الأحد، 3 أكتوبر 2010

كلمات سهلة النطق ولكن ؟

المجاملات

كتير بنجامل بعض بجمل ما أحلاها

بس ياترى الكلام ده بيبقى طالع من القلب بجد

يعنى الجمل إلى بيترجمها اللسان خارجه من القلب

ولا نفاق ومجرد كلام سهل ومجامله وبس مش حاجه بجد تتحس

بنجامل بكلام معسول ونضحك بوجه بشوش

بس للأسف زى ذهب قشره يبهر بلمعانه بس وراه معدن مالوش قيمه

وزى عروسه لعبه

شعر أصفر وعيون زرقا وخدود حمرا بس بلاستيك

يعنى جمال مزيف

ليه بنستخبى ورا قناع هذا الجمال المزيف

نفاق مجمل

ليه بنقول حاجه مش حاسينها

حللنا النفاق وخليناه وسيلتنا لكسب الأخرين وقضاء المصالح

ليه بنجمل الغلط والحرام ونقدمه لينا ولغيرنا

لحد ماوصيلنا إن الحلال والصح هو الغلط والغريب

تعالوا نغير الواقع الغلط إلى بقى هو الصح

تعالوا نسمع تانى العصافير وهى بتغرد مش حاجه تانيه قامت بالدور ده

قرار

مش حنافق مش حقول حاجه مش حساها لأى سبب من الأسباب

مش حجامل فى الغلط علشان مصلحتى أو مصلحت حد حتى لو ماقدرتش أقول على الغلط لا

مش حكون من إخوان الشياطين

هناك 18 تعليقًا:

  1. لأننا أصبحنا مش علي الفطرة
    فضلنا اننا نتغير حسب الأهواء
    ومدام الهوي دخل في العملية
    يبقي قولي يا رحمن يا رحيم .

    ردحذف
  2. MR.PRESIDENT

    معاك حق للأسف بقينا فى عالم كله نفاق
    علشان بس المصالح
    بقت حاجه مستفذه جدا
    حد بيجامل حد ولوطايل يشيله من على الأرض شيل وهو واقف وخلاص قضى مصلحته بعديها بثوانى يشتم ويلعن فيه

    نفاق بجد بقى فى كل مكان وفى كل موقف وحاجه مستفزه
    ربنا يهدينا جميعا يارب

    ردحذف
  3. السلام عليكم ورحمة الله وبركاتة

    بارك الله فيكى وربنا يكرمك يارب والمسلمين
    ومعاكى فى كل كلمة قولتيها وربنا يبعدنا عن النفاق والمنافقين اللهم امين ... بس تعالى نفرق مع بعض بين النفاق والتبسم فى وجة الاخ كما علمنا رسولنا الكريم العظيم سيدنا محمد صلى الله علية وسلم :- قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " تَبَسُّمُكَ فِي وَجْهِ أَخِيكَ صَدَقَةٌ " مع ان فى اقوايل انة اسنادة ضعيف بس تعالى ناخد منة انة لازم نتبسم فى وجة اصحابنا واحبابنا بس مش نفاق لا للمحبة .. وربنا يكرمك تانى وربنا يتقبل منك صالح الاعمال اللهم امين ..

    معلش عاوز اطلب منك طلب عاوز اعرف ازاى بييتضاف شريط جوجل الى فى مدونتك دة علشان يتابعنا اكبر قدر وتعم ان شاء الله الاستفادة فياريت تبعتيلى التفاصيل ربنا يجزيكى خير اللهم امين والمسلمين

    ردحذف
  4. قرار صائب أرجو أن يتخذه الجميع

    ردحذف
  5. مش حجامل فى الغلط علشان مصلحتى أو مصلحت حد حتى لو ماقدرتش أقول على الغلط لا

    كلاممظبوط

    ردحذف
  6. كلامك منطقي إلى حد كبير وواقع بنشوفه كل يوم مع ذلك نحن مضطرين نتعامل مع الآخرين بطريقة لطيفة حتى إن أساءوا وهذه ليست مجاملة أو تزييف قدر ما هي تعامل مع وضع أو شخص صعب وهي طريقة أفضل من رفضه على اعتبار أن العنف لا يولد إلا العنف ,معك كل الحق في أن الخطأ أصبح عادي من كثرة ما تعود عليه الناس والصح صار غريب لندرة من يعمل به ,كلماتك بها الكثير من الحكمة والصدق والسلاسة في طرح فكر .

    ردحذف
  7. مرايتي المجاملة غير النفاق ,المجاملة بلا مصلحة ونابعة من قلب محب رغم كل شيئ والنفاق بمصلحة ونابعة من قلب مريض والكيس فينا من يتعامل مع الإثنين بحكمة ,الحقيقة مجردة من أي مجاملة أو مقدمات أحياناً تجرح أو لا يتقبلها الطرف الطرف الثاني أو حتى لا يحتملها واللين في كل شيئ يزينه وكل شيئ يا مرايتي يتعلق بالنية ونحن في كل الحالات نتركها لله وهو وحده الذي يحاسب على أساسها والمهم أن لانحزن إن تعاملنا مع إنسان أظهر لنا المودة واكتشفنا غيرها فهذا أبداً لا يسيئ لنا إنما هو يسيئ لنفسه فهو يعرف أنه على خطأ ثانياً هو يدرك أن الله كاشف سريرته وهذا يجعله يشعر نحو نفسه شعور غير جيد وأضيفي لذلك أن المنافقين في الدرك الأسفل من النار .....هذا ميزان الله وهو قائم لذا لا يجب أن نقلق بشأن الآخرين ,علينا أن نعاملهم كما أمرنا الله ونفرح أننا لسنا حتى قريبين من ذلك السلوك المرفوض .....دمت غاليتي .

