف
  28. قيس ابن الملوح

    شكرا للمرور وان شاء الله نرد الزياره

    ردحذف
  29. فراشه

    ازيك يا منون وانت والله وحشتينا والمدونه بقى لى كتير ما دخلتش وكل حاجه وحشتنى

    يارب ناخد بايد بعض فى ازماتنا يمكن نحس مع غيرنا بطعم السعاده الى بقت نادره

    تسلمى يا قمرايه انك فكرانى

    ردحذف
  30. القمر الباكى

    شرفنى مرورك الكريم
    شكرا لكلامك وربنا يرزقنا واياكم القرب منه وحسن طاعته

    وجميله جدا النصيحه الى اتنصحت بيها
    "في نصيحه حد بعزه قالهالي افرح بكل حاجه حلوه تقابلك مهما كانت بسيطه واستمتعي بيها فياريت كلنا نعمل كده"

    بجد ربنا يكرم الناصح وناقل النصيحه
    فعلا ساعتها اكيد حنفرح

    ردحذف
  31. أحمد بسام

    ربنا يكرمك يارب وشكرا لكلامك ربنا يرزقنا جميعا السعاده والطاعه والرضا

    ردحذف
  32. موناليزا

    يمكن ماتتكونش مستحيله بس الوصول ليها أكيد مش سهل
    رزقنى الله واياكى الطاعه والرضا بالقضاء وغمر القلب بالسعاده

    ردحذف
  33. طهر فؤادك

    جزاك الله خيرا
    ماتقولش كده دا حضرتك ماشاء الله عليك ربنا يكرمك يارب ويرفع قدرك وشكرا لتشجيعك ويشرفنى مرور حضرتك الكريم على كلماتى البسيطه

    ردحذف
  34. أقصوصه

    شكرا لمرورك الكريم
    ربنا يفرح قلبك

    ردحذف
  35. السلام عليكم ورحمة الله وبركاته
    حياكى الله وبياكى أختى الكريمة
    على فكرة حاولت أعلق قبل كدة بس كان فيه مشكلة
    عجبنى جدا طرح حضرتك فى الموضوع دا ومفيش كلام يتقال بعد كدة
    وفقكى الله لما يحب ويرضى

    ردحذف
  36. عليكم السلام ورحمة الله وبركاته

    جزاك الله خيرا وربنا يتقبل من حضرتك يارب
    وشرفنى مرور حضرتك الكريم

    ردحذف

إتفضلوا هنا لو كلامى عجبكواأو حبين تقولوا لى حاجه