الأحد، 28 مارس 2010

مين حيقول وأنا كمان


فاكرين مشروع

honey moon

لأطفال مركز الأورام فى المنصوره

طب نقول تانى لأنى طبعا بتشرف بناس هايله جديده


شباب زينا حلوين وطموحين وطمعانين

حلوين بفضل رب العالمين

طموحين فى جنة الخلد الفردوس وصحبة أشرف المرسلين (صلى الله عليه وسلم )


طمعانين فى القبول ونكون من الساعين للخير ويجعلنا المولى من أهل النعيم


طب إزاى ؟

وإحنا قاعدين ؟؟

لا طبعا لازم نسعى بنفسنا عمر الجنه ما حتيجى لحد عندنا

وعلشان إن شاء الله ندخل الجنه زمرا عاوزين الكل معانا فى الخير ده

مشروع ال honey moon


يعنى نخلى حياتناوحياتهم كلها شهر عسل ...

نفهم بقى !


إتكلمنا كتير

مشروعنا فى جروب وأنا كمان عاوز أعمل خير فى مجموعة العسل


هو كفالة طفل بكيلو عسل أبيض كل شهر

أيوه أنت إلى تكفله وتأكله بإيدك كمان ..

وتكون صدقه جاريه ليك ..

وطبعا الكل عارف فوايد العسل

لأنه علاج ربانى
وفوايده كتير

ليه ما نحاولش نساعد بيه طفل مريض

نساعده يلعب ويتحرك زى كل الاطفال

لان العلاج الكيماوى طبعا ربنا يعافى كل أطفال المسلمين


بيهدهم وبيفقدهم طاقتهم وكمان بيقلل شهيتهم غير تبعات تانيه كتير


ياله نساعدهم على الشفاء بأمر الله

ونفرح قلب أم تعبها ألام إبنها وأهاته


ياله ناخد بالأسباب والشفا من رب العالمين

يكفى إنك تحس إنك ساعدته ولو بالقليل فى إنه يتجاوز ألمه

..شارك معانا فى الخير فى كفالة طفل حتى لو بنصف كيلو شهريا

المهم ما تفوتش الخير من إيدك محتاجينه قبليهم

ترسم ضحكه + ملعقة عسل لطفل مريض شوف تساوى كام عند ربنا


وبسمة على قلب أم وأنت معاهم فى الطريق

حنستناك معاهم

وعلى فكره بقى لينا كمان نشاط فى القاهره

فى معهد الأورام
يعنى أكيد حتعرف تشارك فى الخير معانا

ممكن تاخدوا فكره هنا وتقولوا لنا رأيكوا
http://www.facebook.com/?sk=messages#!/event.php?eid=156480988889&index=1

هناك 21 تعليقًا:

  1. السلام عليكم
    جزاك الله خيرا على هذا البوست الرائع
    وفكرة رائعة

    ردحذف
  2. وحشتينى اووووووووووى

    من يومما عرفت مدونتك وانا بخترمك فكره اروع من انسانه رائعه جعلهااااااا الله بميزان حسانتك حبيبتى وربنا يبارك فيكى يارب


    دمتى بكل خير

    ووحشتينى اوووووووووووووووووووووى

    ردحذف
  3. زهرة الإسلام

    وجزاكى الله حبيبتى
    بس ياريت تشاركى معانا
    حتى لو بالأفكار
    تفاعل يعنى

    ربنا ينفع بيكى يارب

    ردحذف
  4. إبتسامة ملاك

    ربنا يكرمك يا حبيبتى يارب
    وأنت والله

    مش عاوزه بس شكر أنا عيزاكى معانا إن شاء الله وبعت لك الدعوه على الفيس ياريت تبقى معانا إن شاء الله

    مستنين مشركتك مش محتاجين منك غير بس تلعبى معاهم وتغيرى مودهم وبس

    شوفى وإدينى رايك

    ردحذف
  5. السلام عليكم
    فكرة رائعه وجميلة وتقبل الله وجزاكي الله خيرا

    ردحذف
  6. أزال المؤلف هذا التعليق.

