الأربعاء، 7 أبريل 2010

أنت مين ؟؟


سؤال ليك ولى وليها


أنت مين ؟؟

مش قصدى إسمك ولا منصبك ولا كيانك


قصدى أنت مين عند غيرك؟؟

أنت مين عند أهلك ؟؟

أنت مين عند إصحابك ؟؟

أنت مين عند زوجتك وولادك ؟؟


أنت مين عند أهلك؟؟

أنت فرد فى عيلتك ياترى فكرت أنا فعلا براعى حق أهلى

وبراعى حقوقهم على !!

إنك تاخد حقك إلى عندهم من الرعايه وخلافه

ده حقك عليهم

دى مسؤليتهم تجاهك

وحقهم عليك ده مسؤليتك أنت من حقهم بعد تعبهم يلاقوا

تقدير منك

تخيل لو من بدايتك ماحدش إتحمل مسؤليته تجاهك

كانت حياتك حتبقى مظلمه سر سعادتك إنك واخد

حقك من المسؤلين عنك

لأنك كبرت بعنايتهم ليك بعد ربنا ودى أول مرحله

ثانى مرحله بقى لما بيحتاجوك يتسندوا عليك

جربت تكون سندهم زى ماكانوا زمان سندك وظهرك

ده هو برهم إلى أمرك بيه ربنا


أنت مين عند أصحابك ؟؟

أنت الجدع إلى لما يفتكروك بيفتكروك على إنك الجدع الخدوم على طول


ولا !

جربت تسخر كل حياتك لصاحبك لما كان محتاجلك

جربت تطبق حديث النبى عليه الصلاة والسلام

" من كان فى حاجة أخيه كان الله فى حاجته "

أنت فعلا راجل .. مسؤل .. جدع مع أصحابك؟



أنت مين عند زوجتك وولادك؟؟


لو سألنا زوجتك من وراك عنك ياترى حتقول عليك

سندى .. ظلى .. راجلى .. ظهرى

ولا سايب البيت يضرب يقلب وبتتحجج إنك مشغول وبس تدى أوامر

عمر ما كانت الحنيه والمشاركه فى أعباء البيت ضعف ولا تقليل من الرجوله

لست أعظم من خير البريه صلى الله عليه وسلم

كان يساعد فى أمور بيته ويخيط ثوبه

على قد ما تقدر حاول تبقى كبير فى عيون زوجتك حتى برغم تعبك


خليك عمود البيت لو جرى لك حاجه لاقدر الله يتحس بقيمتك

وولادك

حقهم كبير عليك

أنت مش بتربى بنى أدمين بالفلوس لأن الفلوس دى ممكن تربى كائنات تانيه


إنت إتجوزت علشان تبنى أسره تربى أجيال صالحه نافعه

ترفع راية الإسلام وتشرف أمة الإسلام

عندى أسأله كتير !

أنت مين عند كتيييييييييييييييييييييير ؟؟

يمكن مانقدرش نحصرها

المهم تكون فعلا جدع وراجل وفتوه وجدع
(قصدى للنساء والرجال طبعا )


إتبع جدعنة النبى عليه الصلاة والسلام علشان تدخل الجنه معاه



العيشه واجبات وحقوق ياريت ما تكونش سبب فى ضياع غيرك

لأنك قصرت فى حقه قدام ربنا

ده مش تفضل ولا منه منك دى واجبات عليك


وربنا ينفع بينا ويغفر لنا تقصيرنا ويهدينا إلى سبيل الرشاد


هناك 24 تعليقًا:

  1. سلاااااام حبيبتي

    يارب يارب اكون الاولى في التعليق ومفيش حد بيسابقني الان واذا كان في فوسعواااااا انا الاولى يعني انا هههه

    انا مين عند زملائي؟

    أنا بنت خلووووووووقة وطيبة ومتواضعه ومحبوبة كثيرررر عشان برغم اني من اوائل الدفعه لكن عمري ماتبكرت على طالب ولا طالبه

