الأحد، 21 مارس 2010

حاله من التدهور + تحديث

ليه بنشوه صورتها حتى فى عيونا


مش بس فى عيون الغير


طب ليه


حاجه بقت مستفذه جدا


بنكسر صوره كبرنا على إنها كبيره جدا فى عيونا


والمفروض إنها كده


صحيح الأحوال بقت غير زمان بس هى مالهاش ذنب


عرفتوا بتكلم عن مين

عن

مصر


بلدنا


إلى كلنا كبرنا على

مصر هى أمى

دلوقتى بنكبر على


لما تذاكر وما تنجحش .... يبقى أنت أكيد فى مصر


لما تتخرج وما تشتغلش .... يبقى أنت أكيد فى مصر


لما تشتغل وما تكسبش .... يبقى أنت أكيد فى مصر


**عظيمه يا مصر يا أم النكد **


بعد عظيمه يا مصر يا أم الكرم



طب ليه ؟؟


هى بس الدنيا متلخبطه والفقر والتدهور عندنا وبس


حتى لو عندنا وبس


حتى لو بلادنا قست علينا


ما ينفعش ندى لغيرنا فرصه تتريق علينا


دى قسوة بشرها مش قسوة هواها ولا أرضها ولا خيرها


إذا كنا إحنا كده


أمال غيرنا يقولوا علينا إيه


عارفه إن كتييير تعبان وقرفان بس ده عمره ما كان مبرر

يخلينا نقول



هل أنت

حزين؟

كئيب ؟

متشائم ؟

زهقان ؟

مفلس ؟

مديون ؟


مبرووووووووووووووووووووووك أنت مصرى 100%



همه الناس إلى فى الحالات دى مش موجود منهم فى أى بلد تانيه ؟



حب بلادنا ده من إسلامنا ودينا


الرسول صلى الله عليه وسلم


ساب بلده مكه للمدينه رغما عنه وقالها إنكى لأحب البلاد إلى قلبى


لأنها بلده


يعنى حبنا لبلدنا سنه لازم نتبعها

حبا لرسول الله صلى الله عليه وسلم


وعلشان فى يوم من الأيام ترجع صورة بلادنا زى الأول وأحسن

بإدينا مش بإيد حد تانى

بإصرارنا على حبنا ليها

وأكيد بالإصلاح على قد ما نقدر

والإيجابيه مش الأرواح السلبيه إلى إتمكنت من أهلها

يمكن ترجع الصورة زى زمان

لأن غيرنا زمان تعبوا جدا فى بناء هذا الكيان

مصر

لأنهم حبوها بجد رغم الأحوال ساعتها كانت أصعب وأصعب


تحديث :: أولا بعتذر عن الخطأ وعن كتابة الموضوع سريعا


ثانيا دى نماذج من الماسيدجات إلى بتتبعت على الموبايلات

بينا وده إلى خلانى أتكلم فى الموضوع

بصرف النظر عن طبعا إلى شيفينه وإلى الكل بيعانى منه فى البلد

وعذرا على تأخير التصحيح لظروف خارجه عن إرادتى







هناك 33 تعليقًا:

  1. عندك حق يا سمسمة لو كان لازم بلدنا ترتقى يبقى بادينا ومفيش حد سبب فى اللى هى فيه غيرنا لو بجد عايزين ننقد يبقى نفسنا مش بلدنا لو ملناش خير فيها يبقى هيبقى لنا خير فى مين

    سمسمة حبيبتى تصحيح تقريبا إنتى كتبتى من غير ما تخدى بالك إن بلد الرسول مكة مش المدينة

    تسلمى يا حبيبتى على مجهودك

    دمتى بكل الخير والسعادة

    ردحذف
  2. السلام عليكم

    حبيبتى والله العظيم بحيكى من كل قلبى
    معاكى حق وكلامك صح ميه فى الميه
    ربنا يبارك فيكى يارب ويسعدك حبيبتى

    انا عن نفسى بحبهااااااااااااا وبموت فى ترابها
    ومش عارفه ليه صحيح بنشوه صورتها
    ربنا يهدى الجميع

    عظيمه يامصر يا ارض النعم
    بحيييييييييييييييييييييييك من كل قلبى
    اموووووووووواه ليكى يا غاليه

    ردحذف
  3. وكمان اول تعليق

    ايه الهنا دا كله
    حظى الحلو بقا

    ردحذف
  4. يالهووووووووووووى
    البت جودى سابقتنى يالا مش مهم المهم ان عندك ياقمر

    ردحذف
  5. أزال المؤلف هذا التعليق.

    ردحذف
  6. طب شوية ايجابية
    اه صحيح كلامك شوية صح بس اكيد فى حل احنا كدا طول مااحنا بجيب لاسلبيات بس هنرجع لورا

    ردحذف
  7. السلام عليكم..

