تخبطات فى المسيره

وحشانى مرايتى جدا

ووحشنى زوارها

يارب يكون الجميع بخير وفى سعاده يارب

وأسأل المولى عز وجل أن يبارك لنا فى رجب وفى شعبان ويبلغنا رمضان بكل خير



أكيد الكل عايش فى حاله من عدم التوازن واللخبطه من إلى حاصل وإلى بيحصل كل يوم


ولأن الكل بيتكلم حاولت الفتره إلى فاتت إنى أسمع

أتعلم ..... أفوق على دنيا جديده صدمت الجميع

مش حتكلم فى السياسه بعد طول الغياب لأن الكل عامل إلى عليه

كتاب ومثقفين حتى الناس العاديه

فى كل مكان فى البيت فى الشارع مافيش غير كلام عن أحوال البلد

أكيد منها إلى بإيجابيه وللأسف كمان إلى بسلبيه


وربنا يولى علينا خير البشر ويصلح حال أمتنا اللهم أمين



اليومين دول شاغلنى قوى عقول البشر وإختلاف نظرتهم للأمور

رجال بعقول أطفال

رجال بعقول مراهقين

رجال بعقول بالغين

والأكيد رجال بكل هذه العقول فى عقل واحد

ودى أغلبيه البشر

و يبقى السؤال

كيف نتكيف للتعامل معهم فى كل الأحوال ؟؟

هل محاولة إرضائهم لمجرد إنهاء نقاش مصرين فيه على أنهم على صواب هى الحل ؟

أم المجادله وفى النهايه أيضا نستسلم لإصرارهم على أنهم أصح ولم نصل لنتيجه؟

أم التشبث بالرأى وتحمل نتيجه لم تتوقع لأنهم هم أصحاب القرار ؟


أعلم أنها طبيعة الحياه ولكن ماذا أفعل لأتعرف عليك أيتها الحياه التى دائما تفاجئنى بما لا أعلم؟؟

