حسرة وألم

بجد حاجه محسسانى بالحسره
بنات ولكن لا تستحى
أصبحت الموضه الأن التقليد الأعمى دون التفكير ولو لحظه
إلى حعمله ده صح ولا غلط
أضعف الإيمان
إلى حعمله ده حيناسبنى ولا لأ
كل البنات النهارده لا تنتظر حتى لما تروح الجامعه وتنطلق زى ما كان البنات بتفكر زمان
ودى طبعا حاجه غلط وحرام
البنات النهارده فى إعدادى وثانوى بيلبسوا لبس تخجل بعض النساء انهم حتى يلبسوه فى البيت
ناهيكم عن بنات الجامعه دى كارثه تانيه
طب ليه؟
فين ابائهم سمحوا لهم يخرجوا كده إزاى؟
إزاى بنت فى السن ده تخرج باللبس ده وبالمكياج ده؟
وإيه رايحه درس
المشكله إلى بتنقطنى إن البنت بتبقى خارجه مع مامتها بالشكل ده ومامتها منتقبه أو لبسه خمار لرجليها
طب إزاى؟؟؟؟
الإتنين متناقضين تماما طب ليه سمحت بكده
هى مش خايفه على بنتها؟
ومش خايفه من ربنا؟
كلكم راع وكلكم مسؤل عن رعيته
مع أننا الأيام دى ما بقناش نسمع حاجه أكثر من حوادث الإغتصاب وما شابه مع كده ما بيحصلش تغير
أسأل المولى عز وجل أن يستر بنات ونساء المسلمين

رسالة عتاب

هذه رساله منى لكل بخيل
ممكن تكون الرساله دى ما حدش حيقراها خصوصا إلى عاوزاه يقراها بس أنا بسجل بيها هنا إعتراضى

الرساله دى لكل بخيل فى مشاعره وإظهار حنيته وحبه بقصد هنا (الأباء والأمهات )
أعلم أن حب الأبناء هوه غريزه داخليه ومجود بالفعل داخل قلوب الاباء والأمهات حتى أنه ينمو من أول يوم يعرف فيه الزوجين بان الزوجه حامل ويكبر ويكبر مع الابن ولكن بعض الاباء ليس لديهم ثقافة اظهار مشاعر الحب لابنائهم مع ان الحب اصلا موجود مما يدفع الابناء فى مرحله من مراحل العمرللبحث عن من يشبع هذه الغريزه ( الشعور بالحب من قبل شخص ما ) شخص يشبع هذه الرغبه
شخص يعوض مالم يقم به الاباء
فقد نجد بعض الابناء متعلق بالجد او الجده أكثرمن الأب أو الأم أو بأى شخص قد يجد عنده ما يفتقده سواء أقارب أو أصدقاء أو من يسمع ويحاور ويحل لو فى مشكله بحب ويعطف فى لحظات الالم والحيره
انا شخصيا اعرف حد كان مرتبط بعمته لانها كانت بتسمعه وبتريحه وبجد حنينه معاه هوه حاسس انها احن من امه بس لانها بتبين له ده مع انه عارف ان امه بتحبه جدا وحصل قدامى اخته بتهزر وبتتكلم عليه مامتها ما سكتتش لما عرف ما بقاش مصدق لانه ما اتعودش يسمع منها حاجه بل كله اضهاد وشكوى مع انها ما بتستحملش عليه حاجه

ليه بقى الاباء ما يبينوش حبهم لولادهم بدل ما الموضوع يبقى أخطر من كده وطبعا مفهوم انا عايزه اقول ايه؟؟؟؟
الموضوع حيكلفهم ايه ؟؟
حيقولوا احنا فى ايه ولا ايه ؟؟
انتوا مش حاسين بحاجه؟؟
إحنا شغاليم فى ساقيه علشانكوا وعايزنا كمان نطبطب وندادى
أقولهم فى ناس زيكوا وشقيانه برده بس مش ناسيه الامانه والهبه الى ادهالها ربنا
لان ولادهم فى يوم من الايام برده حيكونوا اباء ولكن!!!!!!!!!!!!!!!!!!!!!!!!!!!
ما اتعلموش إذاى يحبوا ولادهم وتتكرر المأساه من جديد وتتفاقم الأزمه ويزداد الحب المحرم الذى يضر اكثر ممكا ينفع

انا عارفه إن كلامى رخم وتقيل بس واقع ونفسى بجد يتغير ومش عارفه أغيره وإلى بعمله ده أضعف الإيمان
جايز يبقى حافز حتى لينا اننا نتعلم من أخطاء أبائنا

أعمل إيه حاجه مضيقانى

شكر للجميع

وجع القلب

بجدمش عارفه ليه الايام دى حاسه بوجع القلب

أنا عارفه إنى كتير بحس بوجع القلب بس الأيام دى مقلب على كل المواجع
بس معلومه : وجع القلب الى حاسه بيه مش وجع مادى أى مرضى
ولكنه وجع من نوع تانى وجع نفسى ومعنوى مش جسدى
تعرفوا يعنى إيه قلبك يوجعك
أأأأأأأأأأأأأه من وجع القلب

لما تعدى مع نسك وتفتكرى شخص عزيز فرقتكوا الأيام وما بقاش موجود فى حياتك
وهوه أو هى إلى كانت زمان معاكى بتفرح لفرحك وتزعل لزعلك جسدين بروح واحده
ساعتها تحسي إن روحك راحت منك
وساعتها حتحسى بوجع القلب

