الخميس، 4 يونيو 2009

ليه بقينا كده

بقت الدنيا من حولينا أمراض وبطاله ومياه ملوثه وهواء ملوث وغلاء معيشه وإنعدام ضمير
ويوووووووووووووووووووووه

حاجات كتيره

إيه إلى شاغل المسؤلين نفسى أعرف

بيعملوا إيه

الناس مطحونه وطالع روحها وفى المقابل وزراء بتصرف
93,000000
مليون جنيه سنويا على سفرياتهم

بتعمل بيهم إيه وهى بتسافر أصلا كام مره ؟؟

الله أعلم

مش حدخل فى تصنيف المبلغ لأنى منقوطه

لا وإيه عرفنا إن القمح فاسد وفيه أكتر من 18 نوع من الحشرات ولا يصلح للإستهلاك الأدمى تبعا لبلده وبتتغذى عليه المواشى عندهم

نيجى نقول دى المواصفات المصريه

على أساس إننا حيوانات يعنى ؟
ولسه لحد دلوقتى بيتدولوا فى ميعاد وصول وتسليم الشحنات بعد ما الناس أكلته

وربنا يسترها علينا

والجديد بقى بعد إضمحلال وتدنى التعليم فى مصر
حلوه إضمحلال دى !

طلعت علينا سمعه والكويت قللت من عدد الطلبه إلى بيجوا يتعلموا فى جامعات مصر وخصوصا الجامعات الخاصه

ليهم حق مهو إحنا إلى عملنا كده

الطالب بيتعلم بفلوسه

لا تعليق

بقينا كل يوم نسمع بلاوى أيوه بلاوى كل يوم وحاجات أصعب من إلى قبلها

الله يصبرك ياشعبى ويرفع عننا البلاء

دعواتكوا ياجماعه ربنا ياخد بإيدينا

هناك 8 تعليقات:

  1. عندك حق ياسمسه
    بس المهم احنا بنسال مين
    هل بنغنى ونرد على نفسنا ولا ايه بالضبط

    ردحذف
  2. اهلا بيكى ياجيجى منورانى
    انا لا بغنى ولا برد على نفسى
    انا بكسر حاجز الصمت الى وصلنا له
    ممكن ما يكونش حد حيسمع بس المهم انى ما اسكتش

    ردحذف
  3. ههههههه ايه اللي شاغل المسئولين ؟؟

    على فكره انا اعرف مسئولين كتير كانوا بيسألوا السؤال ده قبل ما يبقوا مسئولين ههههه

    لما تبقي مسئوله حتعرفي ايه اللي بيشغلهم .

    على رأي احمد مطر :

    الفرد في بلادنا .. مواطن .. سلطان

    ليس لدينا انسان

    ردحذف
  4. بسم الله الرحمن الرحيم
    اولا :جيت ارد مرورك الكريم على البلوج الخاص بى واشكر حسن كلماتك واحساسك الجميل ان دل دل على ملاك لا يوصفه وصف ولا اى كلمه
    ثانيا:ممكن تسمحى لي بالتعليق
    المسئوليه شيىء كبير وعظيم وفى نفس الوقت هم كبير وحمل ضخم وليس كل الناس زى بعض كما اننا السبب الرئيسى فى ذلك فلا نلوم غير انفسنا
    وممكن ان اضرب ليكى مثل تخيلى لو انك ام وليكى طفل واحد اعتقد انه لن يمس الارض ولو اصبحوا طفلين طب لو تلاته ولا اربعه الحال هايتغير لازم نبدء بانفسنا الاول متحسبيشى التكاليف والحاجات دى ممكن تبصى بعين اكثر تعمق وتشوفى السرقه الموجوده عادى ربنا يرحمنا
    ياريت تكون صديقه دائمه اسف لو كنت طولت

    ردحذف
  5. عندك حق فى كل كلمه لاكنك قلبتى علينا المواجع


    تحياتى على الموضوع

    ردحذف
  6. أنت تعرف مسؤلين يا عبد من عباد الله دا أنت واصل بقى !

    أما أنا لو بقيت مسؤله مش حنسى وحطنش على الى كان بيضيقنى قبل ما اكون مسؤله أكيد ححاول باقصى جهدى
    لان ده معنى المسؤليه

    تحياتى للشاعر العظيم

    ردحذف
  7. نورتنى يا صدفه جميله
    وشكرا على كلامك والله انا ما أستاهلش كل ده

    معاك حق إننا علينا مسؤليه كبيره بس لازم يساندها المسؤلين وعارفه اننا فى اخطاء كتير بنعملها بتتسبب فى مشاكل برده كتير بس فى حاجات بيقى مالناش دخل بيها واحنا الى بنتحمل اخطاء المسؤلين ذى القمح الفاسد مثلا والأضرار ما بيبقالهاش حصر ده مثال بسيط

    ونورتنى

    ردحذف
  8. معلشى بقى يا akeed بس المواجع هى الى متقلبه والله

    أسال المولى عز وجل أن يفرج عن الامه ويرفع عنها البلاء

    ردحذف

إتفضلوا هنا لو كلامى عجبكواأو حبين تقولوا لى حاجه