ليه يا أه ؟؟

اللهم إليك أشكو ضعف قوتي وقلة حيلتي وهواني على الناس أنت أرحم الراحمين

، أنت رب المستضعفين ، وأنت ربي إلى من تكلني إلى بعيد يتجهمني

، أم إلى عدو ملكته أمري إن لم يكن بك غضب علي فلا أبالي

، غير أن عافيتك هي أوسع لي। أعوذ بنور وجهك ألذي أشرقت له الظلمات

، وصلح عليه أمر الدنيا والآخرة ، أن يحل علي غضبك ،

أو أن ينزل بي سخطك لك العتبى حتى ترضى

، ولا حول ولا قوة إلا بك

فى ناس بتمشى على الطريق لما التعب بيحل

يقفوا من التعب يدوروا على ظل

لحظه تعين يكملوا المشوار



سنين والدنيا تشيل وتحط

ماشين يادنيا معاكى بنحلم نلاقى الأمان



صعبان عليكى إننا ساكتين

شايلين همومنا فى صدورنا وعايشين

صعبان عليكى وعلى ناسك إننا صابرين



وأه يا دنيا من ناس ليها من الوشوش ميات

ظلمينك معاهم بظلمهم وغدرهم إلى بان



ركبين معانا فى مركبنا همهم غرقنا

إزاى ياخير حتبان والرفيق جواه تعبان



ليه يا أه سببك قريب مش غريب

ليه يا أه سببك قريب مش غريب

ليه يا أه سببك قريب مش غريب


ربى إنى مغلوب فإنتصر

أتسائل ؟؟

وماذا بعد ؟

إلى متى ؟

ألا يكفيكى ؟

متى ستتغلبين عليه ؟


تساؤلات إلى نفسى

قد تحير من يقرئها بقدر حيرتى معها

إحساس مؤلم

• أحمل فى قلبى خوفاً يؤرقنى
• 
  

• يسرق من بسماتى
• 
  
• يرتسم شبحه على ملامحى
• 
  
• لكنه بداخلى طوفاناً يسرى بين خلجاتى
• 
  
• أمواجه عاتيه تفوق قدراتى
• 
  
• خوفاً يضخ إلى جميع أعضائى
  
• 
  
• يسلبها قوتها
• 
  
• قدرتها
• 
  
• يفقدنى طعم كل شىء
• 
  
• ويجعلنى لا أقوى على شىء
• 
  
• أرتسم بسمه مغصوبه تخفى دمعاً محبوس
• 
  
• قلباً موجوع ألماً يخترق الضلوع
• 
  
• طالما صاحبت هذا الخوف وتحملته ولكنه هذه المره أعتى
• 
  
• أعرفه دوماً وصاحبته كثيراً وتخطيته أكثر
• 
  
• اليوم أخشاه
• 
  
• أخشاه
  
• 
  
• أخشاه
• 
  
• شدته تؤلمنى
• 
  
• تؤرقنى
• 
  
• تخيفنى بشده

حينات ...

حين لا نجد للحب وطناً يحميه

ويمتلك الحزن الزمام

حين نجد البسمه مصطنعه

تخفى قلباً يخشى غدر الأيام

حين نصمت ونحمل ألف صرخه لا تجد للخروج سبيل

حين نبتسم ونخفى ألف دمعه وآه فى القلب من الحنين

حين نرى القمر بدرا ولا نجد عنده المحبين

حين لا نجد أحضانا تحوى إذا قست الأيام

حين تتوه الرحمه ونبحث عن الإنسانيه فى وجوه أهلها



حين أبحث عن وطن يضم أحلامى

حين أتحسس الضوء فى زمن الظلمه

حين أتلمس الحب فى وقت الجفاء

حين أتلمسك بين وجوه البشر

حين أتتوق لقطرة ماء تروى ظمأ صحرائى

حين أبحث عن الفرحه داخلى لا أجد سوى الآآآآه

أتسائل ؟

ولكنى رأيتها !

تجيبنى لست سوى بسمه تهون رحلة الأيام


حين يهرم قلبى قبل ضفائرى وأيام سنينى

حين أملك حبراً وقلماً وتهرب منى الحروف والكلمات



أتراهم وترانى حقا أحياء

أم نحيا أجساداً تتلاشى لا تجد النقاء



وتبقى الحينات كثيييييره وقائمه

الذكريات

الذكريات والماضى

لكل منا ماض سواء يحمل أحلى الذكريات أو أسوئها

ولكن هل تشكل هذه الذكريات الحاضر والمستقبل لدينا ؟

وبأى صوره يتشكل ؟

هل تنعكس صورة الذكريات المؤلمه أو حتى السعيده على الحاضر ؟


أم أن صاحب الذكريات يحاول تغير ماضى قد ألمه وأحزنه وأتعبه ؟


هل فاقد الشىء لا يعطيه ؟

أم أن فاقد الشىء يجاهد من أجل أن يكسر هذه القاعده

و يصبح من المعطين

هل تجاربنا السلبيه لم تعد تلقى مقاومة منا فى حاضرنا ومستقبلنا ؟


هل نجعلها هى المتحكم فى الحياه ؟

هل سنترجم تجاربنا ونسقى مرارتها لمن حولنا رغم أنها فى الماضى أحزنت قلوبنا؟


تساؤلات إستوقفتنى لأن رد فعل حاملى الذكريات مختلف تبعا لذكرياتهم


موضوع للمناقشه يسعدنى أن أستمع لأراء زوار مرايتى

أشتاقك

حين تخالطنى الأحاسيس

حين تخاصمنى الكلمات

حين يعاندنى الزمان

حين تنفجر كل المتناقضات بداخلى

حين يسألنى قلبى عن نفسى

حين أرانى تائهه وسط الدروب

حين تهجرنى دمعتى بعد أن كانت رفيقتى

حين أجلس وحيده تحاصرنى عين الأشقياء

حين يشتد حولى الشتاء وأرتجف رعبا

حين يشتد خريف العمر وتذبل أوراق أيامى



أشتاقك

مفتاح إستوقفنى !

أنبهر يوما بعد يوم بهذه التركيبه الجينيه لهذا الإنسان


الفلسطينى


محن تهدم الجبال تصنع منهم رجال

مشهد يشعرنى بعجزى رغم رغد عيشى وأمانى فى وطنى

كمشاهد كثيره نراها كل يوم

إستوقفنى هذا المشهد

فى حلقه عن اللاجئين الفلسطينين

فى برنامج ضع بصمتك للدكتور العريفى

فى مخيمات فلسطينيه بالأردن

رجل قعيد ملازم الفراش فى منتصف العمرتقريبا

يخرج للشيخ

.. مفتاحا ..

