السبت، 12 يونيو 2010

الذكريات

الذكريات والماضى

لكل منا ماض سواء يحمل أحلى الذكريات أو أسوئها

ولكن هل تشكل هذه الذكريات الحاضر والمستقبل لدينا ؟

وبأى صوره يتشكل ؟

هل تنعكس صورة الذكريات المؤلمه أو حتى السعيده على الحاضر ؟


أم أن صاحب الذكريات يحاول تغير ماضى قد ألمه وأحزنه وأتعبه ؟


هل فاقد الشىء لا يعطيه ؟

أم أن فاقد الشىء يجاهد من أجل أن يكسر هذه القاعده

و يصبح من المعطين

هل تجاربنا السلبيه لم تعد تلقى مقاومة منا فى حاضرنا ومستقبلنا ؟


هل نجعلها هى المتحكم فى الحياه ؟

هل سنترجم تجاربنا ونسقى مرارتها لمن حولنا رغم أنها فى الماضى أحزنت قلوبنا؟


تساؤلات إستوقفتنى لأن رد فعل حاملى الذكريات مختلف تبعا لذكرياتهم


موضوع للمناقشه يسعدنى أن أستمع لأراء زوار مرايتى

هناك 46 تعليقًا:

  1. السلام عليكم ورحمه الله وبركاته
    تقبلى مرورى وكلامى اولا
    اعرفك بنفسى انا بنت الغروب
    استوقفنى موضوعك جدا
    لانى انهرده بالذات تزامن قريتى للموضوع تفكيرى فى ذكرياتى وحجات حصلت لى
    مخليانى مش عارفه انام
    بس هتشجع كدا وهحاول ارد على قد مااقدر

    ردحذف
  2. اولا الذكريات اكيد ليها يد فى تشكيل الحاضر والمستقبل من وجهة نظرى لانها بتمثل جزء من خبرات الشخص دا الى بتنعكس بالفعل على تفكيره وتصرفاته فيما بعد


    اى صوره تشكل؟اكيد مش هتكون مسيطره بحد كبير بس متهيالى او بالنسبه لى مأثره على فكرى اوى فى اتخاذ اى قرار متعلق بالحاضر
    وبالنسبه للسؤال التانى انها بتنعكس ولا لا
    اااه بتنعكس مه ذكريات يعنى مواقف
    ومواقف يعنى اتعلمت حاجه منها سواء كانت وحشه او حلوه فمن الغباء لو وقفت عندها
    انما استفيد منها فى انها لو كانت حلوه ومفيده اطورها فى الحاضر ولو وحشه ومؤلمه اتفاداها فى المستقبل ولا يلدغ مؤمن من جحر ثعبان مرتين


    الى بعده لو هنتكلم عن الماضى المؤلم هو مش هيتغير لانه حصل خلاص هو ممكن يأثر على التفكير لانى بعتبر المواقف دى خبرات بنكتسبها ومحدش بيتعلم ببلاش لازم شويه نقع وشويه الى يكسرك يقويك
    ونرجع نقف تانى على رجلينا وهكذا

    ردحذف
  3. بالنسبه بقا ان فاقد الشىء لايعطيه بالنسبه لى انا بسيب الحكم فيها بين البنين يعنى بدى حكمى وبسيب الباب متوارب مع اختلاف الظروف لكل فرد يعنى انا مش معا المقوله دى ومعاها
    بالنسبه لى بحاول اكسر القاعده دى واكون من المعطين لعل وعسى الاقى امل يرجع لى الى افتقدتوا
    يعنى لو افتقدت الحنان وانا صغيره والحياه كانت ناشفه بحاول انا اعطيه للى حواليا على امل انى اتغرق فى الحنيه والمشاعر دى فى يوم
    وفى ناس تانيه ولاعياذ بالله
    قلوبهم اشد من الحجر
    عندهم العين بالعين والسن بالسن
    لكن الرحمه هنا بقا ليها دور
    وربنا يرحمنا جميعا

