السبت، 25 أبريل 2009

وجع القلب

بجدمش عارفه ليه الايام دى حاسه بوجع القلب

أنا عارفه إنى كتير بحس بوجع القلب بس الأيام دى مقلب على كل المواجع
بس معلومه : وجع القلب الى حاسه بيه مش وجع مادى أى مرضى
ولكنه وجع من نوع تانى وجع نفسى ومعنوى مش جسدى
تعرفوا يعنى إيه قلبك يوجعك
أأأأأأأأأأأأأه من وجع القلب

لما تعدى مع نسك وتفتكرى شخص عزيز فرقتكوا الأيام وما بقاش موجود فى حياتك
وهوه أو هى إلى كانت زمان معاكى بتفرح لفرحك وتزعل لزعلك جسدين بروح واحده
ساعتها تحسي إن روحك راحت منك
وساعتها حتحسى بوجع القلب

لما تعدى مع نفسك وتفتكرى لمة البيت الحلوه وقعدتك تحب عباية بابا فى الشتامن ناحيه
واخوىمن الناحيه التانيه ويحكى حكياته زمان وإحنا نسمع وننسى البرد بقسوته طول ما فى
أمان
بس كل ده عدى وراح وللاسف مش راجع تانى
ساعتها حتحسى بوجع القلب

لما تعدى مع نفسك وتفتكرى حب مر عليكى فى حياتك بس للأسف راح منك غصب عنك
هوه أصلا فى الأول دخل غصب عنك بس لما راح منك زعلتى عليه
لما تعدى مع نفسك وتفتكرى إلى حصل وتخرج منك تنهيده وأه غصب عنك تهز كل كيانك بدون قصد منك
ساعتها حتحسى بوجع القلب

يااااااااااااااااااااااااااااااااااااااااااااااااااااااااااااااااه حاجات كتيره تحسى معاها بوجع القلب
مش عارفه أجمع مواقف دلوقتى بس فعلا فى مواقف كتيره جدا بحس معاها بوجع القلب
وما أصعبه من إحساس
ما حدش بيحس فعلا بوجع القلب الحقيقى غيرإلى مر بيه
سواء من إنسان أو ممكن حتى من نفسى أو من ظروف
بس ياريت منكونش بعد كده سبب لوجع القلب لأى إنسان من النهارده
لأن ده فعلا سبب كبير لوجع القلب لى شخصيا
إنى أكون سبب فى وجع قلب بنى أدم خصوصا لو كان بيحبنى حتى لو من غير قصد

أسأل الله العظيم أن ينزل السكينه على قلبى وعلى كل قلب موجوع

هناك تعليقان (2):

  1. كلامك فعلا بيوجع القلب وبما إن البوست اللى علقتى عندى فيه اسمه قلبى وجعنى
    فاحنا كده متفقين
    كلامك عندك حق فيه
    تحياتى لك
    واتمنى تكونى من زوارى دوما
    شيمو القمر

    ردحذف
  2. ميرسى يا شيمو على زيارتك الجميله دى واتمنى انها تتكرر
    ونتكلم فى حاجات بقى تنسى وجع القلب
    وان شاء الله ازور كلماتك الرقيقه دوما

    ردحذف

إتفضلوا هنا لو كلامى عجبكواأو حبين تقولوا لى حاجه