كارثه

كارثه والله
خرجت إمبارح مع واحده صاحبتى تشترى لبس
ومن هنا بدأت الكارثه

طبعا نزلنا نتفرج كل المحلات بنفس الإسطمبه بضيهات وبنطلونات وعلشان أبقى عادله كان فى جيبات
تمام
طب يعنى المحجبه إلى يعن لبسه معقول وواسع شويه تعمل إيه
تروح تشترى من أمريكا
بيتهيألى حنلاقى هناك لبس واسع

إحنا بلاد المسلمين بقى كل اللبس المعروض عندنا بضيهات
طب أعمل إيه

وكل ما صاحبتى تقيس حاجه نقول للبنت إلى فى المحل ما فيش أوسع تقول لى أنتوا أول حد يطلب منى كده كل إلى يجى يقول العكس ما فيش أضيق أنا عاوزاها ماسكه
وبقت مستغربانا

وطبعا هلكنا وفى الأخر روحنا من غير ما نشترى

طب ليه كده
همه دول بقوا بنات المسلمين كل اللبس بقى بضيهات على بنطلونات أو جيبات ودى طبعا بتبقى المحتشمه
وطبعا الإقبال على البضيهات خلى كل إلى بستورد أو بيصنع يصنع بضيهات وبس
وإلى ما بتلبسش بضيهات تتعود لأن ما فيش غيرها
رفيعه بقى ولا تخينه مش حتفرق
خليكى إستايل وما تبقيش بيئه
عجبك شكلك البيئه ده واسع وطرحه كبيره حتتمدنى إمته ؟؟
أسأل الله العفو والعافيه
أسأل الله العفو والعافيه

يا حبيبتى ليه كده

ليه بتظهرى إلى ربنا أمرك بستره ليه بتكشفى ستر الله عليكى
تخيلى لو قابك رسول الله صلى الله عليه وسلم وأنت لابسه كده
حتقولى له إيه؟
حتقدرى تقولى له دى الموضه؟
حتقدرى تقولى له كل البنات بتلبس كده؟
حتقدرى أصلا تواجيهه كده؟

لو حتقدرى خلاص أنا مش حتكلم

إنما عن نفسى والله ما حقدر لو لبسه كده أخرج من باب قوضتى
مش أمشى فى الشارع والبنات قبل الولاد يتفرجوا على

والله أنا بنت ولو شفت بنت لابسه لبس لايليق على الحجاب أو لا يليق أصلا بمسلمه ببقى منتقضه شكلها
طب ليه؟

ربنا أمرنا بالستر ودى فطره بشريه

ياحبيبتى
حاول تراعى ربنا فى لبسك مش الناس

ياحبيبتى
خافى من يوم لا ينفع مال ولا بنون

ياحبيبتى
إسترى نفسك نصره لدين الله

يا حبيبتى
إسترى نفسك نصره لرسول الله

ياحبيبتى
إسترى نفسك ولا تشمتى فينا إعداء الإسلام

ياحبيبتى
إسترى نفسك من أجل تحرير الأقصى

يا حبيبتى
إسترى نفسك ليوم تشخص فيه الأبصار

يا حبيبتى
إسترى نفسك حتى لا تفتنى غيرك نساء ورجال وتضيع حسناتك ليأخذها من فتنتى وظلمتى

هذه والله تذكره لى حتى لا تزل قدمى قبل أن أذكر بها غيرى

للرجل فقط وليس للمرأه

ما جعل الله لرجل من قلبين في جوفه


هذه آية تشهد على إعجاز القرآن، لأنها تتحدث عن إحدى الحقائق الطبية اليقينية، فالرجل لا يمكن أن يحمل أكثر من قلب في جوفه، ولكن ماذا عن المرأة؟ لنقرأ....

لفت انتباهي هذا التحليل الذي وجدته على شبكة الإنترنت لقوله تعالى: (مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ) [الأحزاب: 4]. فلماذا قال خصَّ الله تعالى الرجل دون المرأة؟ وهل يمكن للمرأة أن تحمل في جوفها قلبين؟

لقد شهدنا في التاريخ حالات شاذة لطفل برأسين أو عدة أذرع أو أرجل، وغير ذلك، ولكن لم نشهد أبدًا رجلاً يعيش بقلبين، لأن القلب هو المسؤول عن تنظيم حركة الدم، ولا يمكن أن يعيش إنسان بقلبين، ولكن ماذا عن المرأة؟

المرأة إذا حملت فإنها تحمل في جوفها قلبها وقلب طفلها، وقد تحمل بأكثر من توأم ولذلك قد تحمل في جوفها عدة قلوب، ولكن الرجل لا يمكنه ذلك!