    عذراً إن بدت مشاركاتي عشوائية..فالأمور متداخلة.. :)


    في البداية..ليس حالنا فقط هكذا..إلا أن حالنا سيئ جداً وليس من المفترض أن يكون هكذا..فالموارد التي تمتلكها مصر وأهمها الموارد البشرية مهدرة تماماً تماماً .. جميل !

    كما ان مصر قديماً لم تكن أفضل حال من الآن..هذا يا أختنا فقط في الأغاني..نحن نسمع في الأغاني القديمة أن مصر هي أمي..وعظيمة يامصر يا أرض النعم..وكل هذه الأغاني..لكن الحال قديماً كان زي الزفت..إلا أن المورد البشري كان طيب..يرضى بالقليل ولايشغل نفسه بكثير من الأمور..ولم تكن تفرق معه كثيراً ماذا يصنع المسئول الفلاني أو الوزير العلاني..!!

    كما أن المؤمرات والضغط على مصر زاد في هذه الفترة عن سابقتها ولننظر إلى الجانب الإقتصادي والزراعي مثلاً:

    أين شركة المحلة؟!
    أين الذهب الأبيض..القطن طويل التيلة؟!
    عمال مصر تم تسليمهم لمستثمرين أجانب..وقعدوا في بيوتهم!!
    وغيره وغيره !!

    الصورة ياسيدتي قاتمة وذا الوضع الحالي..
    إلا ان اليأس هنا غير مطلوب
    لأن كل ماتبقى لدينا الآن ليس سوى أهداب وبقايا أمل في نفوس البعض

    ردحذف
  8. أزال أحد مشرفي المدونة هذا التعليق.

    ردحذف
  9. اقولك مش عارفه اعلق بايه انى معاكى ولاضدك مش عارفه

    ردحذف
  10. السلام عليكم
    اختي الجميلة
    مع انك عندك حق طيب ايه الحل لشاب اتخرج او فتاة وعايزة او محتاج عمل

    ومافيش عمل طيب اعمل مشروع صغير
    ايه الحل مع ما ذكرتيه
    حزين؟

    كئيب ؟

    متشائم ؟

    زهقان ؟

    مفلس ؟

    مديون

    طيب يجيب قرض الفلوس حرام او حرام القروض
    بصي الموضوع ده ملهوش حل يابنتي ده حتي التدريس بالاجر بعد ما اعطوا امل الخرجين انهم سوف يعملوا بالعقد جه الوزير الجديد والغي الفترتين وجعلها فترة واحدة بناء علي هذا تم فصل المدرسين بالاجر روحوا علي بيتكم

    متهيألي ملهاش حل




    دمتي

    ردحذف
  11. مرايتي...ازيك ياقمر

    مش عارفه اقول ايه بس مش مصر هي اللي وحشة الناس هي اللي بقت وحشة والناس الوحشين للأسف هم اللي ف مراكز عليا ومسؤلين ف البلد
    فبالتالي الناس بتكره البلد عشان الناس الوحشين اللي فيها خلوها مش زي زمان خالص

    وبعدين مفيش حاجة اسمها مفيش حل
    الله لا يغير ما بقوم حتي يغيروا من أنفسهم
    كل واحد لو بدأ بنفسة يمكن نرجع زي الاول

    شكرا على الموضوع والله لسه فيه كلام كتير عايزة أقوله بس يمكن آجي تاني وأكتبه

    ردحذف
  12. السلام عليكم
    فعلا بنشوه صوره مصر اوي المشاكل الي عندنا موجوده في كل بلد مش عندنا لوحدنا
    مبقولش عاجبني الوضع لا محتاجين الحكومه والشعب يغيروا ونعمل الاحسن
    نقول محتاجين وضع افضل ونسعي ليه مش نكسر كل الي عندنا ونتجاهله ونعيب فالبلد
    طول مانعيب فيها مش هنحبها ومش هنحاول نعمل حاجه هنسافر بره ونهاجر وننسي بلدنا وده مينفعش لازم نسعي لحد منوصل للي عايزينه
    واقول لكل الي بيخرجوا بره مصر هي دي بلدكم اي بلد تاني ممكن ترجعكم فأي وقت وتسيبكم انما وطنكم عمروا ميسيبكم حتي لو كان فيه ظلم
    دومتي بخير

    ردحذف
  13. السلام عليكم
    مش زنب البلد ان فيها خونة كتير وان فيها ناس طمعين عاوزنها
    لية منغيررش الكلام
    لو عاوز امان يبقى انتى اكييييييييييد فى مصر
    لو عاوزة جدعنة يبقى انتى اكيييييييييييد فى مصر
    لو عاوز حب وغير يبقى انتى اكييييييييييييد فى مصر
    لو عاوز خير جنود الارض يبقى انتى اكييييد فى مصر
    شكرا لكى اختى على هذا البوست الرائع