مفتاح بيته فى فلسطين التى تركها وهو فى السادسه

يتوارثه عن أبيه

يحتفظ به لأنه يثق من عودته لبيته بإذن الله

كم هو عظيم هذا الإنسان الفلسطينى

أسجل إنبهارى الذى يزداد يوما بعد يوم بهذا الكيان

الذى لا ينهزم برغم ما رأى ولازال يرى ويتحمل مالا يتحمله البشر

حاجه محيرانى !!

المضغه إلى قال عنها رسول الله صلى الله عليه وسلم


" إذا صلحت صلح الجسد كله وإذا فسدت فسد الجسد كله"


القلب هو إلى

بيحب

بيكره


طب الوجه هو إلى بيضحك

ساعتها ما بيحسش بالقلب
وفى بعض الأحيان ترجمه لفرحه غمرت القلب



والعين هى إلى بتبكى

أحيانا بتترجم إحساس القلب وأحيانا لا



هو القلب إلى بيترجم المشاعر دى

ولا القلب بس بيحس ومالوش علاقه بترجمة الإحساس



وكمان لما تنجرح أو يضيع منك حب أو تفقد عزيز

ليه ساعتها بتحس بوجع القلب

والعكس مع الفرح بتحس بفرح فى القلب


أحيانا لا أجد للقلب علاقه ببعض الترجمات من الوجه أو العين!!

حاله من حالاتى !

السلام عليكم ورحمة الله وبركاته

بصراحه ما كنتش مرتبه أكتب بوست النهارده

ومعلشى ممكن تلاقوا الدنيا متلخبطه شويه

لأنى بصراحه قرفانه جدا جدا

إلى بيحصل حوالينا فعلا يسد النفس ومش مخلينى نفسى أعمل حاجه ولا أقول حاجه


طبعا الكارثه إلى بتحصل لأهل غزه والجدار ومنع أبسط المساعدات عن ضعفاء ربنا إبتلاهم

بعدو ومحتل لا بيرحم ولا بيتراجع


وجت حتى بلادنا إلى المفروض تحاول تخفف عنها بأى طريقه خنقتها أكتر وأكتر بقت

إسرائيل تشد الحبل من ناحيه ومصر بجدارها من ناحيه



مش عارفه دى خطه ولا ضغط ولا إيه بالضبط

ومصر إلى بقت صورتها وحشها جدا بسبب حاكم ولا حكومه لا تتقى الله

ومصر لا هى مبارك ولا حكومته

مصر هى الغلابه والمطحونين الطيبين

عذرا يا أهل العزه ولا تؤاخذونا بذنوب ولاة أمورنا

عذرا أقصانا فما ضيعناك إلا ضعفا من حكامنا

ولكن حتما ستضيء شمعة الحريه ولن يشعلها إلا الشرفاء المخلصين المسؤمنين حقا


وحالنا

بقى حالنا كل يوم من أسوء لأسوء


أنا كرهت التليفزيون والجرايد والنت


تليفزيون : برامج وأخبار تسود الدنيا فى عنينا أكتر ما هى كوارث وحوادث وجرايم


أفلام تقرف وتفاهه


بس أكيد البرامج الدينيه والقنوات الدينيه بصراحه الحاجه الوحيده إلى بتهون شويه وياريتهم

سايبنها فى حالها


جرايد : نفس الحال أخبار تنكد وأخبار للأفلام الى تقرف وبورصه وإقتصاد مخروب


النت : برضه نفس إلى بيتشاف لا جديد بل أسوء بقليل

والناس خلصت الرحمه من قلوبها ودخل مكانها حقد وغل ودنيا


لما حسيت إن الدنيا خلاص ما بقتش غير كده


هى الدنيا بس كده



حروب وحصار ودمار وجرائم وكوارث وناس بتموت فى ناس وناس بتاكل فى حقوق الناس


و إلى طايل ياخد حاجه بياخدها


فين الطيبه والحب والوفاء والإخلاص معانى بدأت تنتهى من حياتنا هى أكيد قيم راسخه بس


