الأحد، 7 يونيو 2009

أحاسيس صعبه جدا

الإحساس بالوحده

إحساس مؤلم خصوصا لما تبقى وحيد وناس كتير حوليك بس مش حاسين بيك ولا بوجعك ومبيفكروش حتى يسألوك مالك والمشكله إنهم مع إنهم ما بيهونوش عليك بيزودوا ألمك ومع كده بتتحملهم ومطالب إنك تتحملهم بس همه ما يتحملوش لحظات وجعك

إحساس صعب جدا لما تكون لقيت إلى يكسر الإحساس ده ويهون عليك ويشاء المولى عز وجل أن تتركه ويبعد عنك بيزيد إحساسك الأول بكتير جدا عما كان عليه



الإحساس بالظلم

إحساس موجع خصوصا من ناس بتحبهم وظلموك سواء فى موقف أو فى موضوع وأنت متكتف ومش قادر تتكلم من وجع قلبك من إلى ظلموك مع إنهم ممكن يكونوا همه أصلا ظلمينك وأنت إلى فى الأخر خسران من ظلمهم ومع كده برده ظلمينك


الإحساس باليتم

ما أصعبه خاصة إن لم تكن يتيم الأبوين بل يعيشان دون أن تشعر بوجودهم دون أن يشعروك بحنانهم ولا يهتموا سوى بالأمور الماديه فقط ولا يتطرقوا للأمور المعنويه التى تمثل لديك ما هو أكثر من الأمور الماديه فقد تحتاج إلى حضن الأم أكثر من حاجتك إلى الطعام وتحتاج إلى يد الأب الحنونه بدلا من ورقات المال

أحاسيس صعبه ومؤلمه وموجعه للقلب لكننا نمر بها وتشكل الكثير من حياتنا اليوميه

هل يوما ستنتهى

هناك 14 تعليقًا:

  1. الاحساس بالوحدة قد يتلاشى مع الزمن ولكن عليك ان تهتم بذكر الله فمن كان الله معه لا يكون وحيد
    الاحساس بالظلم قد يكون اشد الما عندما يكون من اقرب الناس اليك ولكن عليك بالمواجهة والدفاع عن نفسك بالحقائق حتى لا تظلم انت نفسك
    اما الاحساس باليتم فهو يكون نتيجة التفكك الاسرى والاهتمام بالمال اكثر من الابناء وعلينا ان نوعى الاباء والامهات الى مثل هذه الامور
    سمسة انتى اثارتى 3 مشاكل بطريقة بسيطة
    تقبلى تحياتى ومرورى

    ردحذف
  2. اولا اهلا بك نورت مرايتى
    ثانيا أعلم يقينا أن من وجدالله فماذا فقد ؟ وأصدق على كلماتك فبالرغم من الإحساس احيانا بالوحده والشرود الى ان تذكر ان الله معك يحميك ويكفيك ولن يتركك مهما تركك الاقربين هو احساس بالطمئنينه ألا بذكر اله تطمئن القلوب ؟ اللهم عمر قلوبنا والسنتنا بذكرك
    ولكنى اختلف معك فى مواجهة بعض الظالمين فقد يكونوا ممن لا تقدر حتى على معاتبتهم مثلا الام والاب فلا تجد امامك سوى الصبر والسكوت
    والاحساس باليتم قد لا يكون ناتج عن التفكك الاسرى ولكن من ضغوط الحياه وقلة الثقافه بشؤن الاسره واحتيجاتها

    شكرا well على مرورك العطر

    ردحذف
  3. ليه بس الوحده
    ده النت ده يلغى اي وحده صحيح انتى بتكلمى جماد بس فى اصحاب بيردوا عليى دايما
    يارب ماتبقيش وحيده ابدا ابدا ابدا

    ردحذف
  4. السلام عليكم
    انا سعيد بتعرفى على مدونتك
    اللى عجبنى فى البوست (ما أصعبه خاصة إن لم تكن يتيم الأبوين ) نعم هناك الكثير من الاباء والامهات على قيد الحياه ولكنهم بالنسبه الى اولادهم موتا من زمن بعيد
    بوست رائع
    اتمنى تشرفنى فى مدونتى

    ردحذف
  5. كلامك حلو قوى وموجع قوى

    الاحساس بالوحدةده شئ صعب ويتلاشى عند قربك من الله

    الاحساس بالظلم ما أوجعه من احساس ولكن أن تكون مظلوم أفضل كثيرا من أن تكون ظالم

    الاحساس باليتم قدر علينا وسيحاسبونا عليه الأبوان ولكن ممكن يعلك هذا كيف تكون أااام ايجابية واب ايجابى

