شوية فضفضه

شوية كلام

بما إننا فى الصيف والجو حر كان نفسى دلوقتى أكون ولد مع إنى بحمد ربنا إنى بنت مش ولد
بس حد يسألنى ليه دلوقتى نفسى أكون ولد

للأسباب الأتيه
كان نفسى أخرج وأتمشى براحتى فى أى مكان ولأى ميعاد طبعا ما حدش حيحاسبنى ذى ما بيحاسب البنت
بس هنا
stop

طبعا مش حعمل حاجه غلط ومش حخرج عن نطاق العقل والأصول

كله بالمعقول

بس كنت حتمشى على الكورنيش وأتفرج على النيل براحتى وأتمشى مع أصحابى
أتعشى بره أروح أى مكان مع أصحابى ومش حبقى مقيده بميعاد خروجى أو بمكان وجودى
مهو ده إلى بيحصل ولا لا حد ينكر

أنا عن نفسى ده بيحصل عندنا إخواتى بيخرجوا براحتهم فى أى وقت وطبعا بيسهروا وأبسط رد

إحنا فى أجازه والناس كلها سهرانه
طبعا الشباب بس

شوفتوا بقى ليه كان نفسى أبقى ولد خصوصا فى الحر ده والصيف
بس طبعا الحمد لله إنى بنت
مش عارفه
مهو كان ممكن لو كنت ولد كنت أعصى ربنا مع إنى بقول إنى ما كنتش حعصاه
محدش يعرف
إلى ربنا إختارهولى هوه الخير

اللهم لك الحمد

حاجه بقى زعلانه من نفسى قوى بسببها

إستسلامى لحالة الكأبه والحزن أحيانا
مش أحيانا بس

لا بجد كتير

بسلم لها نفسى قوى ويمكن بقدم لها نفسى على طبق من فضه

بلوم نفسى كتير بس الظروف لما بتحكم ما بقدرش رغم إنى ببقى مرتبه إنى ما أستسلمش

المشكله إنها بقت بتسيب أثار سلبيه

الحمد لله إنها بتبقى فتره وتعدى بس أهى برضه بتبقى معكننه على وشله كل تفكيرى

أدينى بحاول أروض نفسى

على فكره دى حاله جديده على
ما كنتش كده زمان

يمكن من نفسى !!!

حاجه كمان

بدعى ربنا يبارك لى فى شعبان ويبلغنى رمضان ويبلغنى ليلة القدر ويجعلنا من عتقائه من النار ومن المرحومين
أنا وجميع المسلمين

وأدعوا الله أن يتجاوز عن خطيئتى ويغفر زلتى وترفع صحيفتى بالحسنات ويتجاوز عن السيئات

لأنى بجد حاسه إن ذنوبى كتيره جدا

ربنا إغفر لنا ذنوبنا وإسرافنا فى أمرنا وتجاوز عن سيئاتنا وتوفنا وأنت راض عنا وإختم بالباقيات الصالحات أعمالنا
اللهم إرزقنا حسن الخاتمه وأجرنا من سوء الخاتمه

وللحديث بقيه إن كان فى العمر بقيه إن شاء الله

لا تنسونى من صالح دعائكم

خواطر

من غناء الحور العين فى الجنة

يرددن ويقلن نحن الخالدات فلا نبيد ونحن الناعمات فلا نبأس نحن الراضيات فلا نسخط طوبى لمن كان لنا وكنا له تقول ام المؤمنين السيدة عائشة رضى الله عنها ان الحور العين اذا قلن هذه المقالة اجبنهن المؤمنات من نساء الدنيا نحن المصليات وما صليتن نحن الصائمات وما صمتن نحن المتوضئات وما توضئتن ونحن المتصدقات وما تصدقتن قالت عائشة رضى الله عنها فغلبنهن أى نساء ألدنيا المؤمنات تغلبن الحور العين

وصف ثمار الجنة

يقول عليه الصلاة والسلام انه عرضت على الجنة وما فيها من الزهرة والنضرة فتناولت قطفا من عنب لآتيكم به فحيل بينى وبينه ولو أتيتكم به لأكل منه من بين السماء والارض لا ينتقصونه

لأنه رسول الله (صلى الله عليه وسلم )

حدث رسولنا عليه الصلاة والسلام يوما اصحابه فقال بينما انا نائم رأيتنى فى الجنة فاذا امرأة تتوضأ الى جانب قصر قلت لمن هذا القصر فقالوا لعمر بن الخطاب فذكرت غيرتك يا عمر فوليت مدبرا فبكى عمر رضى الله عنه وقال اعليك اغار يا رسول الله