    ردحذف
  14. السلام عليكم
    ازيك يا قمر وحشاني بجد
    وشكرا على سؤالك عني
    بس مشغولة اوي بالامتحانات ادعيلي
    وبالنسبة لمصر
    فده حال المة العربية كلها
    فاي بلد عربي احنا كده
    والغلط فالناس الي عايشة جوة البلد مش فالبلد
    لما كانو عايشين ناس كويسين فيها كانت خير البلاد
    تحياااااااااااااتي

    ردحذف
  15. والله العظيم انتى عندك فعلا حق فى كل كلمة

    على الاقل لو جربنا الغربة ....ساعتها بس هنقدرها


    يلا معلش ربنا يهدى

    بكرة او عن قريب هايعرفو امتها

    دومتى بكل خير

    انا اسف جدا للتأخير

    ردحذف
  16. ازيك مرايتى
    عندك حق فى اللى قولتى
    بس بجد هتتصدمى لو قرايتى البوست بتاعى
    تحباتى

    ردحذف
  17. والله إنت عندك حق في كل اللي قولتيه ..

    بس برده التنفيذ اصعب من الكلآم .. مصر أينعم حلوه وكل حاجه .. بس بقت بلد صعب انك تعيشي فيها اصلا ..

    الحاجات الوحشه بقت تغطي عالحلووه بكتيير .. ولو فيه حاجه حلوه بتكون قليله .. إحنا نص المصرين تحت خط الصفر ..

    معاكي ان كل بلد ليها مميزات وعيوب .. بس برضه مش زينا ..

    يعني احنا اللي بيظهر عندنا ده مش موجود في أي بلد تانيه .. طبعا نحن نختلف عن الآخرون

    والإعلام بتاعنا ربنا يخليه .. مش بـ يتبل في بوقه ربع فوله ..

    يعني هيا كده كده خربآنه من كل حته >_<

    ردحذف
  18. أولا بعتذر عن تأخير ردى عن البوست لظروف خارجه عن إرادتى
    وتم تصحيح الخطأ شكرا لكل من إنتبه لكل كلمه كتبتها
    ويكفينى تفاعل الجميع

    ردحذف
  19. الزهره البريه

    تسلمى يا حبيبتى ومعلشى بقى على التأخير
    معاكى حق فى كل إلى قلتيه
    وللأسف دى بقت نماذج الماسيدجات إلى بنبعتها لبعض

    وفى إدينا على قد ما نقدر نغير
    عارفه إن الوضع فعلا بقى سيىء وأكتر شويه بس برضه كلنا سبب فيه وزى مافى كتير محبط وعاطل برضه فيه وجوه تانيه عايشين معانا ونفس الظروف بس يفرق كتير الإيمان الداخلى بالذات والإيجابيه الى بتتفاوت من شخص للتانى

    عارفه إن الموضوع كبير ومش مجال لمناقشته بس بجد إستفذنى الماسيدجات إلى بتجيلى

    ربنا يخليكى لى يا قمر

    ردحذف
  20. إبتسامة ملاك

    والله يكفينى إنك بس تزورينى

    ربنا يخليكى يا قمر

    وحبنا طبعا لبلادنا مش بس كلام وشعارات لا فعل كمان عارفه إنه كتييييييييير مننا مخنوق وشايف الويل بس إحنا سبب رئيسى
    ربنا يصلح الاحوال

    ردحذف
  21. أبو على

    شرفتنا يا فندم

    ردحذف
  22. sun of freedom

    طبعا كلامك صح والإيجابيه أكيد نابعه من جوانا وده باين فعلا أكيد فى فرق بين الإيجابى وإلى بيعمل حياته بنفسه وبين الى طبعا زى الكتير مستنى الحكومه والظروف

    مشكله إحنا برضه سبب فيها

    رنا يصلح أحوال أمتنا اللهم أمين

    ردحذف
  23. مشخبطاتى

    أولا طبعا بعتذر عن الخطأ لانى بس كنت مستعجله وما رجعتش الى كتبته

    ثانيا مع حضرتك حق فعلا فى كل كلمه قلتها أمابالنسبه للأغانى طبعا زى ما بنقول كلام أغانى وبس مش واقع ومصادرنا كلها عدمت و ضيعت حتى الخيال

    بس أنا بتكلم فى نقطة إننا حتى بنساعد فى ده مش بنحاول نبقى فى حالة إيجابيه ونصلح غلط وبس بنالف ماسسيدجات عن السلبيات فى مصر