بإدينا خناقناها


وللأسف زى ما بنخنق جوانا معانى جميله خلاص إتعودنا على الخنق والقتل ومناظر الدم

البشعه



حتى الضعيف إلى بيستجير بينا خنقناه بتحكمنا فيه وبنينا بينا وبينه طوب وخرسانه ما


تدوبهاش المعانى إلى كانت جميله


دى بقت قسوة قلوب ولا موت ضمير


لازم نفوق

وعمرنا ما حنسمح لدنيتنا تكون كده

دى محطه بس فى حياتنا ولازم نمشى على قضبانها لا نموت زى إلى بيموتوا فى حوادثها

لازم نفوق

لأننا أول الخسرانين فى معركة الضمير والا ضمير

معلشى لو كنت نكدت عليكوا بس عارفه إنكوا كده كده متنكدين


ربنا يرفع عنا ويريح قلوبنا ويراضينا ويرضى عنا ويرفع عن المسلمين وينصر الإسلام

ويعز المسلمين

اللهم أمين

مجرد إحساس

فى ذكرى النهاية

فى ذكرى الرحيل لا أجد سوى الدموع سبيل


فى ذكرى الفراق يحترق قلبى من الإشتياق


لا أذكر يوم اللقاء ولكنى أذكر تاريخ الفراق


كلاكيت لأول مره وإنتهت وفقط هذه المره


وإنتهى معها الحنين وزاد بها ألم السنين


فأصبحت وألمى رفاق بعد ضياع الضياء


أتظاهر بالقوة والجلد والحقيقه أضعف الصعفاء


يرانى الجميع أتحرك بينهم


وما أتحرك إلا هربا من نظراتهم


يظنون أنى جبل


وما أنا إلا حبة رمل تتنتظر قطرة ماء تلصقها بأرض الخيلاء


تخشى الرياح التى طالما تحركها رغما عنها ولا تقوى على البقاء




أنا لا أنا شاعر ولا رسام ولا حتى ريشه فى إيد فنان


إحساس مكبوت ونفسه يخرج للنور بس ما يكونش هربان

مجرد كلام

حاجات مالهاش دعوه ببعض

الاتىيمكن تتلخبطوا شويه


بس حاجات منفصله كتبتها تأثير إرتفاع الحراره وإنخفاضها بمزاجها


بس بدون تريقه


* من أجلك أنت .......... يا ترى يقصد مين؟؟


* الدنيا شيله ما تسوى أجرة الشيال


* لو سألت جمل على ظهره حمل تقيل عن حمله ... حيرد يقول أنا جمل صلب ولكن علتى

الجمال


* من دقات القلب نبضه


* جامعة القاهره ترقص على أنغام البلوز ووسط البلد ... لا وإحنا إلى بنغنى أغانيهم ....


ضيوفنا بقى!!


* غلابه يا إحنا


* دقه بدقه ولو زدت لزاد السقا


* أخبار ... أهرام ... جمهوريه

حروب ... فياضانات ... زلازل ... أمراض .....


* لا دخلتها برجليه ولا كان لى ميل ... شايلنى شيل أنا دخلتها الحياه


برضه بكره أخرج منها شايلنى شيل


* شعار ونيس :


لقد ربينا أبنائنا على الأخلاق والقيم لنخرج للمجتمع أبا عظيما وأما فاضله


* أه ثم أه ثم أه من قلب شاخ صبيا


* المحن تفتح فى القلب منافذ ما كان ليعلمها الإنسان بنفسه


* يا عينى عليك يا زمن يا ترى أنت الظالم ولا المظلوم


* مين إلى قال البعد بينسى الحبايب


* ما فائدة القلم إذا لم يفتح فكرا ... أو يضمد جرحا ... أو يمسح دمعا ... أو يطهر قلبا ... أو


يكشف زيفا ... أو يبنى صرحا


يسعد الإنسان فى ضلاله


* إرمى حمولك على وأنا أشيل عنك شويه .... يا مصر يا أغلى عندى من كل الدنيا دى


وأنا مين يشيل عنى يا مصر


* كتير عليك تلاقى حد يحس بيك .... تلاقى حنيه تعوضك كل إلى مر بيك

( قانون دولى )


* يا ترى لو بإختيارك تغير حاجات إتفرضت عليك يا ترى كنت حتغير إيه ....؟؟


وللتخاريف بقيه ان شاء الله


لو كان فى العمر بقيه

بجد احساس صعب!!!