    ردحذف
  4. نيجى بقا للى بعد كدا:
    اللا مبالاه
    ********
    هل تجاربنا السلبيه لم تعد تلقا منا اى مقاومه فى الحاضر والمستقبل؟
    تلاقى جزء من الناس يقول لك زى ماتيجى بقا ويستسلم
    وفى الى زيى ماقلت ان المؤمن لا يلدغ من جحر ثعبان مرتين
    ولو استمرت اللامبالاه دى
    هتتراكم تالسلبيات على بعضها زيى الطبيخ الحمضان
    لحد ماشخصيه السلبى اللا مباليه دى
    تعفن وتفضل مطرحها الناس بتتقدم وهو مخبوط على دماغه من اخر موقف سلبى تنح قدامه
    معتش دا زمن انك تتمسمر للسلبيات هنتاكل يامرايتى
    لازم نقع ونتعلم من اواقعه والى يكسرك يقويك

    والى فات برده اجابه للى بعده انه مينفعش سلبى يتحكم فى حياتنا والا كلها هترغم للسلبيه

    ردحذف
  5. واخيرا وليس بآخر
    هلهل سنترجم تجاربنا ونسقى مرارتها لمن حولنا رغم أنها فى الماضى أحزنت قلوبنا؟

    دا نفس سؤال هل فاقد الشىء لايعطيه
    معلش انا رغيت كتير اوى عندك هنا بس اتمنى تتقبلينى بصدر رحب لانى مرتاحه هنا اوى فى البوست دا

    وبردوا احنا مخلوقين فى الكون للعباده وتعمير الكون خلقنا الله ليس هباءا ومن رحمته انزل علينا كتابه العزيز للرجوع اليه فى اى مشكله واتباعه
    متهيالى لو اتبعنا كلام ربنا صح مش هنتعب ولا هنتلدغ من جحر تعبان مره ولا فسوه حتى
    اللهم ياحى ياقيوم يامغيث المغيثين اصلح لنا شأننا كله ولا تكلنا الى انفسنا طرفة عين
    وربنا ينصرنا على نفسنا ويوفق الدنيا على بعضها
    تقبلى مرورى
    واسمحى لى بالتواصل والاضافه
    انا مدونه بنت الغروب بعديكى كدا بتلت مدونات على الشمال
    ياريت تشرفينى بالزياره ونتواصل ان شاء الله
    دومتى بكل ود
    تصبحى على خير بقا.

    ردحذف
  6. السؤال بقي .. هل قدرنا نتعلم من السكة اللي مشينا فيها في الماضي ..
    هل استطعنا أن نعدل كل مسار في الحاضر مشينا علي في الماضي ...
    ام أننا جأرنا مخنا وصممنا نمشي علي درب الماضي بحلوه ومره ..
    وسخفه .. وجديته ..

    الماضي ميزته ان بكون عامل زي الصورة اللي انت خدتها ,, وانت ببتبص ليها شايف الاطار اللي وراك .. في حين ساعة التقاط الصورة مكنتش شايفه قد كده ..
    عموما كل وقت ليه ميزة وعيب .. احنا للي نقدر نحدد عايزين نسفيد من اللي حصل
    ولا نكتفي ونمشي زي ما الناس بتمشي

    ردحذف
  7. السلام عليكم

    ذكرياتي مختلفة شويا وكسرت قاعدة الالم لغيري ولكني المت نفسي بجهلي وعندي طبعا الذكريات لا تنسي يظل شبح الماضي يحاصرنا في سوء الاختيار لكل ما يلزم حياتنا
    مثل لو كنت اخترت ده مش كان افضل لو علمتم الغيب لاخترتم الواقع ولا يعلم الغيب الا الله