    أنا مين عند صديقاتي ؟

    هي نفسها اللى فوق و ضيفي عليها اني بعطي حقوق
    الصداقة لكل بنت ,, اسرارهم مش بتطلع ومشاكلهم
    بحاول جهدي اساعدهم فيهاانا موجودة معاهم بالفرح وبالحزن ,

    مين عندي اهلي ؟

    هههه انا البنت العفريته اللى على طول بتضحك
    وبتدلع على ابوها و امها كثير ,, وبتحاول جهدها
    ترضيهم ,

    انا مين عند ربنا ؟

    مش عارفه !!!!!!! ودااصعب سؤال
    بس بحاول جهدي اارضيه ,

    ربنا يكرمك يا عسل ^_^

    ردحذف
  2. السلام عليكم
    موضوعك متميز مين فينا دلوقت بيعمل واجباته نحو اسرته واصدقائه
    نادر دلوقت
    لو كل واحد بيتعامل بما يرضي الله هتكون الحياه غير كده
    رائ الناس فيا بيحسسوني ان صحبه جدعه وانسانه بيثقوا فيها ده الي بلاحظه من تعاملتهم معايالكن بقي ياتري فعلا استحق كده ده عايز قاعده كبيره

    تسلمي ياقمر

    ردحذف
  3. والله اساليهم ؟
    بس فعلا هل اديت واجباتى؟
    وهل خد حقوقى ؟
    الله اعلم

    ردحذف
  4. الغاردينيا

    ماشاء الله عليكى يا حبيبتى ونعم الإنسان أنت
    وإن شاء الله أكيد عند ربنا عظيمه لأنك بترضيه فى خلقه وبتأدى كل واجباتك والحقوق عليكى
    ربنا يكرمك يارب ويرفع قدرك ويرزقك الفردوس الأعلى

    ردحذف
  5. القمر الباكى

    أهلا ياقمر
    أكيد طبعا تستحقى لأنها ما بتتقلش غير من العشره والتجارب والمواقف إلى شافوها منك
    المهم إننا نكون بنفرق عند حد مش عايشين وخلاص

    ربنا يكرمك يا حبيبتى يارب

    ردحذف
  6. إلى مش عارف يتغير

    مش مهم السؤال بيبان فعلا من الإحساس
    إنك تحس بقيمتك عندهم

    وأنت إلى تقدر تحدد أنت أديت واجباتك؟
    إنماأخدت حقوقك دى بقى عديها يمكن فى ناس إديت كتير وناس قصرت المهم إنك تدى من غير ما تدور على إلى أخدته ده قمة العطاء والإيثار

    ربنا يكرمك ويرفع قدرك يارب

    ردحذف
  7. مرايتي
    ربنا يبارك فيكي وينفع بيكي
    تقبلي مروري
    محمد البنا
    طريق النجاح

    ردحذف
  8. السلام عليكم
    موضوع ذو فكرة جميلة وهادفة ونصائح غالية تفيد من يعمل بها

    جزاكم الله خير وجعلكم طريق منير للاخرين


    دمتي بكل خير

    ردحذف
  9. جمييييييييل أوى كلامك يا سمسمة يخلى الواحد يفكر ويسأل نفسه إذا كان أدى واجبه بنفس الدرجة اللى بيسأل بيها عن حقه ولا بس هو أنانى بيدور على اللى ليه ومش بيسأل على اللى عليه

    جزلكى الله كل الخير دوما تفيقينا من غفوتنا ربنا يجعله فى ميزان حسناتك

    دمتى بكل الخير والحب والسعادة

    ردحذف
  10. السلام عليكم

    بجد ربنا يجازيكى خير كلماتك جميله


    وزى ما قال رسولنا الكريم صلى الله عليه وسلم

    خيركم خيركم لاهله وانا خيركم لاهله

    بجد لازم نعمل وقفه وكل واحد يسال نفسه السؤال ده

    هو مين عند اهله؟

    ردحذف
  11. mohamed elbanna

    شرفنى مرورك والله
    وتعليقك على كلماتى المتواضعه

    ربنا يكرمك ويرفع قدرك

    ردحذف
  12. ذكرى رحيل قلم

    عليكم السلام ورحمة الله وبركاته
    يارب الفكره بس تكون واصله رغم العفويه فى الكلام