لما تعدى مع نفسك وتفتكرى لمة البيت الحلوه وقعدتك تحب عباية بابا فى الشتامن ناحيه
واخوىمن الناحيه التانيه ويحكى حكياته زمان وإحنا نسمع وننسى البرد بقسوته طول ما فى
أمان
بس كل ده عدى وراح وللاسف مش راجع تانى
ساعتها حتحسى بوجع القلب

لما تعدى مع نفسك وتفتكرى حب مر عليكى فى حياتك بس للأسف راح منك غصب عنك
هوه أصلا فى الأول دخل غصب عنك بس لما راح منك زعلتى عليه
لما تعدى مع نفسك وتفتكرى إلى حصل وتخرج منك تنهيده وأه غصب عنك تهز كل كيانك بدون قصد منك
ساعتها حتحسى بوجع القلب

يااااااااااااااااااااااااااااااااااااااااااااااااااااااااااااااااه حاجات كتيره تحسى معاها بوجع القلب
مش عارفه أجمع مواقف دلوقتى بس فعلا فى مواقف كتيره جدا بحس معاها بوجع القلب
وما أصعبه من إحساس
ما حدش بيحس فعلا بوجع القلب الحقيقى غيرإلى مر بيه
سواء من إنسان أو ممكن حتى من نفسى أو من ظروف
بس ياريت منكونش بعد كده سبب لوجع القلب لأى إنسان من النهارده
لأن ده فعلا سبب كبير لوجع القلب لى شخصيا
إنى أكون سبب فى وجع قلب بنى أدم خصوصا لو كان بيحبنى حتى لو من غير قصد

أسأل الله العظيم أن ينزل السكينه على قلبى وعلى كل قلب موجوع

أنا بنت من الزمن ده ولكن...

أنا انثى من هذا الزمن ولكن نفسى فى حاجه دايما بفكر فيها

هى عموما شخصيه ولكن مش اى شخصيه ولا يوجد على وجه الكون مثل هذه الشخصيه

ولن يوجد..... حبيبى ورسولى وشفيعى
محمد صلى الله عليه وسلم

مش عارفه اذا كان من حقى افكر كده ولا لا بس نفسى
أعمل ايه
نفسى

نفسى يكون لى اب انام على حجره وياخدنى تحت دراعه ويطبطب على يمسح دمعتى
أأأأأأأأأأأأأأأأأأأأأأأأأب
ربنا يخلى لى أبى ويديله الصحه وطولة العمر بابا حنين على بس
مشكلته انه مسافر يعنى ما بيبقاش موجود لما ببقى محتجاه بس الدنيا كده
وكله علشانا


نفسى يكون لى صديق ينصحنى يسمعنى يدلنى على الثواب يوقفنى لو غلطت يوقظ فى ضميرى

نفسى يكون لى زوج وحبيب ويعاملنى ذى ما كان بيعامل زوجاته يداعبهم ويجالسهم
ويسامرهم ويعينهم فى امور الدين والدنيا

بفرح قوى لما بسمع القصص الى بتسرد لينا
كونه أب - صديق - زوج .... فهو نعم الاب والصديق والزوج

دايما ما اتمنى ان يكون لى كل هذا

مش عارفه ده حلال ولا حرام بس اعمل ايه فى الى بحس بيه
أسأل الله ان يرزقنى زوجا يعاملنى ولو ربع معاملت رسول الله لنسائه

صلى الله عليه وعلى اله وصحبه وسلم تسليما كثيرا
فداك نفسى وروحى وابى وامى يا رسول الله

سافقد المنتصر لذة الانتصار

المهزوم إذا ابتسم أفقد المنتصر لذة الفوز
إن المصائب كثيرا ما تكون رحمه فى لباس عذاب
ولكن لمن يعى ويؤمن كمال الايمان بقضاء الله وان ما عند الله خير وأبقى

أذكر نفسى:
بأشياء إذا ذكرتها هانت عليك مصيبتك

1-أن تذكر أن كل شىء بقضاء الله وقدره وأن الجزع لا يرد القضاء
2-أن ما أنت فيه أخف مما هو أكبر منه
3-أن ما بقى لك أكثر مما أخذ منك
4-أن كل قدر حكمه لو علمتها رأيت المصيبه هى عين النعمه
5-أن كل مصيبه للمؤمن لا تخلو من ثواب ومغفره أو تمحيص أو رفعه شأن أو دفع بلاء
وما عند الله خير وأبقى

من الان لن أشعر من هزمنى أنه إنتصر على

انا النهارده ابتديت المشوار

لى صديقه محببه جدا الى قلبى من أيام الجامعه
اسمها جيجى
بحبها جدا ودايما كانت بتعينا على طاعة الله وعمل الخير علشان كده نفسى ايام الجامعه ترجع تانى
بس طبعا من غير امتحانات كانت أحلى أيام والله بصحبتها الحلوه وأصحابنا كلهم
هى إلى إقترحتى على إنى أعمل مدونه أنا كنت بقرأالمدونات التانيه وما إهتمتش إنى أعمل مدونه بس هى شجعتنى
المهم أنا عزمت وتوكلت
دا طبعا كان أولا إحقاقا للحق وميرسى قوى يا جيجى

نبتدى بقى المشوار

نفسى بجد أتغير شايفه حياتى بقى ممله وروتينيه بس بقيت مستسلمه للوضع وما بقتش فارقه معايا
بس زمان ما كنتش كده

بس!!!!!!!!!!!!!!!!

نويت اكسر البرواز الزجاج إلى حبست نفسى فيه ونويت أقف من تانى

حقف دلوقتى لحد هنا لما انفض الزجاج المكسور

ولنا بقيه إن شاء الله