الأحد، 10 أكتوبر 2010

ملكة وملك جمال الشعب



دخلنا فى موسم الصراع والكلام الحلو إلى بقى له مواسم

موسم الإنتخابات إلى لازم يبدأ قبليها بسنه أو يمكن أكتر

والله أعلم بيستعدوا له من إمته


زيارات لمستشفيات .. توزيع فلوس وأكل على الغلابه

وناس بتظهر كده فى المناسبات الخاصه بس بتاعتهم مش بتاعت الناس

مندوب لمرشح جارنا فى رمضان كان قالب الشارع

بيوزع مواد تموينيه وأمم عمرى ما شوفتهم فى حياتى وما أعرفش الناس دى جت منين

أهو خالى الغلابه تاكل فى الغلا إلى إحنا فيه

المهم الحفله إلى بعد التوزيع والهيصه إلى إتعملت للمرشح

يعمر بيت أبوه

بجانب الزغاريد الرنانه من أفواه غلبانه

وهو أصلا مش عارف إن الناس دى لا حتنتخبه ولا أصلا تعرف يعنى إيه إنتخابات

المهم

الحاجه المستفزه بقى جداً

كم الإعلانات إلى ماليه الشوارع ومتعلقه على كل البيوت

كأنه عرض لإختيار ملكة جمال وملك جمال الشعب

لا وصور بقى إيه !

ستات ورجاله بصراحه ما حدش مقصر أحلى صور وأحلى مصورين

وكم الستات المترشحه وصورها إلى بالطول والعرض وبطول البيت والحيط

هى مسابقه للجمال بالصور ولا إيه النظام !

مين الناس دى ؟

مين الألاف دول إلى كل يوم بيتعلق صور ليهم أكتر من إلى قبليهم

أنا رأى نختار المرشح صاحب أجمل بوستر

ما إحنا ما نعرفش الناس دى وإلى نعرفهم بيدخلوا كل دوره ويسقطوا

يا إما إلى بينجح ما بنشوفوش غير الدوره إلى بعديها

والهيصه والبروباجندا إلى بيعملها طبعا

نغير بقى

يبقى نختار بأحلى بوستر

مهم كده كده بيروحوا يناموا تحت القبه يعنى مش فارقه كتير


وعمار يا مجلس الشعب





هناك 27 تعليقًا:

  1. جميله رؤيتك السياسيه يامرايتي
    بالتوفيق
    محمد البنا
    طريق النجاح

    ردحذف
  2. السلام عليكم ورحمة الله وبركاتة

    ربنا يكرمك على البوست الجميل دة

    وياريت كل واحد يكون عندة امانة فى صوتة ومينخدعش فى المظاهر الكدابة ... وربنا يكرمنا بحاكم صالح وبطانة صالحة اللهم امين والمسلمين

    ردحذف
  3. فكرتيني بالمرشحة بتاع الوطني صورتها ناقصة يكبتوا جنبها الموديل فلانية

    ربنا يهدي الجميع ..
    قادر يا كريم

    وكل دا عشان كل واحد ياخد حتة من الكحكحة .

    ردحذف
  4. MOHAMMED ELBANNA

    رؤية؟
    أنا بلا رؤيه
    بجد حاجه منرفزانى جداااا
    سباق الصور إلى شغال عندنا فى المنصوره بوسترات لستات بجد والله عرض صور بطريقه مستفزه
    هى دى بقت إنتخابات مجلس الشعب ؟
    وكل دى ناس مترشحه؟

    يبقى عندى حق ولا لا

    نورت مرايتى

    ردحذف
  5. طهر فؤادك

    عليكم السلام ورحمة الله وبركاته

    ياريت والله ساعتها إحنا إلى حنرتاح لأن الدنيا حيتظبط حالها بإختياراتنا الصح
    ربنا يتقبل يارب ويرزقنا الحكام الصالحين إلى يتقوا الله فى الرعيه الغلابه

    نورت مرايتى

    ردحذف
  6. MR. PRESIDENT

    تقريبا كل مرشحى الحزب الوطنى كده مهم أصحاب الكحكه

    ربنا يهدينا يارب وحتى لو نجحوا يارب يكونوا منصفين للناس إلى إديتهم أصواتهم ويصلحوا من حال البلد يارب

    ردحذف
  7. بسم الله الرحمن الرحيم
    الاجابه تونس
    انا النهاردة لسه بكلم نفسى فى الموضوع دا
    فى الزقازيق وانا بمشى كدا ايه كمية الستات اللى متعلق صورها
    واللى استفذنى
    صورة لواحده عقيد فكاتبين الشريفه عقيد الشرطه مش عارف مين
    يعنى خلاص كلمة الشريفه دى هى اللى هتخلينى انتخبها بش الصراحه حى حاطه حته صورة :):) هههههه
    ولا رجل الامانة مش عارف مين
    ياستى هوجة وبتعدى
    والله المستعان على الشعب اللى بيجرى على لقمة عيشه :)
    بينتخب اللى يرميله لقمه لكن لما يروح ياخدها بيلاقيها ناشفه وبيرجع يندم انه وطى وجابها
    بحيييكى على البوست الجميل دا ياقمر انتى