    اعلم ان الله لا يعطينا كل ما نريده بل يعطينا ما نحتاجه
    ونعم بالله
    موضوع جميل وشيق ويتحدث عن الحياة بكل ما فيه من كل الجوانب الذكريات في كل شيء علي قدر جمالها علي قدر المها
    تحياتي

    ردحذف
  8. العاقل فينا من أخذ ذكراه سفينة يعبر بها مستقبله



    وأنا شخصيا أراها دوما أمام عيني وذاك مايجعلني أكتب شعر



    أسعدك الله

    السلام عليكم ورحمة الله

    ردحذف
  9. السلام عليكم
    غاليتى أتمنى أن تكوني بخير

    الانسان هو اللى بيختار أنه يعيش فى ذكرياته المؤلمة أو السعيدة وبجد قادر أنه يغيرها أو يتنسى

    *********
    أبحث بين أوراقى وخلف الصفحات عن ذكرياتى
    أتناسى واحدة وأتذكر الأخري
    وأقلب بين الكلمات عن حروف بعضها بها سعادتى والباقية بها أحزانى وأسرد عن ما يحلو لي سرده وما يتجول بخاطري!!!!!

    ******

    لا أتفق فى مقولة فاقد الشئ لا يعطيه أعتقد العكس فاقد الشئ أكثر الاشخاص المعطائه
    أسعدك الله وجعل جميع ذكرياتك سعادة لا يشوبها ألم

    دمتى بخير

    ردحذف
  10. طبعا مشاعر الانسان السلبية تجعله دوما يفكر في الفشل

    ردحذف
  11. مرايتي
    موضوعك جميل وهام
    بالتأكيد الماضي قد يشكل الحاضر والمستقبل .
    والانسان الذي يتعلق بالماضي بالتأكيد سوف يؤثر ذلك على حاضرة ومستقبله .
    ويجب على الانسان ان يتعلم من ماضية ويكون عوناً له لتحقيق احلامة ولا يجعلة عائقاً امامه .
    لا مستقبل لمن يضيع الحاضر حزناً على الماضي
    تقبلي مروري
    محمد البنا

    ردحذف
  12. السلام عليكم

    وحشتينى اوووى يارب تكونى بخير

    طبعآ عجبنى موضوعك ويستحق الكلام فيه

    انا بمشى على مبدء من فات قديمه تاه
    واكيد انا عندى ذكريا كتير جوايا سواء حزينه او سعيده وبالذات الحزينه اكتر بكتير من الفرحه
    بحاول انساها بشتا الطرق مش عارفه وبالذات لما بقعد مع نفسى بفتكرها وبتسيطر عليا

    مش عارفه هيجى اليوم اللى ممكن امحياها من حياتى
    بجد بتمنا ذلك نفسى اكوان واقعيه
    ومش معنى ان فاقد الشىء لا يعطيه لاء بالعكس

    ربنا وحده اللى عالم بما بدخلى حب كبير لو اتوزع هيفيض كمان وكمان

    بتمنا من ربنا يعدى كل الماضى على خير واننا نتعلم من اخطائنا وماضينا عشان نقدر نعيش الواقع اللى كلنا بنتعايش فيه

    دمتى ودام اسمك وقلمك
    حبيبتى

    طمنينى عليكى
    احبك فى الله
    اموووووواه

    ردحذف
  13. من دون ذكريات سواء كانت حزينه واو سعيده ولكنها تظل جزء من كل شخ ص ومن حياته

    ردحذف
  14. مرايتي

    الموضوع جميل
    وفعلا لازم من الوقت للتاني نبحث في الماضى ونقيمه ونشوف فعلا احنا كنا صح ولا لا
    واكيد من وجهة نظرى ان الذكريات في الماضي تؤثر علي الحاضر بشكل كبير وتؤثر علي المستقبل بشكل اكبر