إن الظلم برضه فى الأخر إنتصر

هو أكيد إنتصار مؤقت

بس بجد والله

بيبقى غصب عن أى حد رد فعله

إن حد يبقى ظالم وظلمك كتير وظلم معاك أكتر وربنا موريك أيته فيه

زيادة نفوذ وسلطان وجبروت

وطبعا هو فاكره رضا " انما يؤخرهم ليوم تشخص فيه الأبصار"

بس هوه فاهم حاجه

ومن شدة الظلم خلاص مش قادر تتحمل

تتصرف غصب عنك تصرف من كتر وجعك وإلى شفته

ويبقى هو إلى دفعك لكده

برضه فى الأخر أنت إلى تدفع تمنه !!!

وعجبى

على رأى واحده صاحبتى

وينتصر برضه الظلم فى الأخر

ويزيد رصيد ظلمه ليك مش رصيد فلوس ولا حتى أنه يسيبك فى حالك

لا

دا إستمتاع بعذابك

رغم بعد المسافات وعدم العلاقات

بس فى ناس كده

بتستمتع بأذية الناس

الموضوع ده حاصل معانا ومع أخويه خاصة وأكيد عند كتير مننا يمكن الصوره مختلفه بس

فى كتيييييييييييييييييييييييييييييييير مننا إتظلم

أنا موقنه تمام اليقين فى ربى أنه لن يضيعنا ولن ينصر الظالم انما يزيده ليزيد من عذابه

بس عارفين من شده الألم والحزن والظلم المتكرر إحنا برضه بشر بنضعف وبنتألم

عاوزه منكوا حاجه واحده بس عارفه إنكوا أحلى إخوه وصحبه فى الدنيا وأحسن حد ممكن

أطلب منهم

الدعاء

إبحث عنه معى.....

قبل أن نبحث عنه
هل هو أصلا موجود؟

هل إنطمس الجزء الحى فيك؟

بطريقه أخرى

هل سيطر الجزء الألى فيك على الجزء الغير ألى بداخلك؟؟؟؟

أريد إجابة صادقه

قد يرد البعض على .......

ولكنى هنا ساسرد الموضوع كاملا بصيغة السؤال

التى قد تكون هى الإجابة فى كثير من الأحيان

وأنتظر الإجابه

هل هو رتم حياه؟
هل هى ظروف حياه؟
أم إنطمس فى زحمة الحياه؟
أم هو أصلا بسبب موت حياه؟
أم قتلته لتستطيع أن تحيا هده الحياه؟

ولو قتلته ألم تفكر أنك ستحتاجه يوما حينها لن تستطيع إستعادته....

ولو كان لا يزال حيا أو على الأقل جزء منه ينبض هل تسعد به أم تتألم منه لأنه قد يوبخك يوما فى هده الحياه؟

وإن كنت تسعد به هل تخطط أن يظل مصدر سعادتك؟

وإن كنت تتألم منه هل ستقتله بيدك قبل أن تقتله الحياه أم ستنتظر أن يموت حيا فى هده الحياه؟؟

سؤال مرير......

أعتقد أن الجزء الحى الدى ينبض بداخلك سواء شعرت به أم لم تشعر به
سيظل بداخلك لأنها فطره حتى لو كان فى مرحلة كمون

فما رأيك ؟؟؟

أرجو أن نجده معا

شوية فضفضه

شوية كلام

بما إننا فى الصيف والجو حر كان نفسى دلوقتى أكون ولد مع إنى بحمد ربنا إنى بنت مش ولد
بس حد يسألنى ليه دلوقتى نفسى أكون ولد

للأسباب الأتيه
كان نفسى أخرج وأتمشى براحتى فى أى مكان ولأى ميعاد طبعا ما حدش حيحاسبنى ذى ما بيحاسب البنت
بس هنا
stop