    أكيد طبعا عندنا سوء إداره فى البلد وفساد وفساد ضمير وسلبيات كتير جدا بس برضه زمان رغم إنهم كانوا بيرضوا بالقليل الى طبعا كمان ما كانش متوفر بس كان فيهم ناس عاوزه تصنع أمه بالرغم من كل ده ده الفرق بينا

    حاول تسال كده اى شاب انت ممكن تقدم ايه للبلد ما بقيناش نفكر غير فى اكلنا وشربنا ومصالحنا وبس عارفه ان ظروف البلد وصلتنا كمان لكده بس برضه بنشوف فىه نماذج إيجابيه بنفسها ودى حاجه مبشره مش عاوزين حتى نضيع بقايا هذا الامل الموجود فى نفوس البعض

    وأكيد الحال حيتغير لما نستغل كل إمكانيتنا ونحاول نغير قدر المستطاع

    ربنا يصلح الاحوال
    وشكرا يا فندم على مشاركتك

    ردحذف
  24. جيجى

    أنا نفسى مش عارفه ضدى ولا معايا
    الحال فعلا يلخبط

    يمكن ما اتكلمتش فى الموضوع بصوره مفصله بس إلى إستفذنى الماسيدجات الى بتتبعت على الموبيل دلوقتى

    ليه بنعمل كده عمرها ما كانت وسيله للضحك

    ربنا يصلح الاحوال يارب

    ردحذف
  25. ذكرى رحيل قلم

    عارفه إن الموضوع خطير
    كئيب
    يبعث على التشائم

    بس أكيد ليها حل

    والحل أكيدأولا فى تجديد الروح الإيجابيه

    ثانيا فى البحث عن العمل والابتكار باى وسيله

    ثالثا فى تغير الحكومه ونشر الضمير

    ساعتها ربنا ييسر ونشوف بلادنا بصوره احسن
    وتجديد رو

    ردحذف
  26. فراشه

    والله برضه عندى كلام كتييييييييير يمكن كتبته على السريع لما وصلتنى الماسيدجات دى على الموبايل واستفذتنى

    بس بجد حالنا كل مادا فى النازل وللأسوء

    وللأسف سلبيه سلبيه هى الى بتحركنا دلوقتى ومستسلمينا ليها حتى ما بنقاومش

    وطبعا تمام لا يغير الله ما بقوم حتى يغيروا ما بأنفسهم

    وده الى بنحاول وياريت الكل يحاول يغيره

    ردحذف
  27. لو متكلمناش هنسكت ونكتم جوانا ؟
    صعب لازم نتكلم عشان نتغير ...ومش هنتغير غير لما نتكلم

    ردحذف
  28. القمر الباكى

    طبعا معاكى حق ومع الى حيردوا عليكى فى خروجهم من البلد برضه حق مهم مش لاقين النفس هنا ومش عارفين يعملوا حتى الحياه البسيطه من غير زياده

    مشكله كبيره مسؤل عنها البلد والحكومه والمسؤلين والشعب واحنا بس الى بندفع تمنها

    وللأسف مستسلمين وحبين دور المظلومين والمقهورين من غير تغير

    ردحذف
  29. زهرة الإسلام

    هى دى الروح الى المفروض نبقى فيها مهما حصل

    هى دى الى حتوصلنا لالى بنحلم بيه مش شعارات لا ده إيمان بربنا واستغلال لقدرتنا وعدم إستسلام لواقع صحيح الكل واقع فيه وواقع تحت ضغطه فى مفرمة الحياه

    تسلمى ياقمر

    ردحذف
  30. سمسم/سما

    وحشانى والله
    ربنا معاكى يا حبيبتى وبالتوفيق إن شاء الله

    مش كده برضه أصلنا فاكرين ان مصر بس هى الى كده

    ربنا يصلح أحوال أمة الإسلام اللهم أمين

    ردحذف
  31. الحزين

    طبعا
    وياريت نحاول نغير على قد ما نقدر

    شكرا لمرورك

    ردحذف
  32. أسامه

    حمد الله على السلامه
    وإن شاء الله طبعا حشوفه وربنا يستر

    ردحذف
  33. حباية بدؤل

    أهلا بيكى يا قمر

    طبعا صح
    بس ليه نستسلم لده ليه ما نحاولش نغير
    ليه الدنيا تظلم كده رغم إن فيه شمس ربنا خلقها تنور لنا نهار نقدر نسعى فيه ونغير
    شغلتنا إعمار الارض وبلادنا من الارض يبقى لازم نساعد على قد ما نقدر مش بس نشكى ونتظلم

    نورتينى يا قمر

    ردحذف

إتفضلوا هنا لو كلامى عجبكواأو حبين تقولوا لى حاجه