    تحياتي للموضوع

    ردحذف
  15. مرايتى

    الذكريات الحقيقية المؤثرة أبدا أبدا لا تنتهى من حياتنا ... و دائما ما تمتد لتلقى بظلالها على أحداثنا الحاضرة و المستقبلية ... و لكن..
    يختلف التأثير سواء بلإيجاب أو السلب طبقا لشخصية و قدرة و ثقافة و خبرات كل إنسان

    موضوع رائع

    دمتى بخير

    ردحذف
  16. bentelghrob

    عليكم السلام ورحمة الله وبركاته
    أهلا بيكى حبيبتى وطبعا يشرفنى زيارتك وتعليقك

    والحمد لله على الصدفه علشان نسمع منك

    ردحذف
  17. bentelghrob

    أولا بس حابه أبين إن فكرتى كمان مش عن الذكريات القريبه لا كمان الذكريات البعيده فى الطفوله لأن الكثير يحمل قسوتها معه وألامها فى حقيبة أيامه

    يعنى سمحوا للذكريات دى تشكل الصوره خلاص أو تشكل ملامح كثيره من الصوره وخوفا من مستقبل قد يحمل هذه الصوره المؤلمه

    كلامك بقى هو إلى عاوزين نوصله وطبعا صح لايلدغ مؤمن من جحر مرتين وكمان المفروض إلى يكسرنى يقوينى ويدينى مقاومه لإلى جى ونقوم ونقاوم ونحارب فى معركة الحياه

    ردحذف
  18. bentelghrob

    جميل فعلا إننا نبقى صادقين مع أنفسنا قبل غيرنا
    وإعترافك إنك بتحاولى تبقى من المعطين ده قمة المجاهده لواقع مؤلم للتخلص من ألامه
    زى ماقلتى لو إتحرمت من الحنان ليه أحرم نفسى إنه أخده لما أديه لانك كمان حتستفيدى لما توصليه لالى حواليكى ويعوضك كتير وفعلا دى بتبتقى رحمة من ربنا وخير فى قلبك

    ربنا يرزقنا وإياكى الرحمه والسعاده والرضا اللهم أمين

    ردحذف
  19. bentelghrob

    معاكى حق اللامبالاه بقت مسيطره على الكل
    وكلمه اهى ماشيه والسلام ومبقتش فارقه بقت السمه الخاصه لكلام كتير مننا
    وده للأسف
    وعجبنى تشبيهك ليها بالبطيخ الحمضان مع انى ما دوقتوش
    بقت سلبيه متملكه الكل وللأسف هى سبب زياده مشاكلنا النفسيه والاجتماعيه

    ردحذف
  20. bentelghrob

    فعلا نفس المضمون بس كمان ماتبقاش تجاربنا السيئه والذكريات تقل علينا ونبقى عاوزين غيرنا يحسوا باحساسنا ده لا لازم نغير الصوره وننسى

    طبعا مبسوطه جدا باحتلالك لمرايتى ويارب دايما منورانى
    وسعيده جدا بحوارك

    نورتينى بجد

    ردحذف
  21. MR.PRESIDENT

    طبعا معاك حق وصوره واضحه جدا لترجمة الموضوع
    بس كمان ليه بصيت للذكريات القريبه بس
    لان الذكريات البعيده أو القريبه كمان بتبروز الصوره دى وبتديها الشكل النهائى

    وبسأل نفس السؤال معاك لانه خلاصة تجارب الحياه سواء القاسيه أو حتى السعيده وكمان أنا إلى بحدد الطريق شكله ايه ياترى حفضل أبكى على الأطلال وأضلم سكتى ولا حتنورها بشمعه تحلى مرارة الماضى

    شرفنى مرورك ياريس

    ردحذف
  22. ذكرى رحيل قلم

    وده إلى عاوزه أوصل له إننا كمان بنحط نفسنا فى دايرة الحزن المغلقه بإدينا يعنى إحنا إلى بنود إستسلامنا لواقع مؤلم
    لازم نقتنع إن إختيار ربنا لينا كله خير حتى لو كان مؤلم لأنه أكيد حيرفع من درجاتنا لو صبرنا