طبعا مش حعمل حاجه غلط ومش حخرج عن نطاق العقل والأصول

كله بالمعقول

بس كنت حتمشى على الكورنيش وأتفرج على النيل براحتى وأتمشى مع أصحابى
أتعشى بره أروح أى مكان مع أصحابى ومش حبقى مقيده بميعاد خروجى أو بمكان وجودى
مهو ده إلى بيحصل ولا لا حد ينكر

أنا عن نفسى ده بيحصل عندنا إخواتى بيخرجوا براحتهم فى أى وقت وطبعا بيسهروا وأبسط رد

إحنا فى أجازه والناس كلها سهرانه
طبعا الشباب بس

شوفتوا بقى ليه كان نفسى أبقى ولد خصوصا فى الحر ده والصيف
بس طبعا الحمد لله إنى بنت
مش عارفه
مهو كان ممكن لو كنت ولد كنت أعصى ربنا مع إنى بقول إنى ما كنتش حعصاه
محدش يعرف
إلى ربنا إختارهولى هوه الخير

اللهم لك الحمد

حاجه بقى زعلانه من نفسى قوى بسببها

إستسلامى لحالة الكأبه والحزن أحيانا
مش أحيانا بس

لا بجد كتير

بسلم لها نفسى قوى ويمكن بقدم لها نفسى على طبق من فضه

بلوم نفسى كتير بس الظروف لما بتحكم ما بقدرش رغم إنى ببقى مرتبه إنى ما أستسلمش

المشكله إنها بقت بتسيب أثار سلبيه

الحمد لله إنها بتبقى فتره وتعدى بس أهى برضه بتبقى معكننه على وشله كل تفكيرى

أدينى بحاول أروض نفسى

على فكره دى حاله جديده على
ما كنتش كده زمان

يمكن من نفسى !!!

حاجه كمان

بدعى ربنا يبارك لى فى شعبان ويبلغنى رمضان ويبلغنى ليلة القدر ويجعلنا من عتقائه من النار ومن المرحومين
أنا وجميع المسلمين

وأدعوا الله أن يتجاوز عن خطيئتى ويغفر زلتى وترفع صحيفتى بالحسنات ويتجاوز عن السيئات

لأنى بجد حاسه إن ذنوبى كتيره جدا

ربنا إغفر لنا ذنوبنا وإسرافنا فى أمرنا وتجاوز عن سيئاتنا وتوفنا وأنت راض عنا وإختم بالباقيات الصالحات أعمالنا
اللهم إرزقنا حسن الخاتمه وأجرنا من سوء الخاتمه

وللحديث بقيه إن كان فى العمر بقيه إن شاء الله

لا تنسونى من صالح دعائكم

أسأله محيرانى

لماذاأصبح تقدمنا ونجاحنا يتوقف على سقوط وفشل الآخرين؟؟

لماذا تخرج أعذب الأحاسيس والكلمات فى وقت الحزن وعند الفرح يعجز القلم أو حتى اللسان عن سرد الكلمات؟؟

لما الحب مرتبط بالمحن.. لم لم نرى الحب والفرح سويا؟؟

لما نرى اليوم قانون الغابه هو السائد؟؟

أين الحب ؟؟ أين الأهل ؟؟أين الأخوه ؟؟أين....................؟؟

أين كثير من القيم والجمال والكثير مما أعجز حتى عن سرده؟؟

أسأله كثيره منها ما يسألنى عنها قلبى ومنها ما يسألنى عنها عقلى وبصراحه كثيرا لا أجد لها إجابات عندى!!!!

كارثه

كارثه والله
خرجت إمبارح مع واحده صاحبتى تشترى لبس
ومن هنا بدأت الكارثه

طبعا نزلنا نتفرج كل المحلات بنفس الإسطمبه بضيهات وبنطلونات وعلشان أبقى عادله كان فى جيبات
تمام
طب يعنى المحجبه إلى يعن لبسه معقول وواسع شويه تعمل إيه
تروح تشترى من أمريكا
بيتهيألى حنلاقى هناك لبس واسع

إحنا بلاد المسلمين بقى كل اللبس المعروض عندنا بضيهات
طب أعمل إيه

وكل ما صاحبتى تقيس حاجه نقول للبنت إلى فى المحل ما فيش أوسع تقول لى أنتوا أول حد يطلب منى كده كل إلى يجى يقول العكس ما فيش أضيق أنا عاوزاها ماسكه
وبقت مستغربانا