    ردحذف
  8. همسات وبحـ الحياه ـر

    مهى فعلا حاجه مستفذه جدا
    وحلوه الشريفه العقيده دى جديده دى
    أهى طرق فى الدعايا لجذب الناس ولفت الإنتباه وخلاص
    الناس الغلابه إلى زى ما قلتى ياعينى عينيها بتجرى ورا لقمة العيش إلى بقت أغلى حاجه دلوقتى وأصعب حاجه كمان

    ربنا يسترها على الشعب الغلبان إلى بيجرى ورا أى أمل وبيمسك فى أى قشايه طمعان تاخد بإيده

    نورتى مرايتى ياقمر

    ردحذف
  9. يا مرايتى احنا داخلين على 2011 يعنى المرشحين دلوقتى اتقدموا وفيها اى لما يعملوا بوسترات ويجوا والقفين بالطول والعرض يعنى هو تامر حسنى احسن منهم محدش احسن من حد وكله بيمشى بالفلوس .. ومتسأليش الفلوس دى جاية منين علشان السؤال ده اتمنع (الدستور هو اللى بيقول كدة )
    بس والله انا سمعتها من واحدة ( دى فلوس الشعب ورجعت للشعب ) يعنى اللى يوزع فلوس يوزع ..خلى الغلابة تاكل ..
    وبعدين انا مش ممكن انتخب حد بيوزع فلوس لكن لو وزع اوطة (ممكن افكر )
    تحياتى

    ردحذف
  10. الذي يحدث يا مرايتي إنهم يتزاحمون على تحمل الأمانه وفاكرين المسألة تشريف وهي تكليف ,ينسون أو يتناسون أنهم سيُسألون عنها وسيتذكرون ذلك عندما يدركون أنهم ظلموا أنفسهم ولم يوفوا بوعودهم التي قطعوها على أنفسهم للناس التي صدقت تلك الوعود ....الله المستعان فعلاُ يا مرايتي عكستي صورتهم بالضبط ,سلمت غاليتي .

    ردحذف
  11. أنا برضه لفت نظرى كمية البوسترات باختلاف احجامها
    وخسارة بجد الفلوس اللى بتتصرف على شوية صور مسيرها تتقطع وتترمى

    ردحذف
  12. من وجهة نظرى المتواضعه
    انا بعتبر سبب وجود البوسترات هو هجوم صحف المعارضه على اليفط بتاعت زمان اللى هى كانت بقماش
    وكان رد المعارضه هو لو اعطى كل مرشح القماش اللى بتعلق كيفط للغلابه
    وذلك يثبت المثل القائل
    وجع البطن ولا رمى الاكل

    بجد ملحوظه جميله منك يا مرايتى
    دومتى بالف خير وسعاده

    ردحذف
  13. well

    خلاص مش حنعترض ولا نكدب الدستور ولا نكدب حد
    إلى معاه قرش محيره أهو كده كده راجع أضعاف أضعاف إن شاء الله لإلى يفوز بحته من التورته

    بس حلوه فلوس الشعب الى بترجع له دى دى حاله فرديه وبقت نادرة الحدوث وإلى قلت عنها أكيد طبعا دعايا مع زكاة مال فى رمضان يعنى
    وهو لسه حد بيوزع فلوس دى كانت موضه قديمه وبطلت دلوقتى بس ممكن يفكروا فى القوطه دى إلى حتجمع الأصوات وتجيب الفوز بإكتساح
    مش عارفه أدعى أقول الانتخابات تبقى نظيفه ولا مش نظيفه وإلى يستحق ولا الى ما يستحقش وكلام الشعارات ده لأن الى بقى يحصل ما بقاش حتى مخلينا نعرف نتفائل
    ربنا يهدينا يارب

    ردحذف
  14. الحياه الطيبه

    يتزاحمون على تحمل الأمانه
    أشك إن فى حد لسه بيدخل الإنتخابات علشان الناس وإصلاح الفاسد للأسف بقى الموضوع وجاهه إجتماعيه وفلوس ومصالح خاص أكتر منها مصالح الناس أنا لا أنكر إن فى أعضاء ربنا يكرمهم بتعمل للناس بس للأسف قليل جدا
    حبيبتى
    لو انهم أدركوا فقط " كلكم راع وكلكم مسؤل عن رعيته "لكان حالنا غير الحال
    نسأل الله الهدايه لكل من سيسأل عن رعيته

    ردحذف
  15. موناليزا

    بقت هى دى وسيلة الدعايا دا غير النت والفيس كمان
    المهم الفايده إلى حترجع للناس من كل ده

    ربنا يولى علينا من يصلح للخير يارب

    ردحذف
  16. osama44

    والله القماش موجوده وكتيره كمان
    بس كمان الصور أغلى من القماش يعنى هى وجهة نظر بس التكلفه للصور بما إنهم بيفكروا فى الشعب أكبر حتنفع أكتر ولا إيه

    والله الغلابه فعلا أحق بكل الفلوس إلى فى الأخر بتترمى فى الارض

    ردحذف
  17. شكرا على البوست

    ردحذف
  18. يوميات شحات

    العفو
    نورت مرايتى

    ردحذف

إتفضلوا هنا لو كلامى عجبكواأو حبين تقولوا لى حاجه