    شبح يطاردنا فإن إستسلمنا تغلب عينا وإن رودناه تعياشنا مع الواقع وإستمتعنا بما هو جميل
    أعلم أن الكلام سهل وأنا أو من يستسلم ولكن إختارت مرايتى لأرفع هذا الثقل الذى أثقلنى وأثقل غيرى

    نورتينى يا حبيبتى

    ردحذف
  23. أحمد الصعيدى

    هذه هى فلسفة من فهم الحياه

    أسعدنى مرورك الكريم

    ردحذف
  24. غصب عننا كل اللى فات فى حياتنا بياثر عليها
    ختى اذا حاولنا نهرب منه فهو طبع فى شخصيتنا وكل اللى حصل زمان اتحفر جوانا وظهر فى كل حياتنا
    لكن نتمسك بالله انه يرحمنا

    موضوع جميل ممكن نتكلم من هنا لبكره


    جيجي والعالم

    ردحذف
  25. ليلة شتاء

    عليكم السلام ورحمة الله وبركاته
    الحمد لله حبيبتى

    علشان كده عاوزين نغير فكرة الإستلسلام لألام الماضى وتحكمها فى الحاضر والمستقبل
    وننسى مع الأيام كل الألام

    ربنا يسعدك حبيبتى

    ردحذف
  26. sharm

    وكمان بتحول حياته لمسلسل من الأحزان والتجارب الفاشله

    نورت مرايتى

    ردحذف
  27. MOHAMMED ELBANNA

    لا مستقبل لمن يضيع الحاضر حزناً على الماضي

    هذه هى كلمة النهايه

    ردحذف
  28. شذا الروح

    عليكم السلام ورحمة الله وبركاته
    الحمد لله يا حبيبتى بخير ويارب تكونى تمام

    بس مبدأ من فات قديمه تاه مش فى كل الأحيان طبعا
    علشان إلى قلتيه أنا كتبت البوست ده علشان نحاول نوصل لمرحله مش ننسى فيها إلى كان لا نحاول نغير الالم المسيطر علينا ومخلينا بس عايشينا نفتكر وجعه لان أكيد مش حننسى المهم نحاول نغير الواقع ونتعايش حتى مع الألم لانك زى ما قلتى عندك حنان لو إتوزع على الدنيا حيكفيها رغم حرمانك منهم يبقى عاوزين نطبق فاقد الشىء لازم يحاول جاهدا إنه يبقى من المعطين

    وكله رزق ربنا حبيبتى وإن شاء الله ربنا حيفرح قلبك ويسعدك ويبدلك خيرا

    ردحذف
  29. Gehad mousa

    طبعا مافيش حاضر ولا مستقبل من غير ماضى وإلى بنحاول نغيره هو إستسلامنا لألام الماضى

    نورتى مرايتى

    ردحذف
  30. Haytham Alsayes

    طبعا مع حضرتك حق بس نحاول قد الإمكان تحجيم الذكريات دى بصوره سلبيه

    نورت مرايتى

    ردحذف
  31. الشاعر الفنان أحمد فتحى فؤاد

    أهلا يافندم
    فعلا تختلف بتأثيرها الإيجابى أو السلبى على نمط الحياه تبعا لحاملها وثقافته وطريقة إستيعابه وتعامله مع الأمور
    وتبقى الذكريات مرهونه بصاحبها

    نورتى يافنان

    ردحذف
  32. الماضي هو اساس الحاضر والمستقبل
    عارفه انا تألمت من الماضي
    من الطفوله مو من جهة اهلي
    بس كان عندي اشياء عملت فيي سلبيات وانا الى راح اتحمل النتيجه بالاخر