    ردحذف
  7. السلام عليكم
    باذن الله احاول اكون معاكم وياريت الكل يحاول وتجمعوا بناتيت من المنصوره تشارك فاليوم ده باذن الله
    جزاكي الله خيرا

    ردحذف
  8. ع نوته

    جزاك الله خيرا كثير
    وتقبل منا ومنكم

    ردحذف
  9. كريم مصطفى السيد

    شكرا لمرورك الكريم وتشجيعك
    تقبل الله منا ومنكم ورزقنا جميعا الإخلاص

    ردحذف
  10. السلام عليكم
    بارك الله في امثالكم
    وجزاكم الخير

    وجعلكم نور يضيء للاخرين
    تحياتي

    ردحذف
  11. القمر الباكى

    طبعا معانا بنات كتييييييييييير وعلى فكره فى زياره مقرره يوم الجمعه إن شاء الله لو حابه تحضرى معاكى اللينك لو حابه تعرفى ولو فى حاجه انا ممكن ارد عليها

    تنورى يا قمر

    ردحذف
  12. ذكرى رحيل قلم

    اللهم أمين
    جزاكى اله خيرا حبيبتى
    رزقنى الله وإياكى القبول اللهم أمين

    ردحذف
  13. ماشاء الله..عمل مميز..ربنا يعين القائمين عليه !

    لو تيسر الأمر قد أشارك..أعانكم المولى :)

    ردحذف
  14. مشخبطاتى

    ربنا يكرمك يا فندم ونسعد بمشاركة حضرتك
    رزقنا الله وإياكم القبول والإخلاص

    ردحذف
  15. السلام عليكم ورحمة الله وبركاته
    حياكى الله وبياكى أختى الكريمة
    يارب يثبت على طريق الحق خطاكى انتى وسائر المسلمين ويوفقنا جميعا لما يحب ويرضى .
    متنسيش يفندم تبعتيلى تلفونات وعناوين الإتصال بالمستشفى زى ما قولتيلى قبل كدة .
    وجزاكى الله خيرا

    ردحذف
  16. السلام عليكم ورحمة الله وبركاتة

    ماشاء الله بوست جميل جدااا

    وربنا يتقبل منك ومن المسلمين صالح الاعمال وكفالة اليتيم بتوصل للجنة بأمر الله تعالى وربنا يتقبل منا والمسلمين صالح الاعمال ..

    ردحذف
  17. هكذا علمنى سيدنا محمد (صلى الله عليه وسلم)

    عليكم السلام ورحمة الله وبركاته
    جزاك الله خيرا يا فندم
    وبعتذر بس انا فعلا مره زرت حضرتك وذكرتك تانى بالموضوع بس الظاهر حضرتك ما اختش بالك
    وحضرتك كنت طالب داتا باسماء الاطفال كلها هى طبعا معايا بس مش عارفه ابعتها لحضرتك ازاى
    ولو حضرتك حابب تتواصل مع جروب وأنا كمان عاوز أعمل خير سيبت لحضرتك أرقام تليفونات أحد الأعضاء حيفيد حضرتك وأى إستفسار يا فندم أنا تحت أمرك

    ردحذف
  18. طهر فؤادك

    جزاك الله خيرا أخى الكريم
    بس نشاطنا مش لليتيم هنا ده للأطفال عموما إلى فى معهد الاورام فى المنصوره
    اليتيم نشاط تانى
    ربنا يكرمك ويعزك يارب ويرفع قدرك

    ردحذف
  19. احساس كريم

    بارك الله فيكي وجعله في ميزان حسناتك

    السلام عليكم ورحمة الله

    ردحذف
  20. أحمد الصعيدى

    ربنا يكرمك حضرتك يارب ونتمنى المشاركه والتفاعل حتى لو حضرتك تنضم للجروب على الفيس بوك وتفيدنا بكلماتك حتى فى نشر الموضوع

    وشكرا لمرور حضرتك الكريم

    ردحذف

إتفضلوا هنا لو كلامى عجبكواأو حبين تقولوا لى حاجه