الأحد، 27 فبراير 2011

إلى إيده تعلى على سيده ... تتقطع له إيده

لحد النهارده ما كنتش بتكلم ولا بكتب فى سلبيات كتير من إلى حاصله

لآنى شايفه خلاص مش وقت العتاب والحساب

نخلى الحساب والعقاب للمسئولين عنه

لأننا فى وقت لازم نشتغل فيه أكتر ما نتكلم ونقلب فى الدفاتر

وإستوقفنى حاجه مهمه قوى

إستفزنى كلام مدير أمن البحيره لرجالته إلى كل الدنيا شافته

إحنا إسيادهم

وإلى إيده تتمد على سيده نضربه بالجزمه وتتقطع له إيده

همه إلى كانوا بيصروخوا وبيبوسوا إدينا نرجع

ليه

هو لسه ما فهمش الدرس ؟

هو مين قاله إننا طلبنا حتى منهم مساعده بيتهيألى إلى حصل فى مصر فترة الثوره مش محتاج يتقال


همه ليه مصرين يوسعوا الفجوه بينا وبينهم

بصرف النظر إنهم أقالوه ده كان بيفهم الكلام ده لرجالته إلى همه موجودين لسه


وكملوا جملته ...... نقطع له إيده

هما ليه مصرين نرجع للصفر تانى

فينهم دول والبلطجيه ماشين فى الشوارع بينهبوا ويخربوا


فينهم دول وتجار المخدرات إلى كانوا بيداروا وهمه بيبيعوها دلوقتى فى وسط الشواره بيجهروا بيها


فينهم وفينهم .....

كلام وزير الداخليه الشرطه مش حتستعيد كامل طاقتها غير بعد 4 سنين

إحنا حنفضل فى المهزله والتسيب ده 4 سنين

ما بنكرش إن فى منهم ناس كويسه

بس ياترى كام ؟

وياترى لسه موجودين ؟

هناك 13 تعليقًا:

  1. بصى عارفه ايه تحليلى ايه للكلام ده

    انه واحد عايز يبيض ماء وجهه وانه كلامه شبيه برقصه المذبوح وانه واحد حاسس بالذل والانكسار من جواه انا عن نفسى لم أعر انتباهى لكلامه وأديه أخد جزاته عشان يزيد ذله وانكساره لعل الباقى يعتبر مع انى مظنش

    تحياتى لكى

    ردحذف
  2. فعلا معاكى حق
    وكل كلامك مظبوط 100%

    وأحلى تعبير زى الطير المذبوح

    بس إلى إستوقفنى إنه لدلوقتى لسه بيوجه رجالته بنفس الأسلوب والطريقه هو فى 60 داهيه حيمشى ويجى غيره بس الأفكار إلى إنطبعت فى عقول الصغيرين إلى تحت قيادة الكبار مش بسهوله تتغير وخصوصا انهم حاسين انها كده مدياهم مكانه

    يارب الكل يعتبر من الموقف وإلى بيتخيل ان الى بيعمله ما بيوصلش يخاف

    نورتى مرايتى

    ردحذف
  3. للاسف يا حبيبتى االلى مش كويس عكس على الكويس من بعد الثورة وانا ما بقتش عارفه فين الصح من الغلط
    وياترى الحال هيتصلح امته
    تسأؤلات كتير بتدور بذهنى

    ؟؟؟؟؟؟؟؟؟؟؟؟؟؟؟؟

    تحياتى
    ايناس

    ردحذف
  4. عشاااااااااااااااان كده احنا بنقول الداخلية محتاجة اعادة هيكلة من اول وجديبد

    ردحذف
  5. نبغ الغرام

    فعلا يا إيناس لأن الوحش كتير وظاهر دارى على ناس كويسه موجوده كتير
    إنما بالنسبه لتسؤلاتك كلنا عندنا زيها وأكتر ويبقى غدا مجهول كالعاده بس أكيد الى حصل رسم له ولو ملامح بسيطه من صورتها إن شاء الله تكون إلى بنأمل فيها

    نورتينى ياقمر

    ردحذف
  6. حلم بيعافر

    إعادة هيكله
    سياسه وفكر وأسلوب ونظام مش نقطه على حساب ثوابت فى عقولهم

    نورت مرايتى

    ردحذف
  7. الله يصلح حالنا وحال المسلمين

    ردحذف
  8. اختي العزيزة ..
    ربنا يحمي مصر ويحفظها يارب ويصلح حال البلد ، ويتم عليكم نعمته بالتحرر الكامل من ذيول النظام السابق ، وترجع مصر حرة أبية ..
    تقبلي مروري وتحيتي.

    ردحذف
  9. أقصوصه

    اللهم أمين
    تقبل الله منا ومنك يا حبيبتى

    ردحذف
  10. وجع البنفسج

    اللهم أمين
    ربنا يتقبل منك يارب

    وإن شاء الله ترجع مصر عروسه من تانى
    نورت مرايتى

    ردحذف
  11. مرحبا بالقلب الدافئ

    يالفعل هذه هي حقيقه ياسمسم

    حتى هنا باليمن ناس يظنوا ان الرئيس بيروح من هنا

    الخير بكره بيحل من هنا وهذا مش صح بنظل سنين برضه

    بعد نظام مايروح نعاني ! لك ارق تحيات

    ردحذف

إتفضلوا هنا لو كلامى عجبكواأو حبين تقولوا لى حاجه