وطبعا هلكنا وفى الأخر روحنا من غير ما نشترى

طب ليه كده
همه دول بقوا بنات المسلمين كل اللبس بقى بضيهات على بنطلونات أو جيبات ودى طبعا بتبقى المحتشمه
وطبعا الإقبال على البضيهات خلى كل إلى بستورد أو بيصنع يصنع بضيهات وبس
وإلى ما بتلبسش بضيهات تتعود لأن ما فيش غيرها
رفيعه بقى ولا تخينه مش حتفرق
خليكى إستايل وما تبقيش بيئه
عجبك شكلك البيئه ده واسع وطرحه كبيره حتتمدنى إمته ؟؟
أسأل الله العفو والعافيه
أسأل الله العفو والعافيه

يا حبيبتى ليه كده

ليه بتظهرى إلى ربنا أمرك بستره ليه بتكشفى ستر الله عليكى
تخيلى لو قابك رسول الله صلى الله عليه وسلم وأنت لابسه كده
حتقولى له إيه؟
حتقدرى تقولى له دى الموضه؟
حتقدرى تقولى له كل البنات بتلبس كده؟
حتقدرى أصلا تواجيهه كده؟

لو حتقدرى خلاص أنا مش حتكلم

إنما عن نفسى والله ما حقدر لو لبسه كده أخرج من باب قوضتى
مش أمشى فى الشارع والبنات قبل الولاد يتفرجوا على

والله أنا بنت ولو شفت بنت لابسه لبس لايليق على الحجاب أو لا يليق أصلا بمسلمه ببقى منتقضه شكلها
طب ليه؟

ربنا أمرنا بالستر ودى فطره بشريه

ياحبيبتى
حاول تراعى ربنا فى لبسك مش الناس

ياحبيبتى
خافى من يوم لا ينفع مال ولا بنون

ياحبيبتى
إسترى نفسك نصره لدين الله

يا حبيبتى
إسترى نفسك نصره لرسول الله

ياحبيبتى
إسترى نفسك ولا تشمتى فينا إعداء الإسلام

ياحبيبتى
إسترى نفسك من أجل تحرير الأقصى

يا حبيبتى
إسترى نفسك ليوم تشخص فيه الأبصار

يا حبيبتى
إسترى نفسك حتى لا تفتنى غيرك نساء ورجال وتضيع حسناتك ليأخذها من فتنتى وظلمتى

هذه والله تذكره لى حتى لا تزل قدمى قبل أن أذكر بها غيرى

أحاسيس صعبه جدا

الإحساس بالوحده

إحساس مؤلم خصوصا لما تبقى وحيد وناس كتير حوليك بس مش حاسين بيك ولا بوجعك ومبيفكروش حتى يسألوك مالك والمشكله إنهم مع إنهم ما بيهونوش عليك بيزودوا ألمك ومع كده بتتحملهم ومطالب إنك تتحملهم بس همه ما يتحملوش لحظات وجعك

إحساس صعب جدا لما تكون لقيت إلى يكسر الإحساس ده ويهون عليك ويشاء المولى عز وجل أن تتركه ويبعد عنك بيزيد إحساسك الأول بكتير جدا عما كان عليه

الإحساس بالظلم

إحساس موجع خصوصا من ناس بتحبهم وظلموك سواء فى موقف أو فى موضوع وأنت متكتف ومش قادر تتكلم من وجع قلبك من إلى ظلموك مع إنهم ممكن يكونوا همه أصلا ظلمينك وأنت إلى فى الأخر خسران من ظلمهم ومع كده برده ظلمينك

الإحساس باليتم

ما أصعبه خاصة إن لم تكن يتيم الأبوين بل يعيشان دون أن تشعر بوجودهم دون أن يشعروك بحنانهم ولا يهتموا سوى بالأمور الماديه فقط ولا يتطرقوا للأمور المعنويه التى تمثل لديك ما هو أكثر من الأمور الماديه فقد تحتاج إلى حضن الأم أكثر من حاجتك إلى الطعام وتحتاج إلى يد الأب الحنونه بدلا من ورقات المال