    ردحذف
  8. الكلام بجد تحفه ياااااااااااااااااه رائع

    ردحذف
  9. طهر فؤادك

    عليكم السلام ورحمة الله وبركاته
    جزاك الله خيرا اخى الكريم
    وربنا ينجينا وإياكم من النفاق ومن مصاحبة المنافقين

    أنا ما أقصدش فى البوست مجاملاتنا لأهلنا وحبايبنا وصحابنا والصدقه من تبسمنا فى وجه إخوانا

    لا أنا أقصد مجاملات مثلا لموظف فى مصلحه حكوميه أو لحد أنا محتاجه منه مصلحه لمجرد بس قضاء مصلحتى وبعديها نخرج نشتم فيه موقف بقى بيتكرر قدامى كتير جدا

    ويمكن كمان علشان أنا إتحطيت فى موقف حسيت إنى فيه بنافق حد أنا مش بطيقه بس لسبب ما مضطره أتعامل معاه كويس علشان مصلحه ودى حاجه مضايقانى ازاى أبدى غير إلى جوايا علشان حد طلب منى كدهولأن فعلا حد حيتإذى لو ما إتعاملتش كده رغم إنى متأكده إن الى يإذى مش بالكلام حاله حيتعدل هو ده حكاية البوست
    النفاق مش المجاملات والحب بين الناس الى بجد

    أنا عن المتابعين
    ده من تصميم فوق فى شمال الصفحه
    فى الخيارات تصميم حضرتك تختار إضافة أداه حتلاقى ظهر من الخيارات المتابعون من هنا حضرتك حتحطها فى الصفحه وتظهر على الوال بتاعك وواحده واحده حتلاقى الناس بتضيف نفسها عندك
    يارب أكون وصلت لحضرتك المعلومه

    شكرا على مرور حضرتك الكريم

    ردحذف
  10. موناليزا

    ياريت فعلا ساعتها حنشوف الحب بين الناس إلى بجد
    ربنا يبعدنا عن النفاق وينجينا من المنافقين اللهم أمين

    ردحذف
  11. همسات وبحر الحياه

    رربنا يكرمك ياقمر
    ويقوينا يارب

    ردحذف
  12. الحياه الطيبه

    صح جدا

    ردحذف
  13. الحياه الطيبه

    المشكله فى التعامل مع من تعلمين أنه يبطن الكره وليس الموده ويظهره أحيانا ويتجمل فقط أمام الناس بإظهار عكس ما يخفى أحيانا أخرى
    هذا من قصدته هنا

    وبحسن النيه الفطريه تتعاملين بصوره طبيعيه وفجأه تتغير الأمور فتندمين أنك عاودتى التصرف بلطف ومراعاة الله فى التعامل

    هناك بعض الشخصيات التى تجبرك على الندم أنك أحسنت التصرف معها
    ولن يتوقف هذا الصراع إلى أن تقوم الساعه لانها صفات بشريه
    نورتينى

    ردحذف
  14. كبر دماغك

    شكرا لمرورك الكريم
    نورت مرايتى

    ردحذف
  15. مرايتى
    اشكرك على تلك الكلمات البسيطه
    بجد حاجه تكسف
    بس المهم الفعل مش الكلام
    كثر الكلام وقل الفعل
    ولك ان تقولى انعدم الفعل
    نسال الله ان يهدينا الى الصراط المستقيم
    وان بعفو عنا جميعا

    ردحذف
  16. سيدنا عمر رضى الله عنه كان بيقول ..(اه يا حق ما جعلت لى من صاحب )
    لما قريت كلامك افتكرت واحد معايا فى الشغل يفضل كل شوية يكلمنى عن صاحب الشغل وانه مخنوق منه ويفضل يدعى عليه ويشتم فيه وأول ما يشوف صاحب الشغل كأنه ( ولى حميم ) يبقى عاوز يشيله من الارض شيل
    الجمال المزيف الوانه بتبهت مع الايام .
    ..
    تحياتى لشخصك الجميل

    ردحذف
  17. osama44

    معاك حق
    يبقى لازم نبدأ إحنا وكل حد فينا يغير نفسه ويحاول ياخد هو الخطوه دى ساعتها حتى حيحس إنه حد طبيعى لأنه صح مش الغلط هو الطبيعى

    شكرا لمرورك الكريم

    ردحذف
  18. well

    ودى بقت سمه عند معظم الناس إلا من رحم ربى
    وبقت حاجه مستفذه جدا
    ربنا يهدينا جميعا يارب ويارب ما نشوفهاش تانى

    نورت مرايتى

    ردحذف

إتفضلوا هنا لو كلامى عجبكواأو حبين تقولوا لى حاجه