القلب هو أهم عضو من أعضاء الجسد، فهو الذي ينظم الدورة الدموية ويحرك الدم في نظام معقد، والقلب يُخلق في مرحلة مبكرة جداً خلال الأسابيع الأولى من الحمل، ويبدأ في ممارسة نشاطه مباشرة، وقد كشفت بعض الأبحاث أن للقلب دور في عملية التفكير والإبداع والإيمان.

وقد يولد طفل بقلبين (ربما يحدث هذا كحالة شاذة) ولكنه لن يصل لمرحلة أن يصبح رجلاً وسيموت وهو طفل، ولذلك تُعتبر هذه الآية معجزة طبيًا، لأنه لا يمكن لأحد أن يقرر أنه لا يمكن العيش بقلبين! ولذلك قال تعالى في نفس الآية

(وَاللَّهُ يَقُولُ الْحَقَّ وَهُوَ يَهْدِي السَّبِيلَ)

فهذه الحقيقة، حقيقة أنه لا يوجد رجل يمكن أن يحمل في جوفه أكثر من قلب.

تسرق الكهرباء وهى مغلقه

معلومه جديده عرفتها فأردت أن يعرفها من يزورنى أحيانا

مع أنهم قله

الاجهزة الكهربائية تسرق الكهرباء وهي مغلقة‏

اكشف الباحث مارك بيرس من قسم التصميم والتحليل البيئي في جامعة كورنيل الأمريكية بعد
إجرائه لدراسة حول كمية الكهرباء التي تستهلكها الأجهزة المنزلية أثناء إغلاقها , وأن هذه الأجهزة
تستمر في سحب الكهرباء رغم إغلاقها وتكلف المستهلكين في الولايات المتحدة الأمريكية حوالي 3
مليارات من الدولارات سنوياً, أي بمعدل 200 دولار للمنزل الواحد .

وأوضح أن إغلاق الجهاز لا يعني أنه لم يعد يستهلك طاقة كهربائية وإنما يعني أنه في وضع انتظار
إعادة لتشغيل وأجهزة التحكم عن بعد وأكد أن مستقبلات محطات الأقمار الصناعية المربوطة
بأجهزة التلفاز تعتبر من أكثر الأجهزة المنزلية استهلاكاً للكهرباء إذ أنها أثناء إغلاقها تستخدم كمية
الطاقة ذاتها التي تستهلكها أثناء تشغيلها وأوضح أن أنظمة التلفاز المربوطة بالأقمار الصناعية
وأجهزة الـ ( دي في دي ) على سبيل المثال يستهلك كل منها ما قيمة 9 دولارات سنويا أثناء وقف
تشغيلها, ويستهلك التلفاز في الحالة نفسها 10 دولار سنوياً, وترتفع قيمة فاتورة الكهرباء كثيراً إذا
انضمت إلى قائمة الأجهزة المنزلية والأجهزة السمعية وأجهزة فتح وإغلاق مرائب السيارات, وأجهزة
الراديو المزودة بالساعات وأجهزة الرسائل الصوتية المربوطة بأجهزة الهاتف وأفران ( الميكروويف).

وفي المقابل لا تستهلك أجهزة الكمبيوتر أثناء وقف تشغيلها في الليل أو في عطلات نهاية الأسبوع
أكثر من 3 دولارات سنويا.

ويذكر أن بعض التقارير السابقة أشارت إلى أن أجهزة الكهرباء أثناء وقف تشغيلها تستهلك عالمياً
7% من الاستهلاك المنزلي للكهرباء, وقد ترتفع هذه النسبة لتصل إلى 25 % في بعض المنازل وأشار
إلى أن غالبية المستهلكين لا يدركون هذه الحقيقة.
وينصح بيرس المستهلكين
بضرورة سحب مكابس الكهرباء تماماً عن الأجهزة ويتوقف تدفق الكهرباء إلى الأجهزة أثناء وقف تشغيلها
بمعنى أصح خفف من قيمة فاتورة الكهرباء بدون جهد

أحاسيس صعبه جدا

الإحساس بالوحده

إحساس مؤلم خصوصا لما تبقى وحيد وناس كتير حوليك بس مش حاسين بيك ولا بوجعك ومبيفكروش حتى يسألوك مالك والمشكله إنهم مع إنهم ما بيهونوش عليك بيزودوا ألمك ومع كده بتتحملهم ومطالب إنك تتحملهم بس همه ما يتحملوش لحظات وجعك

إحساس صعب جدا لما تكون لقيت إلى يكسر الإحساس ده ويهون عليك ويشاء المولى عز وجل أن تتركه ويبعد عنك بيزيد إحساسك الأول بكتير جدا عما كان عليه