    علشان هيك بقلت الماضي هو الاساس

    ردحذف
  33. جيجى

    ولما هو ممكن تتكلمى من هنا لبكره ما إتكلمتيش ليه وقولتى كلمتين وبس

    حبيبتى طبيعى إن الذكريات جزء من حياتنا وصعب جدا ننساها دا بالعكس بننسى حاجات حلوه كتير الا الذكريات الى بتبقى مرتبطه بالأحزان والألام
    وللأسف بتبقى متحكمه فى كتير من حياتنا وطبيعتها
    بس الى يتعب أكتر أثارها السلبيه الى بتبقى متمكنه من البعض بصوره كبيره

    ربنا يقوينا ويرحمنا برحمته فبيده مقاليد الأمور

    ردحذف
  34. بصى مافيش حد بينسى ذكرياته مهما كانت مولمه
    ةكل قاعده ليها شواذ مش لازم يكون فاقد الشئ
    دايما لايعطيه
    ساعات فاقد الشئ بيعطى ببزغ
    تحياتى

    ردحذف
  35. دودى فلسطين

    الماضى أول لبنه فى سور الحياه الحاضره والمستقبل
    سواء كانت سعيده أو حزينه نحاول التعايش معها ولا نسمح لها أن تضع باقى اللبنات ولكن نضعها نحن بإختيارنا
    ومشكلة الألم من الأهل دى يمكن أكتر الذكريات المؤلمه عند كتير من البشر بس للأسف احنا الى بندفع تمنها بس
    المهم اننا نحاول مانخليهاش سبب فى تعاسة ولادنا كمان لان كتير من قسوة الاهل بيبقى قاسى على ولاده كمان

    ربنا يسعد قلبك يا حبيبتى يارب

    ردحذف
  36. سلامو عليكو..
    انا مش مع المقولة اللى بتقول ان فاقد الشىء لا يعطيه.
    كتير من المتزوجات ولم ينجبن عندهن هذا الحنين للاطفال.
    بعض من اطفال الشوارع اللى افتقدو للحنان من المجتمع بيتعملو بعنف برضو.
    يعنى الموضوع مش عالعموم.
    ولكل قاعدة شواذ
    لك تحياتى

    ردحذف
  37. السلام عليكم ورحمة الله وبركاتة

    ماشاء الله اية المواضيع الجميلة دى والحوارات الهادفة ..

    فعلا الماضى اكيد بيشكل جزء كبير من المستقبل بس لو الماضى دة مش كويس نقدر نستغفر ربنا ونتوب الية وربنا بيغفر الذنوب جميعا الا الشرك بة سبحانة وتعالى ...
    وقولة تعالى :
    -[فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا] {نوح:10}
    -[إِنَّ رَبَّكَ وَاسِعُ المَغْفِرَةِ] {النَّجم:32}
    -[وَرَحْمَتِي وَسِعَتْ كُلَّ شَيْءٍ] {الأعراف:156}
    - { إِنَّ اللَّهَ لا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ } [ النساء / 48 ، 116 ]

    -فياريت نستوعب النقطة دى ومتكنش الذكريات السيئة المزعجة عائق فى حياتنا لكن تكون حافز لجهد اكبر لارضاء الله عز وجل والبعد عنها فى المستقبل ..

    ومعلش طولت وتقبلى مرورى

    ردحذف
  38. أكيد الذكريات بتشكل مع الوقت جزء من شخصية الانسان و بتؤثر فيه

    و ممكن تؤدى لتعديل سلوكه ايجابيا او سلبيا

    ردحذف
  39. مرايتى ..............................
    الذكريات والماضى لها تأثير كبير على مسيرة الإنسان فى حياته وأعتقد أنها تكون سلبية مع ضعاف النفوس والشخصية والمبادئ والمثل والدين وتكون إيجابية مع أقوياء النفوس والشخصية والمبادئ والمثل والدين
    وأنا أقول ذلك من تجربتى فى حياتى فقد مررت بتجارب وذكريات صعبة وقاسية وجعلتها دافع لى لكى أصل إلى الأحسن وألا أضع نفسى أولا وحياتى وأولادى ثانيا فيها وأن أصل بهم إلى برالأمان مستعينا بالله تعالى ومتوكلا عليه ومتمسكا بعقيدتى ودينى وهذا هو الأساس الذى تبنى عليه النتائج والتغيير