أحاسيس صعبه ومؤلمه وموجعه للقلب لكننا نمر بها وتشكل الكثير من حياتنا اليوميه

هل يوما ستنتهى

ليه بقينا كده

بقت الدنيا من حولينا أمراض وبطاله ومياه ملوثه وهواء ملوث وغلاء معيشه وإنعدام ضمير
ويوووووووووووووووووووووه

حاجات كتيره

إيه إلى شاغل المسؤلين نفسى أعرف

بيعملوا إيه

الناس مطحونه وطالع روحها وفى المقابل وزراء بتصرف
93,000000
مليون جنيه سنويا على سفرياتهم

بتعمل بيهم إيه وهى بتسافر أصلا كام مره ؟؟

الله أعلم

مش حدخل فى تصنيف المبلغ لأنى منقوطه

لا وإيه عرفنا إن القمح فاسد وفيه أكتر من 18 نوع من الحشرات ولا يصلح للإستهلاك الأدمى تبعا لبلده وبتتغذى عليه المواشى عندهم

نيجى نقول دى المواصفات المصريه

على أساس إننا حيوانات يعنى ؟
ولسه لحد دلوقتى بيتدولوا فى ميعاد وصول وتسليم الشحنات بعد ما الناس أكلته

وربنا يسترها علينا

والجديد بقى بعد إضمحلال وتدنى التعليم فى مصر
حلوه إضمحلال دى !

طلعت علينا سمعه والكويت قللت من عدد الطلبه إلى بيجوا يتعلموا فى جامعات مصر وخصوصا الجامعات الخاصه

ليهم حق مهو إحنا إلى عملنا كده

الطالب بيتعلم بفلوسه

لا تعليق

بقينا كل يوم نسمع بلاوى أيوه بلاوى كل يوم وحاجات أصعب من إلى قبلها

الله يصبرك ياشعبى ويرفع عننا البلاء

دعواتكوا ياجماعه ربنا ياخد بإيدينا

مش عارفه أسميه إيه ؟ المهم أتكلم

مش عارفه أسمى البوست ده إيه بس فى حاجات كتير شغلانى ومضيقانى قلت أجى وأفضفض فى أوضتى

عندى سؤال

انا نفسى أعرف هى ليه الناس ما بتبطلش كلام على بعض ليه ؟؟

الناس بقت بتسلى وقتها بالكلام عن بعضها وتقول أهو بنضيع وقت طب الناس ذنبها إيه حتى لو مافيهمش عيوب بيتكلموا ويخترعوا حكايات تفتح الكلام ما تسيبوا الناس فى حالها ماحدش عالم بحالهم غير ربنا
لا وإيه بيطبقوا المثل (مالقوش فى الورد عيب قالوا أحمر الخدين )
دى حاجه

ثانى حاجه الناس إلى ربنا يهديهم وبيحشروا مناخيرهم فى كل حاجه
البنت دى لسه ما اتجوزتش
لا رفضت فلان ليه ؟
لا لسه ياعينى ما جالهاش حد ؟
بترفض يبقى فى حاجه ومستنيه حد ومرتبطه بحد؟
حنشوف خلفك امته ؟
كبرت !!!!
وووووووووووووووووووووووووووووووووووووووو
أسأله أرخم من الرخامه
الناس بقت بتعدل على ربنا
أستغفر الله العظيم
دا رزق وله معاد وله حكمه فى ميعاده
نعمل إيه بقى فى إلى ما ورهومش حاجه غير الناس

المشكله أن كلامهم خلانا تحت تأثيرهم ممكن البنت تكون مؤمنه وراضيه بقضاء الله بس تسمع الكلام تضايق وتبدا فى الإعتراض
ولا حول ولا قوه الا بالله
وممكن توافق على حاجه أو تعمل حاجه فى سبيل ارضاء الناس
أو بمعنى أصح علشان يرحموها بقى من لسانهم
بس مين هما بيرحموا وراها وراها
طب البنت تعمل ايه
والنتيجه بقينا عايشين خايفين من كلام الناس
بنطبق حكاية جحا وإبنه والحمار

المهم مش حنرضيهم فى الأخر

ربنا يهدى إلى ما وراهمش غير سيرة الناس