نساء أهل الجنه

المسلم وهو فى الجنة تأتى اليه زوجته فتضرب على منكبيه فينظر وجهه فى خدها اصفى من المراة وان ادنى لؤلؤة عليها تضىما بين المشرق والمغرب فتسلم عليه فيرد السلام ويسألها من انت ؟فتقول انا من المزيد
وانه ليكون عليها سبعون ثوبا ادناها مثل النعمان من طوبى فينفذها بصره حتى يرى مخ ساقها من وراء ذلك وان عليها التيجان المزينه بالؤلؤ لو ان ادنى لؤلؤة عليها نزلت الى الد نيا لأضاءت ما بين المشرق والمغرب فيتمتع معها ويلذ بها كيفما اراد ومتى اراد وحيثما اراد فلا مقطوعة ولا ممنوعه

أسأله محيرانى

لماذاأصبح تقدمنا ونجاحنا يتوقف على سقوط وفشل الآخرين؟؟

لماذا تخرج أعذب الأحاسيس والكلمات فى وقت الحزن وعند الفرح يعجز القلم أو حتى اللسان عن سرد الكلمات؟؟

لما الحب مرتبط بالمحن.. لم لم نرى الحب والفرح سويا؟؟

لما نرى اليوم قانون الغابه هو السائد؟؟

أين الحب ؟؟ أين الأهل ؟؟أين الأخوه ؟؟أين....................؟؟

أين كثير من القيم والجمال والكثير مما أعجز حتى عن سرده؟؟

أسأله كثيره منها ما يسألنى عنها قلبى ومنها ما يسألنى عنها عقلى وبصراحه كثيرا لا أجد لها إجابات عندى!!!!

وحشتينى يا مرايتى

نظرا لإنقطاع النت عندى وظهور كمان البعبع إلى هو النجمه الزرقاء

أعتزر لكى حبيبتى معلشى بس غصب عنى سبتك فتره كبيره

عندى كلام كتير نفسى أقوله بس مش عارفه إيه جرى لى

يمكن تأثير حر ولا تأثير كأبه وملل !!!!

على العموم أنا بعتزل لك مخصوص لحد ما ربنا يفتحها على والكلام يرجع يجرى بين إيدى تانى

إنا لله وإنا إليه راجعون

مش عارفه أقول غير كده

إنا لله وإنا إليه راجعون

أسأل المولى عز وجل أن يتغمد الشهيده دكتوره مروه الشربينى برحمته ويدخلها فسيح جناته ويلهم أهلها الصبر والسلوان

بجد مش عارفه أقول أى حاجه واحده تتقتل بس لأنها مسلمه ومحجبه

ويحصل ده عادى على مرء ومسمع من البشر

لسه حيحصل لنا إيه أكتر من كده

ياجماعه لو حد جه وزارنى ياريت يدخل على مدونة مش حنسكت أو يروح عند جيجى علشان نحاول نعمل حاجه توقف المهزله إلى الكل إفتكر إنها حنتهى بعد كلام ال أوباما
gigismallwarld.blogspot.com
دى أبسط حاجه ممكن أعملها

كارثه

كارثه والله
خرجت إمبارح مع واحده صاحبتى تشترى لبس
ومن هنا بدأت الكارثه

طبعا نزلنا نتفرج كل المحلات بنفس الإسطمبه بضيهات وبنطلونات وعلشان أبقى عادله كان فى جيبات
تمام
طب يعنى المحجبه إلى يعن لبسه معقول وواسع شويه تعمل إيه
تروح تشترى من أمريكا
بيتهيألى حنلاقى هناك لبس واسع

إحنا بلاد المسلمين بقى كل اللبس المعروض عندنا بضيهات
طب أعمل إيه

وكل ما صاحبتى تقيس حاجه نقول للبنت إلى فى المحل ما فيش أوسع تقول لى أنتوا أول حد يطلب منى كده كل إلى يجى يقول العكس ما فيش أضيق أنا عاوزاها ماسكه
وبقت مستغربانا

