حمد الله على سلامتك يامصر

طوينا الصفحه ورمينا الكشكول وكسرنا القلم القديم


وحشترى أحلى كشكول لحبيبتى

أكتب فيه أحلى كلام وحلونها بأحلى الألوان

مصـــــــــــــــــــــــــــر أم الدنيا

مافيش كلام يتقال بعد إلى إتكتب بدم شهداء وشباب مصر

غير مبرووووك علينا مصر من تانى

مبروك علينا بلدنا غيرناها بإدينا

ولسه حنبنيها ونعمرها من تانى برضه بإدينا

أخبارى لزوارى وأحبتى

أولا كل عام وأنتم جميعا بخير بمناسبة العام الهجرى

ويارب يبقى عام بالخير والسعاده مليان يارب علينا وعلى المسلمين جميعا

اللهم أمين

ثانيا بقى بما إنى كان عندى مناسبه حلوه الحمد لله

ألا وهى خطوبتى

كان لازم أجى وأجيب معايا أحلى تورتايه


عقبال كل البنات يارب والشباب كمان علشان ما يزعلوش

ربنا يفرح قلوب الناس كلها يارب

دعواتكوا

عيد سعيد وخروف للأسف مش سعيد

كل سنه وأنتوا طيبين وفرحانين

وللخروف ذابحين ولللحمه أكلين

أضحى سعيد يارب علينا وعلى المسلمين جميعا يارب

ويارب العيد يجى بالفرحه على الجميع والبهجه تملى قلوب الناس كلها


وشكرا لإلى سأل عنى الحمد لله بس الأنفلونزا كانت هلكانى
دعواتكوا

وبشكر كل إلى زارنى فى البوست إلى فات وإن شاء الله أرد الزياره

عيد سعيد

لحظة سكون

فى جلسه صغيره معها فقليلاً ما أجالسها

صديقتى القريبه البعيده

فهى من المفترض أقرب المقربين لكننى لم أعد أعرف عنها شىء


لأنها مشغولة عنى بأمور مشتركه وبالرغم من اننا نسكن نفس المكان


ونفس الزمان لكنى أفتقدها فهى تسكننى أحملها بداخلى

وأخيرا جلست أحاورها

فنادراً ما أجلس معها أحاورها

فأنا لم أتعود مجالستها كأخرين

أريد محادثتك قليلاً

يا نفسى

سؤالاً يشغلنى يا نفسى

لماذا إتخذتى الحزن سكناً وشيدتى من الأحزان أسوارً عاليه تسجنين بداخلها

تعيشين على ألاما من ماضى وحاضر كأى ألام من ألام البشر

لكنك لم تدعيها تمر وتمض مع أيام تمض

أما آن لك أن تفتحى نافذة قلبك لترى عينيك النور

فأنت من أعنت الأيام على غلقها

أنا أعرف أنك تشتاقين إلى النور

وأشعر بصراعك بداخلى فلماذا تخافيه وتستحيلينه

لا تخافى فلن يحرق الضياء عيناكى

بل هى مخلوقه لتتحمل وترى النور وتستمتع بشعاعه كما عودتيها على رؤية الظلام وتحمل ألامه