    تحياتى لك
    شيمو القمر

    ردحذف
  6. السلام عليكم ورحمة الله وبركاته
    هههههه اسف بس علشان بصره
    الاحساس دا مايتوصفش مهما حولت الاقلام ان تصف او الريشه ان ترسم او قطعه موسيقيه ان تترجم بانغامها هذا الاحساس
    مااصعب ان تتكلم بلا صوت
    ان تحيى كى تنتظر الموت
    مااصعب ان تشــــعر بالســـــــأم
    فترى كل من حولك عـدم
    ويسودك احساس الندم
    على إثــم لا تعرفه .... وذنب لم تقترفه
    ما اصعب ان تشعربالحزن العميق
    وكأنه كامـنٌ فى داخــلك ألـــم عريــــق
    تستـــكمل وحــدك الطــريــق ..
    بلا هـدفٍ ... بلا شــريكٍ ... بلا رفيــقٍ
    وتصير انت و الحزن و الندم فريق
    وتجد وجهك بين الدموع غريق
    و يتحــول الأمــل البــاقى الى.... بريـق

    مااصعب ان تعـــيش داخــل نفـــسك وحيـد
    بلا صديــــقِ ... بلا رفيـــــقِ ... بلا حبيـــبِ
    تشعر ان الفرح بعـيد..
    تعانى من جــــرح .. لا يطــيب
    جـــرح عمـيق.. جـــرح عنـيد..
    جـــرح لا يـــداويــه طبيـــب..

    مش لاقى كلام لانى مهما كتبت مش هاعبر عن هذا الاحساس لانه زى الماس قوى يجرح جرح لا يندمل ولا يشفى جرح القلوب متشكر على تعليقك وياريت تقبلينى صديق
    اسف للاطاله

    ردحذف
  7. لا ريب ولا جدال أن تلك الأحاسيس لها يومها التي ستعلن انتهائها وبطلان مفعولها
    ولكن الى أن يأتي ذاك اليوم علينا نحن أننتعلم كيفية كبت جماح شعورها المرير
    الوحدة او الظلم أو اليتم جميعها يمكن التغلب عليها ..فلا وحيد مع طبيعة نستطيع أن نصادقها ان خلُص البشر ولا ظلم مع خالق الظالمين والمظلومين ولا يتم مع أصدقاء نجدهم أبائنا وأمهاتنا بل وسائر العائلة

    دمتي بخير وتالق

    الحارة سد

    ردحذف
  8. معاكى ياجيجى ان النت احيانا بيساعدك على انك تعدى لحظات وحده كتيره بس احيانا بتبقى محتاجه روح وليس جماد

    وبعدين حد يبقى له اصحاب حلوين كده ويبقى وحيد
    ربنا يخليكى لى يا قمر

    ردحذف
  9. أهلا بيكى يا اسامه نورتنى
    فعلا من أصعب الاحاسيس الى الابن ممكن يحسها بعدم وجود ابويه مع انهم عايشين معاه بس !! ربنا ينور قلوب كل الاباء والامهات

    ردحذف
  10. أهلا بصاحب الكلمات الرقيقه
    نورتنى يا صدفه جميله ربنا يكرمك ويعزك وينور قلبك وأبشر فإن الله يحبك قد يكون منعك لأنه يحبك ربنا يهون على كل حد قلبه مجروح

    ردحذف
  11. أهلا ياشيمو
    المشكله ان الايام دى بقى كل الكلام بيوجع قوى
    ان شاء الله الكلام الحلو جى .....

    ردحذف
  12. نورت مدونتى البسيطه وحديثة العهد
    حاره سد
    رائعه كلماتك ربنا يكرمك ويعزك

    ردحذف
  13. محتاجين نتــــــــحرق بجاز وسخ للضرر والمضرة
    علشان نتطهر وننضــــــــف ولا نتوسخ تانى مـــره
    طالما الحق لم يحق والعدل اتبدل وصار تجربه مره
    والباطل صار مسيطر على العقل والقلب والسرة
    ولعلع بفساده وعناده وظلمه للحـــــــــر والحـــرة
    لان اليومين دول يومين الظالم والبلطجى والجره
    ومن يطلب العدل ميزاننا عطلان يروح يوزن بره
    هيلاقى بعيد عنا العدل والمساواة والفرح والمسرة

    ردحذف
  14. حلوو اووي كتابتك للثلاث انواع دول للاحساس بهم
    فعلا اصعب ثلاثة مش عارفة اقول خاصة لاني جايلي الفترة دي اول واخر احساس منهم,,,
    بجد ربنا يبعدنا عنهم ويبعدهم عننا الثلاثة دول

    ردحذف

إتفضلوا هنا لو كلامى عجبكواأو حبين تقولوا لى حاجه