    ردحذف
  40. الشوكه الناعمه

    أولا أنا مبسوطه جدا جدا إنك زورتينى تانى
    بعد الأزمه إلى قلقتينا عليكى فيها
    ربنا يسعد قلبك يا حبيبتى

    ثانيا ياريت فعلا نقتنع بده إن صح مش حننسى ذكرياتنا المؤلمه بس مانخليهاش هى الشراع الى بيحرك سفينه حياتنا والى بيشكل ملامحها,ونوصل إننا حتى لو فاقدين لأحلى الأحاسيس نديها وببزخ زى ما قلتى يا حبيبتى

    ربنا يفرح قلبك يارب ويرزقك الخير كله

    ردحذف
  41. ست *جنى *الحسن

    عليكم السلام ورحمة الله وبركاته
    فعلا ياحبيبتى هى ثقافه للعطاء حتى ولو تكتسب المفروض انها تبقى جوانا لانها فطرة الخير الى المفروض حتى لو أسينا تبقى جوانا ومنخليهاش حكر علينا بس ونبخل بيها على إلى حوالينا
    نورتينى ياقمر

    ردحذف
  42. طهر فؤادك

    عليكم السلام ورحمة الله وبركاته
    أهو بنحاول نمشى على نهج المصطفى صلى الله عليه وسلم
    من لم يهتم بأمر المسلمين فليس منهم والفتره الى فاتت لقيت ناس كتير بتعانى من الحبس فى دائرة ذكريات أليمه تحبس عنهم عبير الحياه نحاول نوصل مع بعض لطريق نعيش فيه مع الذكريات وبرضه نعيش بيها الحياه حتى لو ذكريات طفوله أثرت على تركيبة الشخصيه

    نورت مرايتى يافندم والمدونه طبعا تحت أمرك

    ردحذف
  43. Tears

    عاوزين بقى نحول الصوره السلبيه لإيجابيه لأن الأغلبيه العظمى لأثر الذكريات عند كتير بتكون بصوره سلبيه وده إلى بيسبب ألم ومشاكل كتيره

    نورتى مرايتى

    ردحذف
  44. فاروق بن النيل

    يكفينى فقط يافندم أن أقرأ ما كتبت
    وهذا ما أردت أن أصل إليه ويصل إليه الجميع
    نحن نتخذ أصحاب التجاربه مثالا لتجارب الحياه

    نورتنى يافندم

    ردحذف
  45. بمناسبة الزكريات ..ما مضى مضى
    الناس اللى اسلمت فى عهد الرسول عليه الصلاة والسلام كانوا فى الاول كفار ...زكراياتهم كانت ايام الكفر ..لكنهم قدروا يبدأو حياة جديدة بنور الايمان او بهدف واضح بمنهج قوى
    اللى فات فات يا مرايتى الانسان يقدر يبدأ من اى نقطة حتى لو كانت اخر نقطة فى حياته
    تحياتى

    ردحذف
  46. well

    منظور مميز كالعاده لحاملى الذكريات القريبه
    وكمان حتى لحاملى ذكريات طفوله مؤلمه أثرت فى طبيعة الإحساس بالحياه
    اللى فات فات يا مرايتى وياكل زوار مرايتى الانسان يقدر يبدأ من اى نقطة حتى لو كانت اخر نقطة فى حياته

    شكرا لمرورك وتعليق

    ردحذف

إتفضلوا هنا لو كلامى عجبكواأو حبين تقولوا لى حاجه