    ربنا يكرمك ياحبيبتى ويجمعنا فى ظله يوم لا ظل الا ظله

    ردحذف
  13. الزهره البريه

    ربنا يخليكى يا جودى ياقمر
    أكيد فى أسأله كتيييييييييييير ما إتسألتش وكمان أكيد كل حد عنده إجابات لسؤال ولتانى لا المهم إننا نوصل إننا زى ما بناخد ولينا حقوق وبنطالب بيها ياريت كمان نؤدى الواجبات إلى علينا
    لأن العيشه واجبات وحقوق
    وياريت نبا الجدعان الرجاله إلى بنبان فى وقت الشده والمواقف

    ردحذف
  14. ريمان

    عليكم السلام ورحمة الله وبركاته
    فعلا المسؤليه صفه مكتسبه ومعنى الرجوله والجدعنه هى المسؤليه تجاه الغير
    سواء أهلى إصحابى فى شغلى مع زمايلى مع كل إلى بنتعامل معاهم
    وربنا يقدرنا نراعى حقوق غيرنا علينا

    ردحذف
  15. جميل اوووووووووي موضوعم

    والاجمل ن كل واحد فينا يسال نفسه الاسئله دي ويجاوب عليها بصراحه جواه

    دمتي بالف خير يارب

    ردحذف
  16. وحشتينى حبيبتى اوووى
    يارب تكونى بخير وربنا يطمنى عليكى يارب

    بوست جميل اووى ياريت كلنا نقدر قيمة الاسئلة اللى طرحتيها
    ونعرف حقوقنا وواجبتنا اتجاه الغير
    دمتى اختى بكل الود
    واسفه على التأخير بسبب ظروف مرضى المفاجىء
    دعواتك

    ردحذف
  17. صمت المشاعر

    شرفنى مرورك وتعليقك على كلماتى المتواضعه
    فعلا محتاجين نسأل نفسينا أسأله كتير حتفرق قوى قدام نفسك لما تسالها أنت مين ؟ بالنسبة لناس كتير
    ساعتها حقيم مكانتى

    ردحذف
  18. إبتسامة ملاك

    أهلا يا أنوس ياقمر
    ربنا يدم الحب يارب ويظلنا فى ظله يوم لا ظل الا ظله رغم إننا حتى ما نعرفش بعض بس تألف الأرواح بقى

    وسلامتك يا حبيبتى شفاكى الله وعافاكى طهور إن شاء الله

    ردحذف
  19. جزيت خيرا على التدوينه

    وعلى التذكير الجميل :)

    ردحذف
  20. السلام عليكم
    تدوينه حلوه اوى
    سؤال صعب وممكن تكون اجابته اصعب انت مين وانت اه عند غيرك واه قمتك فى مساعده حد محتاجلك

    دام قلمك

    ردحذف
  21. أقصوصه

    أهلا بيكى يا قمر
    وشكرا لمرورك على كلماتى البسيطه

    ردحذف
  22. ليلة شتاء

    نورتينى وشرفنى مرورك على مدونتى ويارب تتكرر

    أسأله صعبه وإجابتها أصعب
    بس أهو بنحاول نجاوب !

    شرفتينى

    ردحذف
  23. ده كل سؤال من دول عاوزله وقت كتييييييير كدة أفنط فيه وأجيب أجاباته على رواقة

    ربنا يستر

    ردحذف
  24. إنسانه

    أهلا بيكى وشرفتينى يا قمر
    خلاص حددى إجاباتك براحتك

    وفى إنتظار مرورك تانى إن شاء الله

    ردحذف

إتفضلوا هنا لو كلامى عجبكواأو حبين تقولوا لى حاجه