الإحساس بالظلم

إحساس موجع خصوصا من ناس بتحبهم وظلموك سواء فى موقف أو فى موضوع وأنت متكتف ومش قادر تتكلم من وجع قلبك من إلى ظلموك مع إنهم ممكن يكونوا همه أصلا ظلمينك وأنت إلى فى الأخر خسران من ظلمهم ومع كده برده ظلمينك

الإحساس باليتم

ما أصعبه خاصة إن لم تكن يتيم الأبوين بل يعيشان دون أن تشعر بوجودهم دون أن يشعروك بحنانهم ولا يهتموا سوى بالأمور الماديه فقط ولا يتطرقوا للأمور المعنويه التى تمثل لديك ما هو أكثر من الأمور الماديه فقد تحتاج إلى حضن الأم أكثر من حاجتك إلى الطعام وتحتاج إلى يد الأب الحنونه بدلا من ورقات المال

أحاسيس صعبه ومؤلمه وموجعه للقلب لكننا نمر بها وتشكل الكثير من حياتنا اليوميه

هل يوما ستنتهى

ليه بقينا كده

بقت الدنيا من حولينا أمراض وبطاله ومياه ملوثه وهواء ملوث وغلاء معيشه وإنعدام ضمير
ويوووووووووووووووووووووه

حاجات كتيره

إيه إلى شاغل المسؤلين نفسى أعرف

بيعملوا إيه

الناس مطحونه وطالع روحها وفى المقابل وزراء بتصرف
93,000000
مليون جنيه سنويا على سفرياتهم

بتعمل بيهم إيه وهى بتسافر أصلا كام مره ؟؟

الله أعلم

مش حدخل فى تصنيف المبلغ لأنى منقوطه

لا وإيه عرفنا إن القمح فاسد وفيه أكتر من 18 نوع من الحشرات ولا يصلح للإستهلاك الأدمى تبعا لبلده وبتتغذى عليه المواشى عندهم

نيجى نقول دى المواصفات المصريه

على أساس إننا حيوانات يعنى ؟
ولسه لحد دلوقتى بيتدولوا فى ميعاد وصول وتسليم الشحنات بعد ما الناس أكلته

وربنا يسترها علينا

والجديد بقى بعد إضمحلال وتدنى التعليم فى مصر
حلوه إضمحلال دى !

طلعت علينا سمعه والكويت قللت من عدد الطلبه إلى بيجوا يتعلموا فى جامعات مصر وخصوصا الجامعات الخاصه

ليهم حق مهو إحنا إلى عملنا كده

الطالب بيتعلم بفلوسه

لا تعليق

بقينا كل يوم نسمع بلاوى أيوه بلاوى كل يوم وحاجات أصعب من إلى قبلها

الله يصبرك ياشعبى ويرفع عننا البلاء

دعواتكوا ياجماعه ربنا ياخد بإيدينا

الله علينا ... نموت فى الكوسه

نورت مصر يا أوباما

بس ياريت تنورنا على طول مهو إحنا المستفدين فى الأخر
شوارع فاضيه ونضيفه وجمال ما فيش كده

المهم نيجى بقى للكلام الجد

إيه الفصاحه واللباقه دى خطاب منمق ومرتب وكمان من غير ورق إيه ده كله
ودارس الموضوع وبيستشهد بأيات من القرأن ومن التوراه والإنجيل

وإحنا نسقف

لا وإتكلم فى حاجات ما كانش حد متوقع إنه يتكلم فيها تبادل الثقافات بين المسلمين العرب والأمريكان والبعثات

ذى إلى جابت أبو حضرته لأمريكا

وإحنا نسقف

والحريه فى الحجاب وتعليم المرأه

وإحنا نسقف

وحرية الدول فى إمتلاك سلاح نووى ولكن للأغراض السلميه

وإحنا نسقف

نيجى بقى للكلام إلى هو

قضيه فلسطين
قال إيه؟

يتعايش الفلسطينيون مع اليهود
ومن حق اسرائيل أن يكون لديها وطن وأنهم مساكين

وتكون القدس كما كانت أرض الديانات الثلاثه

ويعد بدولة فلسطينيه بس لما الفلسطينين يبطلوا عنف
همه برده !!

خلينا معاه للأخر
ماشى
موافقين

بس إزاى؟؟؟؟؟؟؟؟؟؟

همه أصلا مرتزقه ومحتلين الأرض إزاى بقى ليهم حق فى إمتلاك أرض !!

وبيمارسوا مع الفلسطينين أسواء أنواع العنف

المشكله إننا برده نسقف وبحراره

كنت متغاظه قوى من إلى بيسقفوا بضمير قوى دول

ما إحنا شعب نجيد التسفيق فقط وبمهاره

ياله

المهم فى الأخر إنها خطبه رائعه ورنانه بس إمته التنفيذ مع إنه لم يعد بالتنفيذ بعد الأحلام التى حلم بها اليوم فى القاهره

نورت مصر يا أوباما