فكم غيرك مروا بأسوء مما رأيتى

فأنت فى نعيم مقارنة بألامهم

عاشوا عذاباً بمعنى العذاب

بمعناه الحقيقى ليس بالمعنى الراسخ فى عقلك أنك ملكتى عذاب الكون

وما هى إلى مجرد تخبطات فى مسيرة الحياه


هل تريدين أن تعرفى العذاب الحقيقى؟

إنظرى فى عيون البشر فى الطرقات ستعرفيه

سيرى بين أوجاع المرضى على أسرتهم البيضاء ستعرفيه

إشعرى بأسى المحتاج ستعرفيه

تخيلى نفسك أسيره غريبه فى وطنك معذبه من محتل غاصب ستعرفيه

ستريه عند الكثيرين والكثيرين أقصى وأصعب من أن تتخيليه

هذه هو الحزن والألم الحقيقى الذى يحمله البشر بين أضلاعهم

ولكنهم بفضل من الله وبعض من إيمان بقضاء الله وقدره ورضاً لأن الجزاء الجنه

يعيشون ويصبرون على آهات الحياه

ويرون فيها جمالاً لا تراه عيناك حتى ولومسروقه من لحظات الألم

إسمحى لعيناك مثلهم أن ترى نور الحياه وجمال وبديع خلق الله

فكل ما حولك خلق من أجلك أنت لتستمتعى برغم الآه

هذا طلبى منك ولى عوده لحوارك

لأرى أستجبتى وفتحت للنور باباً أم إختارتى الظلام درباً فى الحياه

إحساس مؤلم

• أحمل فى قلبى خوفاً يؤرقنى
• 
  

• يسرق من بسماتى
• 
  
• يرتسم شبحه على ملامحى
• 
  
• لكنه بداخلى طوفاناً يسرى بين خلجاتى
• 
  
• أمواجه عاتيه تفوق قدراتى
• 
  
• خوفاً يضخ إلى جميع أعضائى
  
• 
  
• يسلبها قوتها
• 
  
• قدرتها
• 
  
• يفقدنى طعم كل شىء
• 
  
• ويجعلنى لا أقوى على شىء
• 
  
• أرتسم بسمه مغصوبه تخفى دمعاً محبوس
• 
  
• قلباً موجوع ألماً يخترق الضلوع
• 
  
• طالما صاحبت هذا الخوف وتحملته ولكنه هذه المره أعتى
• 
  
• أعرفه دوماً وصاحبته كثيراً وتخطيته أكثر
• 
  
• اليوم أخشاه
• 
  
• أخشاه
  
• 
  
• أخشاه
• 
  
• شدته تؤلمنى
• 
  
• تؤرقنى
• 
  
• تخيفنى بشده

ملكة وملك جمال الشعب

دخلنا فى موسم الصراع والكلام الحلو إلى بقى له مواسم

موسم الإنتخابات إلى لازم يبدأ قبليها بسنه أو يمكن أكتر

والله أعلم بيستعدوا له من إمته

زيارات لمستشفيات .. توزيع فلوس وأكل على الغلابه

وناس بتظهر كده فى المناسبات الخاصه بس بتاعتهم مش بتاعت الناس

مندوب لمرشح جارنا فى رمضان كان قالب الشارع

بيوزع مواد تموينيه وأمم عمرى ما شوفتهم فى حياتى وما أعرفش الناس دى جت منين

أهو خالى الغلابه تاكل فى الغلا إلى إحنا فيه

المهم الحفله إلى بعد التوزيع والهيصه إلى إتعملت للمرشح

يعمر بيت أبوه

بجانب الزغاريد الرنانه من أفواه غلبانه

وهو أصلا مش عارف إن الناس دى لا حتنتخبه ولا أصلا تعرف يعنى إيه إنتخابات

المهم

الحاجه المستفزه بقى جداً

كم الإعلانات إلى ماليه الشوارع ومتعلقه على كل البيوت

كأنه عرض لإختيار ملكة جمال وملك جمال الشعب

لا وصور بقى إيه !

ستات ورجاله بصراحه ما حدش مقصر أحلى صور وأحلى مصورين

وكم الستات المترشحه وصورها إلى بالطول والعرض وبطول البيت والحيط

هى مسابقه للجمال بالصور ولا إيه النظام !

مين الناس دى ؟

مين الألاف دول إلى كل يوم بيتعلق صور ليهم أكتر من إلى قبليهم

أنا رأى نختار المرشح صاحب أجمل بوستر

ما إحنا ما نعرفش الناس دى وإلى نعرفهم بيدخلوا كل دوره ويسقطوا

يا إما إلى بينجح ما بنشوفوش غير الدوره إلى بعديها

والهيصه والبروباجندا إلى بيعملها طبعا

نغير بقى

يبقى نختار بأحلى بوستر

مهم كده كده بيروحوا يناموا تحت القبه يعنى مش فارقه كتير

وعمار يا مجلس الشعب

كلمات سهلة النطق ولكن ؟

المجاملات

كتير بنجامل بعض بجمل ما أحلاها

بس ياترى الكلام ده بيبقى طالع من القلب بجد

يعنى الجمل إلى بيترجمها اللسان خارجه من القلب

ولا نفاق ومجرد كلام سهل ومجامله وبس مش حاجه بجد تتحس

بنجامل بكلام معسول ونضحك بوجه بشوش

بس للأسف زى ذهب قشره يبهر بلمعانه بس وراه معدن مالوش قيمه

وزى عروسه لعبه

شعر أصفر وعيون زرقا وخدود حمرا بس بلاستيك

يعنى جمال مزيف

ليه بنستخبى ورا قناع هذا الجمال المزيف

نفاق مجمل

ليه بنقول حاجه مش حاسينها

حللنا النفاق وخليناه وسيلتنا لكسب الأخرين وقضاء المصالح

ليه بنجمل الغلط والحرام ونقدمه لينا ولغيرنا

لحد ماوصيلنا إن الحلال والصح هو الغلط والغريب

تعالوا نغير الواقع الغلط إلى بقى هو الصح

تعالوا نسمع تانى العصافير وهى بتغرد مش حاجه تانيه قامت بالدور ده

قرار

مش حنافق مش حقول حاجه مش حساها لأى سبب من الأسباب

مش حجامل فى الغلط علشان مصلحتى أو مصلحت حد حتى لو ماقدرتش أقول على الغلط لا

مش حكون من إخوان الشياطين