وطبعا هلكنا وفى الأخر روحنا من غير ما نشترى

طب ليه كده
همه دول بقوا بنات المسلمين كل اللبس بقى بضيهات على بنطلونات أو جيبات ودى طبعا بتبقى المحتشمه
وطبعا الإقبال على البضيهات خلى كل إلى بستورد أو بيصنع يصنع بضيهات وبس
وإلى ما بتلبسش بضيهات تتعود لأن ما فيش غيرها
رفيعه بقى ولا تخينه مش حتفرق
خليكى إستايل وما تبقيش بيئه
عجبك شكلك البيئه ده واسع وطرحه كبيره حتتمدنى إمته ؟؟
أسأل الله العفو والعافيه
أسأل الله العفو والعافيه

يا حبيبتى ليه كده

ليه بتظهرى إلى ربنا أمرك بستره ليه بتكشفى ستر الله عليكى
تخيلى لو قابك رسول الله صلى الله عليه وسلم وأنت لابسه كده
حتقولى له إيه؟
حتقدرى تقولى له دى الموضه؟
حتقدرى تقولى له كل البنات بتلبس كده؟
حتقدرى أصلا تواجيهه كده؟

لو حتقدرى خلاص أنا مش حتكلم

إنما عن نفسى والله ما حقدر لو لبسه كده أخرج من باب قوضتى
مش أمشى فى الشارع والبنات قبل الولاد يتفرجوا على

والله أنا بنت ولو شفت بنت لابسه لبس لايليق على الحجاب أو لا يليق أصلا بمسلمه ببقى منتقضه شكلها
طب ليه؟

ربنا أمرنا بالستر ودى فطره بشريه

ياحبيبتى
حاول تراعى ربنا فى لبسك مش الناس

ياحبيبتى
خافى من يوم لا ينفع مال ولا بنون

ياحبيبتى
إسترى نفسك نصره لدين الله

يا حبيبتى
إسترى نفسك نصره لرسول الله

ياحبيبتى
إسترى نفسك ولا تشمتى فينا إعداء الإسلام

ياحبيبتى
إسترى نفسك من أجل تحرير الأقصى

يا حبيبتى
إسترى نفسك ليوم تشخص فيه الأبصار

يا حبيبتى
إسترى نفسك حتى لا تفتنى غيرك نساء ورجال وتضيع حسناتك ليأخذها من فتنتى وظلمتى

هذه والله تذكره لى حتى لا تزل قدمى قبل أن أذكر بها غيرى

للرجل فقط وليس للمرأه

ما جعل الله لرجل من قلبين في جوفه


هذه آية تشهد على إعجاز القرآن، لأنها تتحدث عن إحدى الحقائق الطبية اليقينية، فالرجل لا يمكن أن يحمل أكثر من قلب في جوفه، ولكن ماذا عن المرأة؟ لنقرأ....

لفت انتباهي هذا التحليل الذي وجدته على شبكة الإنترنت لقوله تعالى: (مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ) [الأحزاب: 4]. فلماذا قال خصَّ الله تعالى الرجل دون المرأة؟ وهل يمكن للمرأة أن تحمل في جوفها قلبين؟

لقد شهدنا في التاريخ حالات شاذة لطفل برأسين أو عدة أذرع أو أرجل، وغير ذلك، ولكن لم نشهد أبدًا رجلاً يعيش بقلبين، لأن القلب هو المسؤول عن تنظيم حركة الدم، ولا يمكن أن يعيش إنسان بقلبين، ولكن ماذا عن المرأة؟

المرأة إذا حملت فإنها تحمل في جوفها قلبها وقلب طفلها، وقد تحمل بأكثر من توأم ولذلك قد تحمل في جوفها عدة قلوب، ولكن الرجل لا يمكنه ذلك!

القلب هو أهم عضو من أعضاء الجسد، فهو الذي ينظم الدورة الدموية ويحرك الدم في نظام معقد، والقلب يُخلق في مرحلة مبكرة جداً خلال الأسابيع الأولى من الحمل، ويبدأ في ممارسة نشاطه مباشرة، وقد كشفت بعض الأبحاث أن للقلب دور في عملية التفكير والإبداع والإيمان.

وقد يولد طفل بقلبين (ربما يحدث هذا كحالة شاذة) ولكنه لن يصل لمرحلة أن يصبح رجلاً وسيموت وهو طفل، ولذلك تُعتبر هذه الآية معجزة طبيًا، لأنه لا يمكن لأحد أن يقرر أنه لا يمكن العيش بقلبين! ولذلك قال تعالى في نفس الآية

(وَاللَّهُ يَقُولُ الْحَقَّ وَهُوَ يَهْدِي السَّبِيلَ)

فهذه الحقيقة، حقيقة أنه لا يوجد رجل يمكن أن يحمل في جوفه أكثر من قلب.